በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

1 ተሰሎንቄ 3:1-13

3  ስለዚህ ከዚህ በላይ መታገስ ስላልቻልን በአቴንስ ብቻችንን መቅረት መልካም ሆኖ ታየን፤  በመሆኑም እምነታችሁ ይጠነክር ዘንድ እንዲያጸናችሁ እንዲሁም እንዲያበረታታችሁ ወንድማችንና ስለ ክርስቶስ ከሚገልጸው ምሥራች ጋር በተያያዘ የአምላክ አገልጋይ የሆነውን ጢሞቴዎስን ልከንላችኋል፤  ይኸውም ማንም በእነዚህ መከራዎች እንዳይናወጥ ነው። ይህ ነገር ለእኛ የተወሰነልን መሆኑን እናንተ ራሳችሁ ታውቃላችሁ።  እንዲያውም አብረናችሁ በነበርንበት ጊዜ መከራ መቀበላችን እንደማይቀር አስቀድመን ደጋግመን ነግረናችሁ ነበር፤ ደግሞም እንደምታውቁት ይኸው ነገር ደርሷል።  ስለዚህ ከዚህ በላይ መታገስ ባልቻልኩ ጊዜ ስለ ታማኝነታችሁ ለማወቅ ላክሁት፤ ይህንም ያደረግኩት ምናልባት ፈታኙ በሆነ መንገድ ፈትኗችሁ ድካማችን ከንቱ ሆኖ ቀርቶ ይሆናል ብዬ በመስጋት ነው።  ይሁንና ጢሞቴዎስ ከእናንተ ዘንድ አሁን ወደ እኛ መጥቶ ስለ ታማኝነታችሁና ስለ ፍቅራችሁ የምሥራች አብስሮናል፤ ደግሞም እኛን ሁልጊዜ በመልካም እንደምታስታውሱንና እኛ እናንተን ለማየት እንደምንናፍቅ ሁሉ እናንተም እኛን ለማየት እንደምትናፍቁ ነግሮናል።  ወንድሞች፣ በችግራችንና በመከራችን ሁሉ እናንተ ባሳያችሁት ታማኝነት የተነሳ በእናንተ የተጽናናነው ለዚህ ነው፤  ምክንያቱም እናንተ ከጌታ ጋር በተያያዘ ጸንታችሁ ከቆማችሁ አሁን ሕይወታችን ይታደሳል።  በእናንተ ምክንያት በአምላካችን ፊት እያገኘነው ላለው ደስታ ሁሉ በአጸፋው ስለ እናንተ ለአምላክ ምን ምስጋና ማቅረብ እንችላለን? 10  ፊታችሁን ለማየትና ከእምነታችሁ የጎደለውን ነገር ለማሟላት ሌሊትና ቀን እጅግ ተግተን ምልጃ እናቀርባለን። 11  አሁንም አምላካችንና አባታችን ራሱ እንዲሁም ጌታችን ኢየሱስ ወደ እናንተ እንድንመጣ መንገዳችንን ያቅኑልን። 12  በተጨማሪም እኛ ለእናንተ ፍቅር እንዳለን ሁሉ እርስ በርስም ሆነ ለሰዎች ሁሉ የምታሳዩትን ፍቅር ጌታ ያብዛላችሁ ብሎም ያትረፍርፍላችሁ፤ 13  ይህም ጌታችን ኢየሱስ ከቅዱሳኑ ሁሉ ጋር በሚገኝበት ጊዜ በአምላካችንና በአባታችን ፊት ልባችሁን እንዲያጸናና ያላንዳች እንከን ቅዱስ እንዲያደርግ ነው።

የግርጌ ማስታወሻዎች