በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

2 ቆሮንቶስ 9:1-15

9  ለቅዱሳን የሚደረገውን አገልግሎት በተመለከተ ልጽፍላችሁ አያስፈልግም፤  ምክንያቱም ሌሎችን ለመርዳት ዝግጁ መሆናችሁን አውቃለሁ፤ በመሆኑም የአካይያ ወንድሞች ሌሎችን ለመርዳት ለአንድ ዓመት ያህል ዝግጁ ሆነው ሲጠባበቁ ቆይተዋል ብዬ ለመቄዶንያ ወንድሞች ስለ እናንተ በኩራት ተናግሬያለሁ፤ የእናንተ ቅንዓት ደግሞ አብዛኞቹን አነሳስቷል።  ይሁንና በዚህ ረገድ በእናንተ ላይ ያለን ትምክህት ከንቱ ሆኖ እንዳይቀር አስቀድሞ ስለ እናንተ እናገር እንደነበረው ተዘጋጅታችሁ እንድትጠብቁ ወንድሞችን እልካለሁ።  አለዚያ የመቄዶንያ ወንድሞች በሆነ አጋጣሚ ከእኔ ጋር መጥተው ዝግጁ ሳትሆኑ ቢያገኟችሁ እናንተ ብቻ ሳትሆኑ እኛም በእናንተ በመመካታችን እናፍራለን።  ስለዚህ ቀደም ሲል ልትሰጡ ቃል የገባችሁትን የልግስና ስጦታ አስቀድመው ያዘጋጁ ዘንድ ወንድሞች ቀደም ብለው ወደ እናንተ እንዲመጡ ማበረታታት አስፈላጊ ሆኖ አግኝቼዋለሁ፤ እንዲህ ከተደረገ ልትሰጡ ያሰባችሁት ነገር በማስገደድ ሳይሆን በልግስና የተዘጋጀ ስጦታ ይሆናል።  ይሁንና ጥቂት የሚዘራ ጥቂት እንደሚያጭድ፣ በብዛት የሚዘራ ደግሞ በብዛት እንደሚያጭድ አስታውሱ።  አምላክ በደስታ የሚሰጠውን ሰው ስለሚወድ እያንዳንዱ ሰው ቅር እያለው ወይም ተገዶ ሳይሆን በልቡ ያሰበውን ይስጥ።  በተጨማሪም ምንጊዜም የሚያስፈልጋችሁ ነገር ሁሉ በበቂ ሁኔታ ኖሯችሁ መልካም ሥራን ሁሉ ለመሥራት የሚያስችላችሁን ነገር በብዛት እንድታገኙ አምላክ ጸጋውን ሁሉ ሊያበዛላችሁ ይችላል።  (ይህም “በልግስና አከፋፈለ፣ ለድሆችም ሰጠ፤ ጽድቁ ለዘላለም ይኖራል” ተብሎ እንደተጻፈው ነው። 10  እንግዲህ ለዘሪ ዘርን፣ ለመብል ዳቦን አትረፍርፎ የሚሰጠው እሱ የምትዘሩትን ዘር አትረፍርፎ ይሰጣችኋል፤ እንዲሁም የጽድቃችሁን ፍሬ ያበዛላችኋል።) 11  በሁሉም መንገድ በልግስና መስጠት እንድትችሉ አምላክ አትረፍርፎ ይባርካችኋል፤ እንዲህ ያለው ልግስና እኛ በምናከናውነው አገልግሎት አማካኝነት ሰዎች ለአምላክ ምስጋና እንዲያቀርቡ ያነሳሳቸዋል፤ 12  ምክንያቱም ይህ የምታከናውኑት ሕዝባዊ አገልግሎት ቅዱሳን የሚያስፈልጓቸው ነገሮች በተትረፈረፈ ሁኔታ እንዲሟሉላቸው ከማድረጉም በተጨማሪ ለአምላክ በሚቀርብ ብዙ ምስጋና የተሞላ ይሆናል። 13  በዚህ አገልግሎት አማካኝነት የሚያዩት ማስረጃ አምላክን እንዲያከብሩ ያደርጋቸዋል፤ ምክንያቱም እናንተ በይፋ እንደምታውጁት ሁሉ ስለ ክርስቶስ ለሚገልጸው ምሥራች ተገዥዎች ናችሁ፤ እንዲሁም ለእነሱም ሆነ ለሁሉም በምታደርጉት መዋጮ ለጋሶች ናችሁ፤ 14  ደግሞም አምላክ ከሰጣችሁ የላቀ ጸጋ የተነሳ ስለ እናንተ ምልጃ እያቀረቡ ሊያዩዋችሁ ይናፍቃሉ። 15  በቃላት ሊገለጽ ለማይችለው ነፃ ስጦታው አምላክ የተመሰገነ ይሁን።

የግርጌ ማስታወሻዎች