በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

2 ቆሮንቶስ 2:1-17

2  ስለዚህ እንደገና በምመጣበት ጊዜ ለሐዘን ምክንያት የሚሆን ነገር እንዳይፈጠር ለራሴ ወስኛለሁ።  ምክንያቱም የደስታዬ ምንጭ የሆናችሁትን እናንተን እንድታዝኑ ካደረግኳችሁ እንግዲህ እኔን ማን ሊያስደስተኝ ነው?  በመሆኑም ይህን ነገር የጻፍኩላችሁ በምመጣበት ጊዜ ልደሰትባቸው በሚገባ ሰዎች እንዳላዝን ነው፤ ምክንያቱም የእኔ ደስታ የእናንተ የሁላችሁም ደስታ እንደሚሆን በሁላችሁም እተማመናለሁ።  በብዙ መከራና በልብ ጭንቀት እንዲሁም በብዙ እንባ የጻፍኩላችሁ እንድታዝኑ ሳይሆን ለእናንተ ያለኝን የላቀ ፍቅር እንድታውቁ ነው።  ሰውን ያሳዘነ ማንም ቢኖር ያሳዘነው እኔን ሳይሆን፣ ነገሩን ማጋነን አይሁንብኝና በተወሰነ ደረጃም ቢሆን እናንተን ሁላችሁንም ነው።  እንዲህ ዓይነቱ ሰው ከእናንተ አብዛኞቻችሁ የቀጣችሁት ይህ ቅጣት ይበቃዋል፤  ከዚህ ይልቅ አሁን ይህ ሰው ከልክ በላይ በሐዘን እንዳይዋጥ በደግነት ይቅር ልትሉትና ልታጽናኑት ይገባል።  ስለዚህ ለእሱ ያላችሁን ፍቅር እንድታረጋግጡለት አሳስባችኋለሁ።  ይህን የጻፍኩላችሁም በሁሉም ነገር ታዛዦች መሆን አለመሆናችሁን ለማረጋገጥ ነው። 10  በደሉ ምንም ይሁን ምን እናንተ በደግነት ይቅር ያላችሁትን ማንኛውንም ሰው እኔም ይቅር እለዋለሁ። እንዲያውም በእኔ በኩል በደግነት ይቅር ያልኩት ነገር ካለ ሁሉንም ነገር ይቅር ያልኩት በክርስቶስ ፊት ለእናንተ ስል ነው፤ 11  ይህም ሰይጣን መግቢያ ቀዳዳ እንዳያገኝ ነው፤ ምክንያቱም የእሱን ዕቅድ እናውቀዋለን። 12  ስለ ክርስቶስ የሚገልጸውን ምሥራች ለማወጅ ጥሮአስ በደረስኩ ጊዜ የጌታን ሥራ ለማከናወን በር ተከፍቶልኝ ነበር፤ 13  ይሁንና ወንድሜን ቲቶን ስላላገኘሁት መንፈሴ ተረብሾ ነበር፤ በመሆኑም በዚያ ያሉትን ተሰናብቼ ወደ መቄዶንያ ሄድኩ። 14  ሆኖም በድል ሰልፍ ከክርስቶስ ጋር አብረን እንድንጓዝ በማድረግ ዘወትር ለሚመራንና የእውቀቱ ሽታ በእኛ አማካኝነት በሁሉም ቦታ እንዲናኝ ለሚያደርገው አምላክ ምስጋና ይድረሰው። 15  ምክንያቱም እኛ ወደ መዳን በሚወስደው ጎዳና ላይ ባሉት መካከልና ወደ ጥፋት እያመሩ ባሉት መካከል ለአምላክ የክርስቶስ መዓዛ ነን፤ 16  ወደ ጥፋት እያመሩ ላሉት ሞት የሚያስከትል የሞት ሽታ፣ ወደ መዳን በሚወስደው ጎዳና ላይ ላሉት ደግሞ ሕይወት የሚያስገኝ የሕይወት ሽታ ነን። እንዲህ ላለው አገልግሎት ብቃት ያለው ማን ነው? 17  እኛ ነን፤ ምክንያቱም እኛ እንደ ብዙዎቹ ሰዎች የአምላክን ቃል አንሸቃቅጥም፤ ከዚህ ይልቅ ከክርስቶስ ጋር ሆነን በአምላክ ፊት በቅንነት፣ አዎ፣ ከአምላክ እንደተላኩ ሰዎች እንናገራለን።

የግርጌ ማስታወሻዎች