በቀጥታ ወደ ዋናው ጉዳይ ግባ

በቀጥታ ወደ ርዕስ ማውጫው ሂድ

የይሖዋ ምሥክሮች

ቋንቋ ምረጥ አማርኛ

2 ተሰሎንቄ 2:1-17

2  ይሁን እንጂ ወንድሞች፣ የጌታችን ኢየሱስ ክርስቶስን መገኘትና* ከእሱ ጋር ለመሆን አንድ ላይ መሰብሰባችንን በተመለከተ ይህን እንለምናችኋለን፤  በመንፈስ በተነገረ ቃል ወይም በቃል መልእክት ወይም ደግሞ ከእኛ የተላከ በሚመስል ደብዳቤ አማካኝነት የይሖዋ ቀን ደርሷል ብላችሁ በማሰብ የማመዛዘን ችሎታችሁ በቶሎ አይናወጥ፣ እንዲሁም በስሜት አትወሰዱ።  ማንም ሰው በምንም መንገድ አያታላችሁ፤ ምክንያቱም በመጀመሪያ ክህደቱ ሳይመጣና የጥፋት ልጅ የሆነው የዓመፅ ሰው ሳይገለጥ ያ ቀን አይመጣም።  ራሱን እንደ አምላክ አድርጎ በይፋ በማቅረብ በአምላክ ቤተ መቅደስ ይቀመጥ ዘንድ “አምላክ” ተብሎ ከሚጠራ ሁሉ በላይ ወይም ከሚመለክ ነገር ሁሉ በላይ ራሱን ከፍ ከፍ የሚያደርግ ተቃዋሚ ነው።  ያኔ ከእናንተ ጋር በነበርኩበት ጊዜ እነዚህን ነገሮች እነግራችሁ እንደነበር አታስታውሱም?  በገዛ ራሱ ጊዜ ይገለጥ ዘንድ አሁን እንዳይገለጥ የሚያግደው ነገር ምን እንደሆነ ታውቃላችሁ።  ሚስጥራዊ የሆነው ይህ ዓመፅ አሁንም እየሠራ ነው፤ ሆኖም ሚስጥር ሆኖ የሚቆየው አሁን አግዶት ያለው ነገር እስኪወገድ ድረስ ብቻ ነው።  ከዚያ በኋላ ጌታ ኢየሱስ በአፉ መንፈስ የሚያስወግደውና የራሱን መገኘት ይፋ በማድረግ እንዳልነበረ የሚያደርገው ዓመፀኛው ይገለጣል።  ሆኖም የዓመፀኛው መገኘት በሰይጣን አሠራር ላይ የተመሠረተ ሲሆን ይህም የሚከናወነው በተአምራት፣ በሐሰተኛ ምልክቶችና ድንቅ ነገሮች ሁሉ 10  እንዲሁም ለማታለል ማንኛውንም ዓይነት የክፋት ዘዴ በመጠቀም ነው። ይህ ሁሉ እንደ ቅጣት የሚደርሰው ይድኑ ዘንድ ለእውነት ፍቅር ባለማሳየታቸው ወደ ጥፋት እያመሩ ባሉት ላይ ነው። 11  በዚህም ምክንያት አምላክ ሐሰት የሆነውን እንዲያምኑ ለሚያታልል አሠራር እንዲዳረጉ ይፈቅዳል፤ 12  ይህንም የሚያደርገው እውነትን ከማመን ይልቅ በዓመፅ ስለሚደሰቱ ሁሉም እንዲፈረድባቸው ነው። 13  ይሁን እንጂ በይሖዋ የተወደዳችሁ ወንድሞች፣ አምላክ እናንተን በመንፈስ በመቀደስ እንዲሁም በእውነት ላይ ባላችሁ እምነት አማካኝነት መዳን እንድታገኙ ከመጀመሪያው አንስቶ ስለመረጣችሁ አምላክን ስለ እናንተ ሁልጊዜ ለማመስገን እንገፋፋለን። 14  ለዚህም ሲባል የጌታችን የኢየሱስ ክርስቶስን ክብር እንድታገኙ እኛ በምናውጀው ምሥራች አማካኝነት ጠርቷችኋል። 15  ስለዚህ ወንድሞች ጸንታችሁ ቁሙ፤ እንዲሁም በቃል መልእክትም ሆነ በደብዳቤያችን የተማራችኋቸውን ወጎች አጥብቃችሁ ያዙ። 16  በተጨማሪም ጌታችን ኢየሱስ ክርስቶስ ራሱ እንዲሁም የወደደንና በጸጋ አማካኝነት ዘላለማዊ መጽናኛና መልካም ተስፋ የሰጠን አባታችን የሆነው አምላክ 17  ልባችሁን ያጽናኑ፤ እንዲሁም በመልካም ሥራና ቃል ሁሉ ያጽኗችሁ።

የግርጌ ማስታወሻዎች

2ተሰ 2:1 * ከተጨማሪው መረጃ ላይ 5ኛውን ርዕስ ተመልከት።