በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

1 ጢሞቴዎስ 2:1-15

2  እንግዲህ ከሁሉ አስቀድሞ ሁሉንም ዓይነት ሰዎች በተመለከተ ምልጃ፣ ጸሎት፣ ልመናና ምስጋና እንዲቀርብ አሳስባለሁ፤  በተጨማሪም ነገሥታትንና በሥልጣን ላይ ያሉትን ሁሉ በተመለከተ እንዲሁ እንዲደረግ አሳስባለሁ፤ ይህም ሙሉ በሙሉ ለአምላክ በማደርና በጥልቅ ማስተዋል* በጸጥታና በተረጋጋ ሁኔታ መኖራችንን እንቀጥል ዘንድ ነው።  ይህም አዳኛችን በሆነው አምላክ ፊት መልካምና ተቀባይነት ያለው ነው፤  የእሱ ፈቃድ ሁሉም ዓይነት ሰዎች እንዲድኑ እንዲሁም የእውነትን ትክክለኛ እውቀት እንዲያገኙ ነው።  ምክንያቱም አንድ አምላክ አለ፤ በአምላክና በሰው መካከል ደግሞ አንድ አስታራቂ አለ፤ እሱም ሰው የሆነው ክርስቶስ ኢየሱስ ነው፤  ራሱን ለሁሉ ተመጣጣኝ ቤዛ አድርጎ የሰጠው እሱ ነው፤ በተወሰነለት ጊዜ የምሥክርነት ቃል የሚነገርለት ነገርም ይህ ነው።  ደግሞም ሰባኪና ሐዋርያ ይኸውም እምነትንና እውነትን በተመለከተ የአሕዛብ አስተማሪ ሆኜ የተሾምኩት ለዚህ ምሥክርነት ሲባል ነው፤ ይህንም ስል እውነቱን እየተናገርኩ ነው እንጂ እየዋሸሁ አይደለም።  ስለዚህ በሁሉም ቦታ ወንዶች ቁጣንና ክርክርን አስወግደው ታማኝ እጆችን ወደ ላይ በማንሳት አዘውትረው እንዲጸልዩ እፈልጋለሁ።  በተመሳሳይም ሴቶች ፀጉር በመሸረብና በወርቅ ወይም በዕንቁ ወይም ደግሞ በጣም ውድ በሆነ ልብስ ሳይሆን በልከኝነትና በማስተዋል ሥርዓታማ በሆነ ልብስ ራሳቸውን እንዲያስውቡ እፈልጋለሁ፤ 10  አምላክን እናመልካለን ለሚሉ ሴቶች በሚገባ ሁኔታ ይኸውም በመልካም ሥራ ይዋቡ። 11  ሴት ሙሉ በሙሉ በመገዛት በጸጥታ ትማር። 12  ሴት ዝም እንድትል እንጂ እንድታስተምር ወይም በወንድ ላይ ሥልጣን እንዲኖራት አልፈቅድም። 13  ምክንያቱም በመጀመሪያ የተፈጠረው አዳም ነው፤ ከዚያም ሔዋን ተፈጠረች። 14  በተጨማሪም አዳም አልተታለለም፤ ከዚህ ይልቅ ሙሉ በሙሉ የተታለለችውና ሕግ ለመተላለፍ የበቃችው ሴቷ ናት። 15  ይሁን እንጂ ሴት ጤናማ አስተሳሰብ በመያዝ በእምነት፣ በፍቅርና በቅድስና ብትጸና ልጅ በመውለድ ደኅንነቷ ተጠብቆ ትኖራለች።

የግርጌ ማስታወሻዎች

1ጢሞ 2:2 * ወይም፣ “ቁም ነገረኛ በመሆን።”