በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

1 ቆሮንቶስ 8:1-13

8  ለጣዖታት የቀረበን ምግብ በተመለከተ፣ ሁላችንም እውቀት እንዳለን እናውቃለን። እውቀት ያስታብያል፤ ፍቅር ግን ያንጻል።  አንድ ሰው ስለ አንድ ነገር እውቀት አለኝ ብሎ የሚያስብ ከሆነ ስለዚያ ነገር ማወቅ የሚገባውን ያህል ገና አላወቀም።  ሆኖም አንድ ሰው አምላክን የሚወድ ከሆነ አምላክ ይህን ሰው ያውቀዋል።  ለጣዖታት የቀረቡ ምግቦችን መብላትን በተመለከተ፣ ጣዖት በዚህ ዓለም ውስጥ ከንቱ እንደሆነና ከአንዱ በቀር አምላክ እንደሌለ እናውቃለን።  ብዙ “አማልክት” እና ብዙ “ጌቶች” እንደመኖራቸው መጠን በሰማይም ሆነ በምድር “አማልክት” ተብለው የሚጠሩ ቢኖሩም እንኳ  እኛ ግን ነገር ሁሉ ከእሱ የሆነ እኛም ለእሱ የሆን አንድ አምላክ አብ አለን፤ እንዲሁም ሁሉም ነገር በእሱ በኩል የሆነና እኛም በእሱ በኩል የሆን አንድ ጌታ ኢየሱስ ክርስቶስ አለ።  ይሁንና ይህ እውቀት ያላቸው ሁሉም ሰዎች አይደሉም፤ አንዳንዶች ግን ከጣዖት ጋር የተያያዙ ልማዶች አሁንም ድረስ ከአእምሯቸው ገና ባለመጥፋታቸው የሚበሉት ምግብ ለጣዖት የተሠዋ እንደሆነ አድርገው ያስባሉ፤ ሕሊናቸው ደካማ ስለሆነም ይረክሳል።  ይሁን እንጂ ምግብ የአምላክን ሞገስ አያስገኝም፤ ባንበላ የሚጎድልብን ነገር የለም፤ ብንበላም የምናተርፈው ነገር የለም።  ነገር ግን ይህ መብታችሁ ደካማ የሆኑትን በሆነ መንገድ እንዳያሰናክላቸው ተጠንቀቁ። 10  አንተ እውቀት ያለህ በጣዖት ቤተ መቅደስ ውስጥ በማዕድ ተቀምጠህ ስትበላ አንድ ሰው ቢያይህ ደካማ የሆነው ይህ ሰው ሕሊናው ለጣዖት የቀረበውን ምግብ እንዲበላ አያደፋፍረውም? 11  እንግዲህ ክርስቶስ የሞተለት ይህ ደካማ የሆነው ወንድምህ በአንተ እውቀት ሳቢያ ጠፋ ማለት ነው። 12  ነገር ግን በዚህ መንገድ ወንድሞቻችሁን ስትበድሉና ደካማ የሆነውን ሕሊናቸውን ስታቆስሉ በክርስቶስ ላይ ኃጢአት እየሠራችሁ ነው። 13  ስለዚህ ምግብ ወንድሜን የሚያሰናክለው ከሆነ ወንድሜን ላለማሰናከል ስል ከእንግዲህ ፈጽሞ ሥጋ አልበላም።

የግርጌ ማስታወሻዎች