በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

2 ጢሞቴዎስ 2:1-26

2  እንግዲህ ልጄ ሆይ፣ ከክርስቶስ ኢየሱስ ጋር አንድነት በመፍጠር በሚገኘው ጸጋ አማካኝነት ብርታት ማግኘትህን ቀጥል፤  ከእኔ የሰማኸውንና ብዙዎች የመሠከሩለትን ነገር፣ ታማኝ ለሆኑና እነሱም በበኩላቸው ሌሎችን ለማስተማር በሚገባ ብቁ ለሚሆኑ ሰዎች አደራ ስጥ።  የክርስቶስ ኢየሱስ መልካም ወታደር እንደመሆንህ መጠን አንተም በበኩልህ መከራ ተቀበል።  ወታደር ሆኖ የሚያገለግል ማንኛውም ሰው ለውትድርና የመለመለውን ሰው ደስ ማሰኘት ስለሚፈልግ ራሱን በንግድ ሥራ አያጠላልፍም።  ከዚህም በተጨማሪ በውድድር የሚካፈል ሰውም ቢሆን የውድድሩን ደንብ ጠብቆ ካልተወዳደረ የድሉን አክሊል አይሸለምም።  ጠንክሮ የሚሠራ ገበሬ ከፍሬው የመጀመሪያው ተቋዳሽ መሆን አለበት።  ለምናገረው ነገር ምንጊዜም ትኩረት ስጥ፤ ጌታ በሁሉም ነገር ማስተዋል ይሰጥሃል።  ኢየሱስ ክርስቶስ ከሞት እንደተነሳ እንዲሁም የዳዊት ዘር እንደሆነ አስታውስ፤ እኔም የምሰብከው ምሥራች ይህ ነው፤  ከዚህ ጋር በተያያዘም እንደ ወንጀለኛ ተቆጥሬ እስከ መታሰር ድረስ መከራን እየተቀበልኩ ነው። የአምላክ ቃል ግን አልታሰረም። 10  ከዚህም የተነሳ የተመረጡትም ከክርስቶስ ኢየሱስ ጋር ባለ አንድነት የሚገኘውን መዳን ከዘላለማዊ ክብር ጋር ያገኙ ዘንድ ለእነሱ ስል ሁሉንም ነገር በጽናት ተቋቁሜ እኖራለሁ። 11  የሚከተለው ቃል የታመነ ነው:- አብረን ከሞትን አብረን ደግሞ በሕይወት እንደምንኖር የተረጋገጠ ነው፤ 12  ጸንተን ከኖርን አብረን ደግሞ ነገሥታት ሆነን እንገዛለን፤ ብንክድ እሱም ይክደናል፤ 13  ታማኞች ሆነን ባንገኝ እሱ ምንጊዜም ታማኝ ሆኖ ይኖራል፤ ምክንያቱም እሱ ራሱን ሊክድ አይችልም። 14  ስለ ቃላት እንዳይነታረኩ እንደ ምሥክር ሆነህ በአምላክ ፊት በማስጠንቀቅ እነዚህን ነገሮች ዘወትር አሳስባቸው፤ እንዲህ ያለው ነገር የሚሰሙትን ሰዎች እምነት ከማፍረስ በስተቀር ምንም ጥቅም የለውም። 15  የእውነትን ቃል በአግባቡ በመጠቀም ራስህን ተቀባይነት እንዳለውና ምንም የሚያፍርበት ነገር እንደሌለው ሠራተኛ አድርገህ በአምላክ ፊት ለማቅረብ የተቻለህን ሁሉ ጥረት አድርግ። 16  ሆኖም ቅዱስ የሆነውን ነገር ከሚጻረሩ ከንቱ ንግግሮች ራቅ፤ ምክንያቱም እንዲህ ያሉ ንግግሮችን የሚናገሩ ሰዎች ይበልጥ ፈሪሃ አምላክ የሌላቸው እየሆኑ ይሄዳሉ፤ 17  ቃላቸው ደግሞ እንደተመረዘ ቁስል እየተሰራጨ ይሄዳል። ከእነዚህም መካከል ሄሜኔዎስና ፊሊጦስ ይገኙበታል። 18  እነዚህ ሰዎች ትንሣኤ ቀደም ብሎ ተከናውኗል ብለው በመናገር ከእውነት ርቀዋል፤ ደግሞም የአንዳንዶችን እምነት እያፈረሱ ነው። 19  ይሁን እንጂ “ይሖዋ የእሱ የሆኑትን ያውቃል” እንዲሁም “የይሖዋን ስም የሚጠራ ሁሉ ከክፋት ይራቅ” የሚል ማኅተም ያለበት ጠንካራው የአምላክ መሠረት ጸንቶ ይኖራል። 20  በአንድ ትልቅ ቤት ውስጥ የወርቅና የብር ዕቃ ብቻ ሳይሆን የእንጨትና የሸክላ ዕቃም ይኖራል፤ አንዳንዱ ክብር ላለው ዓላማ የሚያገለግል ሲሆን ሌላው ግን ክብር ለሌለው ዓላማ ያገለግላል። 21  እንግዲህ ማንም ከእነዚህ ከኋለኞቹ ነገሮች ቢርቅ ክብር ላለው ዓላማ የሚያገለግል፣ የተቀደሰ፣ ለባለቤቱ የሚጠቅምና ለመልካም ሥራ ሁሉ የተዘጋጀ ዕቃ ይሆናል። 22  ስለዚህ ከወጣትነት ዕድሜ ጋር ተያይዘው ከሚመጡ ምኞቶች ሽሽ፤ ከዚህ ይልቅ በንጹሕ ልብ ጌታን ከሚጠሩት ጋር ጽድቅን፣ እምነትን፣ ፍቅርንና ሰላምን ለማግኘት ተጣጣር። 23  በተጨማሪም ጠብ እንደሚያስከትሉ አውቀህ ሞኝነትና አላዋቂነት ከሚንጸባረቅባቸው ጥያቄዎች ራቅ። 24  የጌታ ባሪያ ግን ሊጣላ አይገባውም፤ ከዚህ ይልቅ ለሰው ሁሉ ገር፣ ለማስተማር ብቁ የሆነና ክፉ ነገር ሲደርስበት በትዕግሥት የሚያሳልፍ ሊሆን ይገባዋል፤ 25  እንዲሁም ቀና አመለካከት የሌላቸውን በገርነት የሚያርም ሊሆን ይገባዋል፤ ምናልባትም አምላክ ትክክለኛ እውቀት ያገኙ ዘንድ ንስሐ መግባት የሚችሉበት አጋጣሚ ይሰጣቸው ይሆናል፤ 26  እነሱም ዲያብሎስ የእሱን ፈቃድ ያደርጉ ዘንድ ሕያዋን እንዳሉ አጥምዶ እንደያዛቸው በመረዳት ወደ ልቦናቸው ተመልሰው ከእሱ ወጥመድ ሊወጡ ይችላሉ።

የግርጌ ማስታወሻዎች