በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

2 ቆሮንቶስ 10:1-18

10  በመካከላችሁ በምሆንበት ጊዜ ቁመናዬ ሲታይ የተናቅኩ፣ ስርቅ ደግሞ እናንተን የምደፍረው እኔ ጳውሎስ በክርስቶስ ገርነትና ደግነት እለምናችኋለሁ።  በመካከላችሁ በምገኝበት ጊዜ በሥጋዊ አስተሳሰብ እንደምንመላለስ አድርገው በሚቆጥሩን አንዳንድ ሰዎች ላይ ያሰብኩትን ያህል በድፍረት ከባድ እርምጃዎች ለመውሰድ የሚያስገድድ ሁኔታ እንዳይፈጠር እማጸናችኋለሁ።  ምንም እንኳ በሥጋ የምንኖር ቢሆንም የምንዋጋው በሥጋዊ መንገድ አይደለም።  ምክንያቱም የምንዋጋባቸው የጦር መሣሪያዎቻችን ሥጋዊ አይደሉም፤ ይሁን እንጂ ምሽግን ለመደርመስ የሚያስችል መለኮታዊ ኃይል ያላቸው ናቸው።  የአምላክን እውቀት የሚጻረሩ የመከራከሪያ ነጥቦችንና ይህን እውቀት ለማገድ የሚገነባውን ማንኛውንም ከፍ ያለ ነገር እናፈርሳለን፤ እንዲሁም ማንኛውንም አስተሳሰብ እየማረክን ለክርስቶስ እንዲታዘዝ እናደርጋለን፤  ሙሉ በሙሉ ታዛዦች መሆናችሁን ካሳያችሁ በኋላ በማንኛውም መንገድ ታዛዥነት በማያሳይ ግለሰብ ሁሉ ላይ የቅጣት እርምጃ ለመውሰድ ተዘጋጅተናል።  እናንተ የምትመለከቱት ውጫዊውን ነገር ብቻ ነው። ማንም ሰው የክርስቶስ ነኝ ብሎ በራሱ የሚታመን ከሆነ እሱ የክርስቶስ እንደሆነ ሁሉ እኛም የክርስቶስ እንደሆን ሊገነዘብ ይገባዋል።  ጌታ እናንተን ለማፍረስ ሳይሆን ለማነጽ በሰጠን ሥልጣን እጅግ ብመካም እንኳ ለኀፍረት አልዳረግም።  ይህን ስል በደብዳቤዎቼ እናንተን ማስፈራራት እንደምፈልግ አድርጋችሁ እንድታስቡ አልፈልግም። 10  ምክንያቱም አንዳንዶች “ደብዳቤዎቹ ከባድና ኃይለኛ ናቸው፤ በመካከላችን በአካል ሲገኝ ግን ደካማ ከመሆኑም በላይ ንግግሩ የተናቀ ነው” ይላሉ። 11  እንዲህ ያለው ሰው በአካል ሳንኖር በደብዳቤዎቻችን የምንናገረው ቃልና በአካል ስንገኝ በተግባር የምናከናውነው ነገር ምንም ልዩነት እንደሌለው መገንዘብ ይገባዋል። 12  እኛ ራሳቸውን ብቁ አድርገው ከሚያቀርቡ ሰዎች ጋር ራሳችንን ለመመደብ ወይም ለማነጻጸር አንደፍርም። እነሱ ራሳቸውን በራሳቸው ሲመዝኑና ራሳቸውን ከራሳቸው ጋር ሲያነጻጽሩ ማስተዋል እንደሌላቸው ያሳያሉ። 13  እኛ ግን ከተሰጠን ወሰን ውጭ ባለው ነገር አንኩራራም፤ ከዚህ ይልቅ የምንኮራው አምላክ ለክቶ በሰጠን ክልል ውስጥ ባለው ነገር ብቻ ነው፤ ይህ ክልል ደግሞ እናንተንም ያጠቃልላል። 14  እናንተ ከክልላችን ውጭ ያላችሁ ይመስል እናንተ ጋር ለመድረስ ከክልላችን ውጭ መሄድ አላስፈለገንም፤ ምክንያቱም ስለ ክርስቶስ የሚገልጸውን ምሥራች በማወጅ እናንተ እስካላችሁበት ድረስ መጀመሪያ የመጣነው እኛ ነን። 15  ከተመደበልን ወሰን ውጭ ሌላ ሰው በደከመበት ነገር እየተኩራራን አይደለም፤ ሆኖም እምነታችሁ እያደገ ሲሄድ በክልላችን ውስጥ ሥራችን በእናንተ መካከል በሚገባ እውቅና እያገኘ እንደሚሄድ ተስፋ እናደርጋለን። ከዚያም ይበልጥ እንስፋፋለን፤ 16  በሌላው ሰው ክልል አስቀድሞ በተሠራ ሥራ ከመኩራራት ይልቅ ከእናንተ ወዲያ ባሉት አገሮች ምሥራቹን እንሰብካለን። 17  “ሆኖም የሚመካ በይሖዋ ይመካ።” 18  ምክንያቱም ተቀባይነት የሚያገኘው ራሱን ብቁ እንደሆነ አድርጎ የሚያቀርብ ሰው ሳይሆን ይሖዋ ብቁ ነው የሚለው ሰው ነው።

የግርጌ ማስታወሻዎች