በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ–አዲስ ዓለም ትርጉም

ምሳሌ 13:1-25

የመጽሐፉ ይዘት

  • ምክር የሚሹ ጥበበኞች ናቸው (10)

  • “የዘገየ ተስፋ ልብን ያሳምማል” (12)

  • ‘ታማኝ መልእክተኛ ፈውስ ያመጣል’ (17)

  • “ከጥበበኞች ጋር የሚሄድ ጥበበኛ ይሆናል” (20)

  • ተግሣጽ የፍቅር መግለጫ ነው (24)

13  ጥበበኛ ልጅ የአባቱን ተግሣጽ ይቀበላል፤+ፌዘኛ ግን ተግሣጽን* አይሰማም።+   ሰው ከአፉ ፍሬ መልካም ነገር ይበላል፤+ከዳተኞች* ግን ዓመፅን ይመኛሉ።   አፉን የሚጠብቅ ሕይወቱን ይጠብቃል።*+ አፉን የሚከፍት ግን ይጠፋል።+   ሰነፍ ሰው ይመኛል፤ ነገር ግን ምንም አያገኝም፤*+ትጉ ሰው* ግን በሚገባ ይጠግባል።*+   ጻድቅ ውሸትን ይጠላል፤+የክፉ ሰው ድርጊት ግን ኀፍረትና ውርደት ያመጣበታል።   በመንገዱ ነቀፋ የሌለበትን ሰው ጽድቅ ትጠብቀዋለች፤+ክፋት ግን ኃጢአተኛውን ትጥለዋለች።   ምንም ሳይኖረው ባለጸጋ መስሎ ለመታየት የሚሞክር ሰው አለ፤+ሌላው ደግሞ ብዙ ሀብት እያለው ድሃ መስሎ ይኖራል።   የሰው ሀብት ለሕይወቱ* ቤዛ ነው፤+ድሃ ግን ምንም ዓይነት ስጋት የለበትም።+   የጻድቃን ብርሃን ደምቆ ይበራል፤*+የክፉዎች መብራት ግን ይጠፋል።+ 10  እብሪተኝነት ጠብ ከመፍጠር ውጭ የሚያመጣው ነገር የለም፤+ምክር በሚሹ* ዘንድ ግን ጥበብ ትገኛለች።+ 11  በፍጥነት የተገኘ ሀብት* ይመናመናል፤+ጥቂት በጥቂት የሚያጠራቅም* ሰው ግን ሀብቱ ይጨምራል። 12  የዘገየ ተስፋ ልብን ያሳምማል፤+የተሳካ ምኞት ግን የሕይወት ዛፍ ነው።+ 13  መመሪያን የሚንቅ* ሁሉ ይቀጣል፤+ትእዛዝን የሚያከብር ግን ብድራት ያገኛል።+ 14  የጥበበኛ ሰው ትምህርት* የሕይወት ምንጭ ነው፤+ሰውን ከሞት ወጥመድ እንዲያመልጥ ይረዳዋል። 15  ጥልቅ ማስተዋል ሞገስ ያስገኛል፤የከዳተኞች መንገድ ግን አስቸጋሪ ነው። 16  ብልህ ሰው ተግባሩን በእውቀት ያከናውናል፤+ሞኝ ሰው ግን የገዛ ራሱን ሞኝነት ይገልጣል።+ 17  ክፉ መልእክተኛ ችግር ውስጥ ይወድቃል፤+ታማኝ መልእክተኛ ግን ፈውስ ያመጣል።+ 18  ተግሣጽን ችላ የሚል ሁሉ ይደኸያል፤ ይዋረዳልም፤እርማትን የሚቀበል* ግን ይከበራል።+ 19  ሰው* የተመኘው ነገር ሲፈጸም ደስ ይለዋል፤+ሞኞች ግን ከክፋት መራቅን ይጸየፋሉ።+ 20  ከጥበበኞች ጋር የሚሄድ ጥበበኛ ይሆናል፤+ከሞኞች ጋር የሚገጥም ግን ጉዳት ይደርስበታል።+ 21  ኃጢአተኞችን ጥፋት ያሳድዳቸዋል፤+ጻድቃንን ግን ብልጽግና ይክሳቸዋል።+ 22  ጥሩ ሰው ለልጅ ልጆቹ ውርስ ይተዋል፤የኃጢአተኛ ሀብት ግን ለጻድቅ ይከማቻል።+ 23  የድሃ እርሻ ብዙ እህል ያስገኛል፤ሆኖም ከፍትሕ መጓደል የተነሳ ተጠራርጎ ይጠፋል።* 24  ልጁን በበትር ከመምታት* ወደኋላ የሚል ይጠላዋል፤+የሚወደው ግን ተግቶ* ይገሥጸዋል።+ 25  ጻድቅ ይበላል፤ የምግብ ፍላጎቱንም * ያረካል፤+የክፉ ሰው ሆድ ግን ባዶ ነው።+

የግርጌ ማስታወሻዎች

ወይም “እርማትን።”
ወይም “የከዳተኞች ነፍስ።”
ወይም “ተጠንቅቆ የሚናገር ነፍሱን ይጠብቃል።”
ወይም “ነፍሱ ምንም አታገኝም።”
ወይም “ነፍስ።”
ቃል በቃል “ትሰባለች።”
ወይም “ለነፍሱ።”
ቃል በቃል “ሐሴት ያደርጋል።”
ወይም “እርስ በርስ በሚመካከሩ።”
ወይም “ከምንም ተነስቶ የተገኘ ሀብት።”
ቃል በቃል “በእጁ የሚሰበስብ።”
ወይም “ቃልን የሚንቅ።”
ወይም “ሕግ።”
ወይም “ወቀሳን የሚቀበል።”
ወይም “ነፍስ።”
ወይም “እሱ ይጠፋል።”
ወይም “ልጁን ከመገሠጽ፤ ልጁን ከመቅጣት።”
“ወዲያው” ማለትም ሊሆን ይችላል።
ወይም “ነፍሱንም።”