በቀጥታ ወደ ዋናው ጉዳይ ግባ

በቀጥታ ወደ ርዕስ ማውጫው ሂድ

የይሖዋ ምሥክሮች

ቋንቋ ምረጥ አማርኛ

1 ቆሮንቶስ 3:1-23

3  በመሆኑም ወንድሞች፣ ከክርስቶስ ጋር በተያያዘ ገና ሕፃናት እንደሆኑ እንደ ሥጋውያን ሰዎች እንጂ እንደ መንፈሳውያን ሰዎች ላነጋግራችሁ አልቻልኩም።  ጠንካራ ስላልነበራችሁ ወተት እንጂ ጠንካራ ምግብ አልመገብኳችሁም። አሁንም ቢሆን ገና አልጠነከራችሁም፤  ምክንያቱም አሁንም ገና ሥጋውያን ናችሁ። ቅናትና ጠብ በመካከላችሁ ስላለ ሥጋውያን መሆናችሁ አይደለም? እንደ ሰው ልማድስ እየተመላለሳችሁ አይደለም?  አንዱ “እኔ የጳውሎስ ነኝ፣” ሌላው ደግሞ “እኔ የአጵሎስ ነኝ” ሲል እንደማንኛውም ሰው መሆናችሁ አይደለም?  ለመሆኑ አጵሎስ ምንድን ነው? ጳውሎስስ ምንድን ነው? ጌታ የሰጠንን ሥራ የሚያከናውኑ አገልጋዮች ናቸው፤ እናንተም አማኞች የሆናችሁት በእነሱ አማካኝነት ነው።  እኔ ተከልኩ፤ አጵሎስ አጠጣ፤ ያሳደገው ግን አምላክ ነው፤  ስለዚህ ምስጋና የሚገባው የሚያሳድገው አምላክ እንጂ የሚተክለውም ሆነ የሚያጠጣው አይደለም።  የሚተክልም ሆነ የሚያጠጣ አንድ ናቸው፤ ሆኖም እያንዳንዱ ሰው እንደ ድካሙ መጠን የራሱን ሽልማት ይቀበላል።  ምክንያቱም እኛ ከአምላክ ጋር አብረን የምንሠራ ነን። እናንተ በመልማት ላይ ያለ የአምላክ እርሻ ናችሁ፤ የአምላክ ሕንጻ ናችሁ። 10  በተሰጠኝ የአምላክ ጸጋ መሠረት እንደ አንድ ጥበበኛ መሐንዲስ እኔ መሠረት ጣልኩ፤ ሌላው ደግሞ በዚያ ላይ ይገነባል። ሆኖም እያንዳንዱ በዚያ ላይ እንዴት እንደሚገነባ በጥንቃቄ ሊያስብ ይገባል። 11  ምክንያቱም ማንም ሰው ከተጣለው መሠረት ሌላ አዲስ መሠረት መጣል አይችልም፤ ይህም መሠረት ኢየሱስ ክርስቶስ ነው። 12  ማንም በዚህ መሠረት ላይ በወርቅ፣ በብር፣ በከበሩ ድንጋዮች፣ በእንጨት፣ በሣር ወይም በአገዳ ቢገነባ 13  የፈተናው ቀን ሲመጣ የእያንዳንዱ ሥራ ይገለጣል፤ ምክንያቱም እሳቱ ሁሉንም ነገር ይገልጣል እንዲሁም የእያንዳንዱ ሰው ሥራ ምን ዓይነት እንደሆነ እሳቱ ራሱ ፈትኖ ያሳያል። 14  ማንም በመሠረቱ ላይ የገነባው ሥራ ቢጸናለት ሽልማት ያገኛል፤ 15  ይሁንና ማንም ሰው የሠራው ሥራ ቢቃጠል ኪሳራ ይደርስበታል፤ እሱ ግን ይተርፋል፤ ሆኖም በእሳት ውስጥ አልፎ የመትረፍ ያህል ይሆናል። 16  እናንተ የአምላክ ቤተ መቅደስ እንደሆናችሁና የአምላክ መንፈስ በእናንተ ውስጥ እንደሚያድር አታውቁም? 17  ማንም የአምላክን ቤተ መቅደስ ቢያጠፋ አምላክ ያጠፋዋል፤ ምክንያቱም የአምላክ ቤተ መቅደስ ቅዱስ ነው፤ ቤተ መቅደሱም እናንተ ናችሁ። 18  ማንም ራሱን አያታል:- ከእናንተ መካከል ማንም በዚህ ሥርዓት ውስጥ ጥበበኛ እንደሆነ ቢያስብ ጥበበኛ መሆን ይችል ዘንድ ሞኝ ይሁን። 19  ምክንያቱም የዚህ ዓለም ጥበብ በአምላክ ፊት ሞኝነት ነው፤ “ጥበበኞችን በራሳቸው ተንኮል ይይዛቸዋል” ተብሎ ተጽፏልና። 20  ደግሞም “ይሖዋ የጠቢባን ሰዎች ሐሳብ ከንቱ እንደሆነ ያውቃል” ተብሏል። 21  በመሆኑም ማንም በሰዎች አይመካ፤ ምክንያቱም ሁሉም ነገር የእናንተ ነው፤ 22  ጳውሎስም ቢሆን አጵሎስም ቢሆን ኬፋም ቢሆን ዓለምም ቢሆን ሕይወትም ቢሆን ሞትም ቢሆን አሁን ያሉት ነገሮችም ቢሆኑ የሚመጡትም ነገሮች ቢሆኑ ሁሉም ነገር የእናንተ ነው፤ 23  እናንተ ደግሞ የክርስቶስ ናችሁ፤ ክርስቶስ ደግሞ የአምላክ ነው።

የግርጌ ማስታወሻዎች