በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

1 ጢሞቴዎስ 4:1-16

4  ይሁን እንጂ በመንፈስ መሪነት የተነገረው ቃል በኋለኞቹ ዘመናት አንዳንዶች ከመናፍስት ለሚመነጩ አሳሳች ቃሎችና የአጋንንት ትምህርቶች ጆሯቸውን በመስጠት ከእምነት መውጣታቸው እንደማይቀር ይገልጻል፤  ይህም የሚሆነው በጋለ ብረት የተተኮሰ ያህል ሕሊናቸው የደነዘዘባቸው ግብዝ ሰዎች በሚናገሩት ውሸት የተነሳ ነው፤  እነዚህ ሰዎች ማግባትን ይከለክላሉ፤ እንዲሁም እምነት ያላቸውና እውነትን በትክክል የተረዱ ሰዎች ምስጋና አቅርበው እንዲበሏቸው አምላክ የፈጠራቸውን ምግቦች አትብሉ ብለው ያዛሉ።  ይሁንና አምላክ የፈጠረው ነገር ሁሉ መልካም ነው፤ በምስጋና እስከተቀበሉት ድረስ ምንም የሚጣል ነገር የለም፤  ምክንያቱም በአምላክ ቃልና በጸሎት ተቀድሷል።  እነዚህን ምክሮች ለወንድሞች በመስጠት የእምነትን ቃሎች እንዲሁም አጥብቀህ የተከተልከውን መልካም ትምህርት በሚገባ የተመገብክ የክርስቶስ ኢየሱስ ጥሩ አገልጋይ ትሆናለህ።  ነገር ግን ቅዱስ የሆነውን ነገር ከሚጻረሩና አሮጊቶች ከሚያወሯቸው ተረቶች ራቅ። ከዚህ ይልቅ ለአምላክ ማደርን ግብ አድርገህ ራስህን አሠልጥን።  ምክንያቱም የአካል ብቃት እንቅስቃሴ በጥቂቱ ይጠቅማል፤ ለአምላክ ማደር ግን ለአሁኑም ሆነ ለወደፊቱ ሕይወት የሚሆን ተስፋ ስላለው ለሁሉም ነገር ይጠቅማል።  ይህ ቃል የታመነና ሙሉ በሙሉ ሊቀበሉት የሚገባ ነው። 10  ጠንክረን በመሥራትና ብርቱ ጥረት በማድረግ ላይ ያለነውም ለዚህ ነው፤ ምክንያቱም የሁሉም ዓይነት ሰዎች በተለይ ደግሞ ታማኝ የሆኑት ሰዎች አዳኝ በሆነው ሕያው አምላክ ላይ ተስፋችንን ጥለናል። 11  እነዚህን ትእዛዞች መስጠትህንና ማስተማርህን ቀጥል። 12  ማንም ሰው ወጣትነትህን እንዲንቅ አትፍቀድ። ከዚህ ይልቅ ታማኞች ለሆኑት በንግግር፣ በምግባር፣ በፍቅር፣ በእምነትና በንጽሕና አርዓያ ሁን። 13  እኔ እስክመጣ ድረስ በሕዝብ ፊት ለማንበብ፣ አጥብቀህ ለመምከርና ለማስተማር የተቻለህን ሁሉ ጥረት ማድረግህን ቀጥል። 14  ስለ አንተ ትንቢት በተነገረበት ጊዜና የሽማግሌዎች አካል እጁን በአንተ ላይ በጫነበት ወቅት የተሰጠህን በአንተ ያለውን ስጦታ ቸል አትበል። 15  እድገትህ በሁሉም ሰዎች ዘንድ በግልጽ እንዲታይ በእነዚህ ነገሮች ላይ አሰላስል፤ እንዲሁም ትኩረትህ ሙሉ በሙሉ በእነዚህ ነገሮች ላይ ያረፈ ይሁን። 16  ለራስህና ለምታስተምረው ትምህርት ምንጊዜም ትኩረት ስጥ። በእነዚህ ነገሮች ጽና፤ ምክንያቱም ይህን በማድረግ ራስህንም ሆነ የሚሰሙህን ታድናለህ።

የግርጌ ማስታወሻዎች