በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ–አዲስ ዓለም ትርጉም

ምሳሌ 26:1-28

የመጽሐፉ ይዘት

  • ስለ ሰነፍ ሰው የተሰጠ መግለጫ (13-16)

  • በሌሎች ጠብ አትግባ (17)

  • ከአጉል ቀልድ ራቅ (18, 19)

  • “እንጨት ከሌለ እሳት ይጠፋል” (20, 21)

  • ስም አጥፊ የሚናገረው ቃል እንደ ጣፋጭ ምግብ ነው (22)

26  በረዶ በበጋ፣ ዝናብም በመከር እንደማያስፈልግ ሁሉክብርም ለሞኝ ሰው አይገባውም።+   ወፍ ቱር የምትልበት፣ ወንጭፊትም የምትበርበት ምክንያት እንዳላት ሁሉእርግማንም ያለበቂ ምክንያት አይመጣም።*   አለንጋ ለፈረስ፣ ልጓም ለአህያ፣+በትርም ለሞኞች ጀርባ ነው።+   ለሞኝ እንደ ሞኝነቱ አትመልስለት፤አለዚያ አንተም የእሱ ቢጤ ትሆናለህ።*   ጥበበኛ የሆነ እንዳይመስለውለሞኝ እንደ ሞኝነቱ መልስለት።+   አንድን ጉዳይ ለሞኝ በአደራ የሚሰጥእግሩን ከሚያሽመደምድና ራሱን ከሚጎዳ* ሰው ተለይቶ አይታይም።   በሞኞች አፍ የሚነገር ምሳሌ፣እንደ አንካሳ ሰው እግር* ነው።+   ለሞኝ ክብር መስጠት፣በወንጭፍ ላይ ድንጋይ እንደ ማሰር ነው።+   በሞኞች አፍ የሚነገር ምሳሌበሰካራም እጅ እንዳለ እሾህ ነው። 10  ሞኝን ወይም አላፊ አግዳሚውን የሚቀጥር፣በነሲብ ያገኘውን ሁሉ* እንደሚያቆስል ቀስተኛ ነው። 11  ውሻ ወደ ትፋቱ እንደሚመለስ፣ሞኝ ሰውም ሞኝነቱን ይደጋግማል።+ 12  ጥበበኛ ነኝ ብሎ የሚያስብ ሰው አይተህ ታውቃለህ?+ ከእሱ ይልቅ ሞኝ የተሻለ ተስፋ አለው። 13  ሰነፍ “በመንገድ ላይ ደቦል አንበሳ፣በአደባባይም አንበሳ አለ!” ይላል።+ 14  በር በማጠፊያው* ላይ እንደሚዞር፣ሰነፍም በአልጋው ላይ ይገላበጣል።+ 15  ሰነፍ እጁን ወደ ሳህን ያጠልቃል፤ወደ አፉ ለመመለስ ግን እጅግ ይታክታል።+ 16  ሰነፍ ሰው በማስተዋል መልስ ከሚሰጡ ሰባት ሰዎች ይበልጥጥበበኛ የሆነ ይመስለዋል። 17  በሌሎች ጠብ የሚቆጣ* መንገደኛየውሻ ጆሮ እንደሚይዝ ሰው ነው።+ 18  የሚንበለበሉ ተወንጫፊ መሣሪያዎችን፣ ፍላጻዎችንና ሞትን* እንደሚወረውር እብድ፣ 19  ባልንጀራውን አታሎ ሲያበቃ “ቀልዴን እኮ ነው!” የሚል ሰውም እንዲሁ ነው።+ 20  እንጨት ከሌለ እሳት ይጠፋል፤ስም አጥፊ ከሌለ ደግሞ ጭቅጭቅ ይበርዳል።+ 21  ከሰል ፍምን፣ እንጨትም እሳትን እንደሚያቀጣጥልጨቅጫቃ ሰውም ጠብ ይጭራል።+ 22  ስም አጥፊ የሚናገረው ቃል ጣፋጭ እንደሆነ ቁራሽ ምግብ ነው፤*በፍጥነት ተውጦ በቀጥታ ወደ ሆድ ይገባል።+ 23  ከክፉ ልብ የሚወጡ የፍቅር ቃላት፣*በቀለጠ ብር እንደተለበጠ የሸክላ ዕቃ ስባሪ ናቸው።+ 24  ሌሎችን የሚጠላ ሰው ጥላቻውን በከንፈሩ ይደብቃል፤በውስጡ ግን ተንኮል ይቋጥራል። 25  አነጋገሩን ቢያሳምርም እንኳ አትመነው፤በልቡ ውስጥ ሰባት አስጸያፊ ነገሮች አሉና።* 26  ጥላቻው በተንኮል ቢሸፈንምክፋቱ በጉባኤ መካከል ይገለጣል። 27  ጉድጓድ የሚቆፍር እሱ ራሱ እዚያ ውስጥ ይወድቃል፤ድንጋይ የሚያንከባልልም ወደ እሱ ተመልሶ ይመጣበታል።+ 28  ውሸታም ምላስ የጎዳቻቸውን ሰዎች ትጠላለች፤የሚሸነግል አንደበትም ጥፋት ያስከትላል።+

የግርጌ ማስታወሻዎች

“ተገቢ ያልሆነ እርግማንም በሰው ላይ አይደርስም” ማለትም ሊሆን ይችላል።
ወይም “አለዚያ አንተም እኩያው ትሆናለህ።”
ቃል በቃል “ዓመፅን ከሚጋት።”
ወይም “እንደ ሽባ ሰው የተንጠለጠለ እግር።”
ወይም “ሰውን ሁሉ።”
ወይም “በመሽከርከሪያው።”
“ጣልቃ የሚገባ” ማለትም ሊሆን ይችላል።
ወይም “ገዳይ ፍላጻዎችን።”
ወይም “ተስገብግበው እንደሚውጡት ነገር ነው።”
ቃል በቃል “ኃይለኛ ስሜትን የሚገልጽ ከንፈር።”
ወይም “ልቡ ሙሉ በሙሉ አስጸያፊ ነውና።”