በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

2 ተሰሎንቄ 1:1-12

1  አባታችን ከሆነው አምላክና ከጌታ ኢየሱስ ክርስቶስ ጋር አንድነት ላለው የተሰሎንቄ ሰዎች ጉባኤ፣ ከጳውሎስና ከስልዋኖስ* እንዲሁም ከጢሞቴዎስ የተላከ ደብዳቤ:-  አባት ከሆነው አምላክና ከጌታ ኢየሱስ ክርስቶስ ጸጋና ሰላም ለእናንተ ይሁን።  ወንድሞች፣ እምነታችሁ እጅግ እያደገ በመሄዱና እርስ በርስ የምታሳዩት የሁላችሁም ፍቅር እየጨመረ በመምጣቱ ስለ እናንተ አምላክን ሁልጊዜ ለማመስገን እንገፋፋለን፤ ደግሞም ይህን ማድረጋችን ተገቢ ነው።  ስለዚህ እየደረሰባችሁ ያለውን ስደትና መከራ ሁሉ ችላችሁ በመኖር ባሳያችሁት ጽናትና እምነት የተነሳ በአምላክ ጉባኤዎች መካከል እኛ ራሳችን በእናንተ እንኮራለን።  ይህ ሁሉ አምላክ ትክክለኛ ፍርድ እንደፈረደ የሚያሳይ ማስረጃ ከመሆኑም በተጨማሪ መከራ እየተቀበላችሁለት ላለው የአምላክ መንግሥት ብቁ ሆናችሁ እንድትቆጠሩ የሚያደርግ ነው።  ከዚህ አንጻር አምላክ መከራን ለሚያመጡባችሁ በአጸፋው መከራን መክፈሉ የጽድቅ እርምጃ ነው፤  መከራን ለምትቀበሉት ለእናንተ ግን ጌታ ኢየሱስ ከኃያላን መላእክቱ ጋር ከሰማይ በሚገለጥበት ጊዜ ከእኛ ጋር እረፍትን ይሰጣችኋል፤  ከሰማይ የሚገለጠውም በሚንበለበል እሳት ነው፤ በዚያን ጊዜ አምላክን በማያውቁትና ስለ ጌታችን ኢየሱስ ለሚገልጸው ምሥራች በማይታዘዙት ላይ የበቀል እርምጃ ይወስዳል።  እነዚህ ሰዎች ዘላለማዊ ጥፋት ተፈርዶባቸው ከጌታ ፊት ይወገዳሉ፣ እንዲሁም ከክብራማ ኃይሉ ይገለላሉ፤ 10  ይህም የሚሆነው ከቅዱሳኑ ጋር ሊከበርና በእሱ እንደሚያምኑ በተግባር በሚያሳዩ ሁሉ ዘንድ በዚያ ቀን በአድናቆት ሊታይ በሚመጣበት ጊዜ ነው፤ እናንተም የሰጠናችሁን ምሥክርነት በእምነት ስለተቀበላችሁ ከእነሱ መካከል ትቆጠራላችሁ። 11  በዚህ ምክንያት አምላካችን ለጥሪው ብቁዎች አድርጎ እንዲቆጥራችሁ እንዲሁም የወደደውን መልካም ነገር ሁሉና በእምነት ተገፋፍታችሁ የምታከናውኑትን ሥራ በኃይሉ አማካኝነት ሙሉ በሙሉ እንዲፈጽም ስለ እናንተ ሁልጊዜ እንጸልያለን፤ 12  ይህም ከአምላካችንና ከጌታ ኢየሱስ ክርስቶስ ጸጋ ጋር በሚስማማ ሁኔታ የጌታችን የኢየሱስ ስም በእናንተ እንዲከበርና እናንተም ከእሱ ጋር ባላችሁ አንድነት እንድትከበሩ ነው።

የግርጌ ማስታወሻዎች

2ተሰ 1:1 * ወይም፣ “ሲላስ።”