በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ–አዲስ ዓለም ትርጉም

መዝሙር 107:1-43

የመጽሐፉ ይዘት

  • አስደናቂ ለሆኑት ሥራዎቹ አምላክን አመስግኑ

    • “በትክክለኛው መንገድ መራቸው” (7)

    • የተጠማውንና የተራበውን አርክቷል (9)

    • ‘ከጨለማ አወጣቸው’ (14)

    • ቃሉን ልኮ ፈወሳቸው (20)

    • ‘ድሆችን ከጭቆና ይጠብቃል’ (41)

(መዝሙር 107-150) 107  ይሖዋ ጥሩ+ ስለሆነ ምስጋና አቅርቡለት፤ታማኝ ፍቅሩ ለዘላለም ጸንቶ ይኖራል።+   ይሖዋ የዋጃቸው፣*አዎ፣ ከጠላት እጅ* የዋጃቸው+ ይህን ይበሉ፤   ከምሥራቅና ከምዕራብ፣*ከሰሜንና ከደቡብ፣ከየአገሩ አንድ ላይ የሰበሰባቸው+ ይህን ይናገሩ።   በምድረ በዳ፣ በበረሃም ተቅበዘበዙ፤ሊኖሩ ወደሚችሉበት ከተማ የሚወስድ መንገድ አላገኙም።   ተርበውና ተጠምተው ነበር፤ኃይላቸው ከመሟጠጡ የተነሳ ተዝለፈለፉ።*   በተጨነቁ ጊዜ ወደ ይሖዋ ይጮኹ ነበር፤+እሱም ከደረሰባቸው መከራ ታደጋቸው።+   መኖር ወደሚችሉበት ከተማ እንዲደርሱ+በትክክለኛው መንገድ መራቸው።+   ሕዝቦች ስለ ታማኝ ፍቅሩናለሰው ልጆች ስላደረጋቸው አስደናቂ ሥራዎች+ ይሖዋን ያመስግኑት።+   እሱ የተጠማውን* አርክቷልና፤የተራበውንም* በመልካም ነገሮች አጥግቧል።+ 10  አንዳንዶች በድቅድቅ ጨለማ ውስጥ የሚኖሩ፣በመከራ ውስጥ ያሉና በሰንሰለት የተጠፈሩ እስረኞች ነበሩ። 11  በአምላክ ቃል ላይ ዓምፀዋልና፤የልዑሉን አምላክ ምክር ንቀዋል።+ 12  ስለዚህ በደረሰባቸው መከራ ልባቸው እንዲለሰልስ አደረገ፤+ተሰናከሉ፤ የሚረዳቸውም አንዳች ሰው አልነበረም። 13  በተጨነቁ ጊዜ እርዳታ ለማግኘት ወደ ይሖዋ ተጣሩ፤እሱም ከደረሰባቸው መከራ አዳናቸው። 14  ከድቅድቅ ጨለማ አወጣቸው፤የታሰሩበትንም ሰንሰለት በጠሰ።+ 15  ሕዝቦች ስለ ታማኝ ፍቅሩናለሰው ልጆች ስላደረጋቸው አስደናቂ ሥራዎች ይሖዋን ያመስግኑት።+ 16  እሱ የመዳብ በሮችን ሰብሯልና፤የብረት መወርወሪያዎችንም ቆርጧል።+ 17  ከጥፋታቸውና ከበደላቸው የተነሳ+ሞኝ ሆኑ፤ ለመከራም ተዳረጉ።+ 18  የምግብ ፍላጎታቸው ሙሉ በሙሉ ጠፋ፤*ወደ ሞት ደጆች ቀረቡ። 19  በተጨነቁ ጊዜ እርዳታ ለማግኘት ወደ ይሖዋ ይጣሩ ነበር፤እሱም ከደረሰባቸው መከራ ያድናቸው ነበር። 20  ቃሉን ልኮ ይፈውሳቸው፣+ከተያዙበትም ጉድጓድ ይታደጋቸው ነበር። 21  ሕዝቦች ስለ ታማኝ ፍቅሩናለሰው ልጆች ስላደረጋቸው አስደናቂ ሥራዎች ይሖዋን ያመስግኑት። 22  የምስጋና መሥዋዕት ያቅርቡ፤+በእልልታም ሥራዎቹን ያስታውቁ። 23  በባሕር ላይ በመርከቦች የሚጓዙ፣በሰፋፊ ውኃዎች ላይ ንግድ የሚያካሂዱ፣+ 24  እነሱ የይሖዋን ሥራዎች፣በጥልቁም ውስጥ ያከናወናቸውን አስደናቂ ነገሮች+ ተመልክተዋል፤ 25  እሱ በቃሉ አውሎ ነፋስ ሲያስነሳ፣+የባሕሩንም ማዕበል ሲያናውጥ አይተዋል። 26  ወደ ሰማይ ይወጣሉ፣ወደ ጥልቆችም ይወርዳሉ። እየመጣባቸው ካለው መከራ የተነሳ ሐሞታቸው ፈሰሰ።* 27  እንደሰከረ ሰው ይንገዳገዳሉ፤ ደግሞም ይወላገዳሉ፤ችሎታቸውም ሁሉ የፈየደላቸው ነገር የለም።+ 28  በዚህ ጊዜ ከጭንቀታቸው የተነሳ ወደ ይሖዋ ይጮኻሉ፤+እሱም ከደረሰባቸው መከራ ይታደጋቸዋል። 29  አውሎ ነፋሱ እንዲቆም ያደርጋል፤የባሕሩም ሞገዶች ጸጥ ይላሉ።+ 30  ሞገዶቹ ጸጥ ሲሉ ሰዎቹ ሐሴት ያደርጋሉ፤እሱም ወዳሰቡት ወደብ ይመራቸዋል። 31  ሕዝቦች ስለ ታማኝ ፍቅሩናለሰው ልጆች ስላደረጋቸው አስደናቂ ሥራዎች ይሖዋን ያመስግኑት።+ 32  በሕዝብ ጉባኤ መካከል ከፍ ከፍ ያድርጉት፤+በሽማግሌዎችም ሸንጎ* ያወድሱት። 33  እሱ ወንዞችን ወደ በረሃ፣የውኃ ምንጮችንም ወደ ደረቅ መሬት ይለውጣል፤+ 34  ከነዋሪዎቿ ክፋት የተነሳፍሬያማዋን አገር ጨዋማ የሆነ ጠፍ ምድር ያደርጋታል።+ 35  በረሃውን ቄጠማ የሞላበት ኩሬ፣ደረቁንም ምድር የውኃ ምንጭ ያደርጋል።+ 36  ሊኖሩ የሚችሉበትን ከተማ እንዲመሠርቱ፣+የተራቡ ሰዎችን በዚያ ያኖራል።+ 37  መሬት ላይ ዘሩ፤ ወይንም ተከሉ፤+መሬቱም ብዙ ምርት ሰጠ።+ 38  እሱ ይባርካቸዋል፤ እነሱም እጅግ ይበዛሉ፤የከብቶቻቸው ብዛት እንዲያንስ አያደርግም።+ 39  ሆኖም ከደረሰባቸው ጭቆና፣ መከራና ሐዘን የተነሳዳግመኛ ቁጥራቸው ተመናመነ፤ ተዋረዱም። 40  በታላላቅ ሰዎች ላይ የውርደት መዓት ያዘንባል፤መንገድ በሌለበት ጠፍ መሬትም እንዲቅበዘበዙ ያደርጋል።+ 41  ድሆችን ግን ከጭቆና ይጠብቃል፤*+ቤተሰባቸውንም እንደ መንጋ ያበዛል። 42  ቅኖች ይህን አይተው ሐሴት ያደርጋሉ፤+ዓመፀኞች ሁሉ ግን አፋቸውን ይዘጋሉ።+ 43  ጥበበኛ የሆነ ሁሉ እነዚህን ነገሮች ልብ ይላል፤+ደግሞም ይሖዋ በታማኝ ፍቅር ያከናወናቸውን ነገሮች በትኩረት ይመለከታል።+

የግርጌ ማስታወሻዎች

ወይም “ይሖዋ የተቤዣቸው።”
ወይም “ኃይል።”
ወይም “ከፀሐይ መውጫና ከፀሐይ መግቢያ።”
ወይም “ነፍሳቸው ተዝለፈለፈች።”
ወይም “የተጠማችውን ነፍስ።”
ወይም “የተራበችውንም ነፍስ።”
ወይም “ነፍሳቸው ማንኛውንም ምግብ ተጸየፈች።”
ወይም “ነፍሳቸው ቀለጠች።”
ቃል በቃል “መቀመጫ።”
ወይም “ከፍ ያለ ቦታ ላይ ያስቀምጣቸዋል።” የማይደረስበት ቦታ ላይ ያደርጋቸዋል ማለት ነው።