በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

2 ቆሮንቶስ 6:1-18

6  ከዚህም በተጨማሪ ከእሱ ጋር አብረን የምንሠራ እንደመሆናችን መጠን የአምላክን ጸጋ ተቀብላችሁ ዓላማውን እንዳትስቱ እንለምናችኋለን።  ምክንያቱም እሱ “ተቀባይነት ባለው ጊዜ ሰምቼሃለሁ፤ በመዳንም ቀን ረድቼሃለሁ” ይላል። እነሆ፣ ይበልጥ ተቀባይነት ያለው ጊዜ አሁን ነው። እነሆ፣ የመዳን ቀን አሁን ነው።  አገልግሎታችን እንከን እንዳይገኝበት በምንም መንገድ ማሰናከያ የሚሆን ነገር እንዲኖር አናደርግም፤  ከዚህ ይልቅ በሁሉም መንገድ ራሳችንን ብቁ የአምላክ አገልጋዮች አድርገን እናቀርባለን፤ ይህንም የምናደርገው በብዙ ነገር በመጽናት ይኸውም በመከራ፣ በእጦት፣ በአስቸጋሪ ሁኔታዎች፣  በመደብደብ፣ በመታሰር፣ በብጥብጥ፣ በሥራ በመድከም፣ እንቅልፍ አጥቶ በማደርና ጾም በመዋል ነው።  የአምላክ አገልጋዮች መሆናችንን በንጽሕና፣ በእውቀት፣ በትዕግሥት፣ በደግነት፣ በመንፈስ ቅዱስ፣ ግብዝነት በሌለው ፍቅር፣  በእውነተኛ ንግግርና በአምላክ ኃይል እናሳያለን። እንዲሁም በቀኝ እጅና በግራ እጅ* የጽድቅ መሣሪያዎችን በመያዝ፣  ክብርንም ሆነ ውርደትን፣ ክፉ ወሬንም ሆነ መልካም ወሬን በመቀበል የአምላክ አገልጋዮች መሆናችንን እናሳያለን። በተጨማሪም እውነተኞች ሆነን ሳለን አታላዮች ተብለናል፤  በሚገባ የታወቅን ሆነን ሳለን እንደማንታወቅ ተቆጥረናል፤ ሞት አፋፍ ደርሰዋል ስንባል እነሆ፣ ሕያዋን ነን፤ ብንቀጣም ለሞት አልተዳረግንም፤ 10  ሐዘንተኞች ተደርገን ብንታይም ምንጊዜም ደስተኞች ነን፤ እንደ ድሆች ብንቆጠርም ብዙዎችን ባለጸጋ እያደረግን ነው፤ ምንም የሌለን ብንመስልም ሁሉ ነገር አለን። 11  የቆሮንቶስ ወንድሞች ሆይ፣ በግልጽ ተናግረናችኋል፤ ልባችንም ወለል ብሎ ተከፍቶላችኋል። 12  እኛ ልባችንን አላጠበብንባችሁም፤ እናንተ ግን ጥልቅ ፍቅር በማሳየት ረገድ ልባችሁን አጥብባችሁብናል። 13  ስለዚህ ልጆችን እንደማናግር ሆኜ አናግራችኋለሁ፤ እናንተም በአጸፋው ልባችሁን ወለል አድርጋችሁ ክፈቱ። 14  ከማያምኑ ጋር አቻ ባልሆነ መንገድ አትጠመዱ። ጽድቅ ከዓመፅ ጋር ምን ኅብረት አለው? ወይም ብርሃን ከጨለማ ጋር ምን ያገናኘዋል? 15  በተጨማሪም በክርስቶስና በቤልሆር* መካከል ምን ስምምነት አለ? ወይም የሚያምን ከማያምን ጋር ምን ድርሻ አለው? 16  እንዲሁም የአምላክ ቤተ መቅደስ ከጣዖታት ጋር ምን ስምምነት አለው? ምክንያቱም እኛ የሕያው አምላክ ቤተ መቅደስ ነን፤ አምላክ “በመካከላቸው እኖራለሁ፤ ከእነሱም ጋር እሄዳለሁ፤ እኔ አምላካቸው እሆናለሁ፣ እነሱ ደግሞ ሕዝቤ ይሆናሉ” ብሎ እንደተናገረው ነው። 17  “‘ስለዚህ ከመካከላቸው ውጡና ራሳችሁን ለዩ’ ይላል ይሖዋ፤ ‘ርኩስ የሆነውንም ነገር መንካት አቁሙ’”፤ “‘እኔም እቀበላችኋለሁ።’” 18  “‘እኔ አባት እሆናችኋለሁ፤ እናንተ ደግሞ ወንዶች ልጆችና ሴቶች ልጆች ትሆኑኛላችሁ’ ይላል ሁሉን ቻይ የሆነው ይሖዋ።”

የግርጌ ማስታወሻዎች

2ቆሮ 6:7 * ወይም፣ “ለማጥቃትና ለመከላከል።”
2ቆሮ 6:15 * ትርጉሙ “የማይረባ” ማለት ሲሆን ክፉ የሆነውን ሰይጣንን ያመለክታል።