በቀጥታ ወደ ዋናው ጉዳይ ግባ

በቀጥታ ወደ ርዕስ ማውጫው ሂድ

የይሖዋ ምሥክሮች

ቋንቋ ምረጥ አማርኛ

2 ቆሮንቶስ 12:1-21

12  ልኩራራ ይገባኛል። ምንም ጥቅም ባይኖረውም እንኳ ከጌታ ወደተቀበልኩት ተአምራዊ ራእይና መገለጥ አመራለሁ።  የክርስቶስ ደቀ መዝሙር የሆነ አንድ ሰው አውቃለሁ፤ ይህ ሰው ከአሥራ አራት ዓመት በፊት ወደ ሦስተኛው ሰማይ ተነጠቀ፤ የተነጠቀው በሥጋ ይሁን አላውቅም፤ ወይም ደግሞ የተነጠቀው ከሥጋ ውጭ ይሁን አላውቅም፤ አምላክ ያውቃል።  አዎ፣ እንዲህ ያለ ሰው አውቃለሁ፤ በሥጋ ይሁን ወይም ከሥጋ ውጭ አላውቅም፤ አምላክ ያውቃል፤  ይህ ሰው ወደ ገነት ተነጥቆ ሰው እንዲናገራቸው ያልተፈቀዱ የማይገለጡ ቃላት ሰማ።  እንዲህ ባለው ሰው እኮራለሁ፤ ሆኖም በድክመቶቼ ካልሆነ በስተቀር በራሴ አልኮራም።  ምክንያቱም ልኮራ ብፈልግ እንኳ የምናገረው እውነት ስለሆነ ምክንያታዊነት እንደሚጎድለኝ ሆኜ ልቆጠር አይገባም። ይሁንና ማንም በእኔ ላይ ከሚያየውና ከእኔ ከሚሰማው በላይ እንደሆንኩ አድርጎ እንዳይገምተኝ ይህን ከማድረግ እቆጠባለሁ፤  ብዙ* ነገሮች ስለተገለጡልኝ ብቻ ማንም ሰው ለእኔ ከፍ ያለ ግምት ሊኖረው አይገባም። ስለዚህ እንዳልታበይ ሥጋዬን የሚወጋ እሾህ ተሰጠኝ፤ ይህም እንዳልታበይ ዘወትር በጥፊ የሚመታኝ የሰይጣን መልአክ ነው።  ይህ ነገር ከእኔ እንዲርቅ ጌታን ሦስት ጊዜ ለመንኩት፤  እሱ ግን “ጸጋዬ ይበቃሃል፤ ምክንያቱም ኃይሌ ፍጹም የሚሆነው በድካም ጊዜ ነው” አለኝ። ስለዚህ የክርስቶስ ኃይል በላዬ ላይ እንደ ድንኳን እንዲኖር እጅግ ደስ እያለኝ በድክመቴ እኮራለሁ። 10  ስለሆነም ስለ ክርስቶስ ስል በድክመት፣ በስድብ፣ በእጦት፣ በስደትና በችግር ደስ እሰኛለሁ። ምክንያቱም ስደክም ያን ጊዜ ብርቱ ነኝ። 11  ምክንያታዊነት የሚጎድለኝ ሆኛለሁ። እንዲህ እንድሆን ያስገደዳችሁኝ እናንተ ናችሁ፤ ምክንያቱም እናንተ ስለ እኔ ብቃት መመሥከር መቻል ነበረባችሁ። ምንም እንኳ እኔ ከምንም የማልቆጠር ብሆንም ከእናንተ ምርጥ ሐዋርያት በአንዲት ነገር እንኳ አላንስም። 12  ደግሞም የሐዋርያነት ማስረጃዎች በጽናት ሁሉ፣ በምልክቶች፣ በድንቅ ነገሮችና በተአምራት አማካኝነት በመካከላችሁ ታይተዋል። 13  እኔ በእናንተ ላይ ሸክም ሳልሆን በመቅረቴ ካልሆነ በቀር እናንተ ከሌሎች ጉባኤዎች ያነሳችሁት በምንድን ነው? ይህን ጥፋቴን በደግነት ይቅር በሉኝ። 14  እነሆ ወደ እናንተ ለመምጣት ስዘጋጅ ይህ ሦስተኛ ጊዜዬ ነው፤ ይሁንና በእናንተ ላይ ሸክም አልሆንም። ምክንያቱም እኔ የምፈልገው እናንተን እንጂ ንብረታችሁን አይደለም፤ ደግሞም ለልጆቻቸው ሀብት ማከማቸት ያለባቸው ወላጆች ናቸው እንጂ ልጆች ለወላጆቻቸው አያከማቹም። 15  በእኔ በኩል ስለ ነፍሳችሁ ያለኝን ሁሉ፣ ራሴንም ጭምር ብሰጥ እጅግ ደስ ይለኛል። እኔ ይህን ያህል አጥብቄ ከወደድኳችሁ እናንተ ለእኔ ያላችሁ ፍቅር ከዚህ ያነሰ ሊሆን ይገባል? 16  የሆነ ሆኖ ሸክም አልሆንኩባችሁም። ነገር ግን እናንተ “መሠሪ” እንደሆንኩና “አታልዬ” እንዳጠመድኳችሁ ትናገራላችሁ። 17  ለመሆኑ ወደ እናንተ ከላክኋቸው ሰዎች መካከል በአንዱ እንኳ ተጠቅሜ ከእናንተ ያላግባብ ጥቅም ለማግኘት ሞክሬያለሁ? 18  ቲቶ ወደ እናንተ እንዲመጣ ገፋፋሁት፤ ከእሱም ጋር ወንድምን ላክሁት። ለመሆኑ ቲቶ ከእናንተ ያላግባብ ጥቅም ለማግኘት ሞክሮ ያውቃል? ከእሱ ጋር በአንድ መንፈስ አልተመላለስንም? አካሄዳችንስ አንድ አልነበረም? 19  እስከ አሁን ድረስ የምታስቡት እኛ ለእናንተ የመከላከያ መልስ እየሰጠን እንዳለን አድርጋችሁ ነው? እኛ የክርስቶስ ሆነን የምንናገረው በአምላክ ፊት ነው። ይሁንና የተወደዳችሁ ወንድሞች፣ ሁሉም ነገር እናንተን ለማነጽ ነው። 20  እኔ ወደ እናንተ በምመጣበት ጊዜ ምናልባት እኔ እንደምፈልገው ሳትሆኑ እንዳላገኛችሁ፣ እናንተም እኔን እንደምትፈልጉት ሆኜ ሳታገኙኝ እንዳትቀሩ እሰጋለሁ፤ እንዲያውም ጠብ፣ ቅናት፣ ቁጣ፣ ንትርክ፣ ስም ማጥፋት፣ ሐሜት፣ ትዕቢትና ብጥብጥ እንዳይኖር እሰጋለሁ። 21  እንደገና በምመጣበት ጊዜ ምናልባት አምላኬ በመካከላችሁ ያሳፍረኝ ይሆናል፤ እንዲሁም ከዚህ ቀደም ኃጢአት ሠርተው ከሠሩት ርኩሰት፣ ዝሙትና ብልግና* ንስሐ ባልገቡት በርካታ ሰዎች አዝን ይሆናል ብዬ እፈራለሁ።

የግርጌ ማስታወሻዎች

2ቆሮ 12:7 * ወይም፣ “ታላላቅ።”
2ቆሮ 12:21 ገላትያ 5:19 ላይ የሚገኘውን የግርጌ ማስታወሻ ተመልከት።