በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

1 ጢሞቴዎስ 1:1-20

1  አዳኛችን በሆነው አምላክና ተስፋችን በሆነው በክርስቶስ ኢየሱስ ትእዛዝ የክርስቶስ ኢየሱስ ሐዋርያ ከሆነው ከጳውሎስ፣  በእምነት እውነተኛ ልጄ ለሆነው ለጢሞቴዎስ:- አባት ከሆነው አምላክና ከጌታችን ክርስቶስ ኢየሱስ ጸጋ፣ ምሕረትና ሰላም ለአንተ ይሁን።  ወደ መቄዶንያ ልሄድ በተነሳሁበት ጊዜ በኤፌሶን እንድትቆይ እንዳበረታታሁህ ሁሉ አሁንም አንዳንዶች የሐሰት ትምህርት እንዳያስፋፉ ታዝዛቸው ዘንድ በዚያው እንድትቆይ አበረታታሃለሁ፤  በተጨማሪም ለፈጠራ ወሬዎችና ለትውልድ ሐረግ ቆጠራ ትኩረት እንዳይሰጡ እዘዛቸው፤ እንዲህ ያለው ነገር እምነትን የሚያጠናክሩ ከአምላክ የሚገኙ ነገሮች ለሌሎች እንዲዳረሱ ከማድረግ ይልቅ እርባና ቢስ ጥያቄዎችን የሚያስከትል ነው።  የዚህ ትእዛዝ ዓላማ ከንጹሕ ልብ፣ ከጥሩ ሕሊናና ግብዝነት ከሌለበት እምነት የሚመነጭ ፍቅር ነው።  አንዳንዶች እነዚህን ነገሮች በመተው ፍሬ ቢስ ወደሆነ ወሬ ፊታቸውን አዙረዋል፤  ይህን የሚያደርጉት የሕግ አስተማሪዎች ለመሆን ፈልገው ነው፤ ሆኖም የሚናገሯቸውን ነገሮችም ሆነ አጥብቀው የሚሟገቱላቸውን ነገሮች አያስተውሉም።  አንድ ሰው በአግባቡ እስከተጠቀመበት ድረስ ሕጉ መልካም ነው፤  ደግሞም ሕግ የሚታወጀው ለጻድቅ ሰው ሳይሆን ሕግ ለሚተላለፉና ለዓመፀኞች፣ ፈሪሃ አምላክ ለሌላቸውና ለኃጢአተኞች፣ ፍቅራዊ ደግነት ለሌላቸውና ቅዱስ የሆነውን ለሚንቁ፣ አባትን ለሚገድሉና እናትን ለሚገድሉ እንዲሁም ለነፍሰ ገዳዮች መሆኑን ማወቅ ይኖርበታል፤ 10  በተጨማሪም ለሴሰኞች፣ ከወንዶች ጋር ለሚተኙ ወንዶች፣ ለአፋኞች፣ ለውሸታሞች፣ በሐሰት ለሚምሉና ጤናማውን ትምህርት ለሚጻረር ነገር ሁሉ ነው፤ 11  ይህ ጤናማ ትምህርት ደስተኛ ከሆነው አምላክ ክብራማ ምሥራች ጋር የሚስማማ ሲሆን ይህም ምሥራች በአደራ ተሰጥቶኛል። 12  ለአገልግሎት በመሾም ታማኝ አድርጎ ስለቆጠረኝ ኃይል የሰጠኝን ጌታችን ክርስቶስ ኢየሱስን አመሰግናለሁ፤ 13  ምንም እንኳ ቀደም ሲል ተሳዳቢ፣ አሳዳጅና እብሪተኛ የነበርኩ ብሆንም ይህን አድርጎልኛል። ደግሞም ባለማወቅና ባለማመን ስላደረግኩት ምሕረት ተደርጎልኛል። 14  የጌታችን ጸጋም ከእምነት እንዲሁም በክርስቶስ ኢየሱስ ካለው ፍቅር ጋር እጅግ ተትረፍርፎልኛል። 15  ክርስቶስ ኢየሱስ ኃጢአተኞችን ለማዳን ወደ ዓለም መጣ የሚለው ቃል የታመነና ሙሉ ተቀባይነት ሊያገኝ የሚገባው ነው። ከኃጢአተኞች ደግሞ እኔ ዋነኛ ነኝ። 16  ይሁንና ለእኔ ምሕረት የተደረገው ክርስቶስ ኢየሱስ፣ ዋነኛ ኃጢአተኛ የሆንኩትን እኔን እንደ ናሙና አድርጎ በመጠቀም የዘላለም ሕይወት ለማግኘት እምነታቸውን በእሱ ላይ ለሚጥሉ ሰዎች ትዕግሥቱን ሁሉ ያሳይ ዘንድ ነው። 17  እንግዲህ ለማይበሰብሰውና ለማይታየው፣ እሱ ብቻ አምላክ ለሆነው ይኸውም ለዘላለሙ ንጉሥ ክብርና ግርማ ከዘላለም እስከ ዘላለም ይሁን። አሜን። 18  ልጄ ጢሞቴዎስ፣ ከዚህ ቀደም በቀጥታ አንተን አስመልክተው በተነገሩት ትንቢቶች መሠረት ይህን ትእዛዝ በአደራ እሰጥሃለሁ፤ ይኸውም ከእነዚህ ጋር በሚስማማ መንገድ መልካሙን ውጊያ መዋጋትህን እንድትቀጥል ነው፤ 19  ይህንም የምታደርገው እምነትንና ጥሩ ሕሊናን አጥብቀህ በመያዝ ነው፤ አንዳንዶች ሕሊናቸውን ወደ ጎን ገሸሽ በማድረጋቸው ባሕር ላይ አደጋ ደርሶበት እንደተሰባበረ መርከብ እምነታቸው ጠፍቷል። 20  ከእነሱም መካከል ሄሜኔዎስና እስክንድር ይገኙበታል፤ እነሱ ከተግሣጽ ተምረው በአምላክ ላይ የስድብ ቃል ከመናገር እንዲቆጠቡ ለሰይጣን አሳልፌ ሰጥቻቸዋለሁ።

የግርጌ ማስታወሻዎች