በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

ፊልጵስዩስ 4:1-23

4  ስለዚህ የምወዳችሁና የምናፍቃችሁ እንዲሁም ደስታዬና አክሊሌ የሆናችሁ ወንድሞቼና ወዳጆቼ፣ አሁን በገለጽኩላችሁ መሠረት ከጌታ ጋር ባላችሁ አንድነት ጸንታችሁ ቁሙ።  በጌታ አንድ ዓይነት አስተሳሰብ እንዲኖራቸው ኤዎድያንን እመክራለሁ፣ ሲንጤኪንም እመክራለሁ።  አዎ፣ እውነተኛ የሥራ አጋሬ የሆንከው አንተም፣ ከቀሌምንጦስና ስማቸው በሕይወት መጽሐፍ ውስጥ ከሰፈረው ከቀሩት የሥራ ባልደረቦቼ ጋር በምሥራቹ ሥራ ከጎኔ ተሰልፈው ብዙ የደከሙትን እነዚህን ሴቶች መርዳትህን እንድትቀጥል አደራ እልሃለሁ።  ሁልጊዜ በጌታ ደስ ይበላችሁ። ደግሜ እላለሁ ደስ ይበላችሁ!  ምክንያታዊነታችሁ በሰው ሁሉ ዘንድ የታወቀ ይሁን። ጌታ ቅርብ ነው።  ስለ ምንም ነገር አትጨነቁ፤ ከዚህ ይልቅ ስለ ሁሉም ነገር በጸሎትና በምልጃ ከምስጋና ጋር ልመናችሁን ለአምላክ አቅርቡ፤  ከማሰብ ችሎታ ሁሉ በላይ የሆነው የአምላክ ሰላም በክርስቶስ ኢየሱስ አማካኝነት ልባችሁንና አእምሯችሁን ይጠብቃል።  በመጨረሻም ወንድሞች፣ እውነት የሆነውን ነገር ሁሉ፣ ቁም ነገር ያለበትን ነገር ሁሉ፣ ጽድቅ የሆነውን ነገር ሁሉ፣ ንጹሕ የሆነውን ነገር ሁሉ፣ ተወዳጅ የሆነውን ነገር ሁሉ፣ በመልካም የሚነሳውን ነገር ሁሉ፣ በጎ የሆነውን ሁሉና ምስጋና የሚገባውን ነገር ሁሉ ማሰባችሁን አታቋርጡ።  ከእኔ የተማራችሁትንም ሆነ የተቀበላችሁትን እንዲሁም የሰማችሁትንና ያያችሁትን ነገር ሁሉ ሥራ ላይ አውሉ፤ የሰላምም አምላክ ከእናንተ ጋር ይሆናል። 10  ከጊዜ በኋላ አሁን እንደገና ስለ እኔ ማሰብ በመጀመራችሁ በጌታ እጅግ ደስ ይለኛል። ስለ እኔ ደኅንነት በእርግጥ ታስቡ የነበረ ቢሆንም ይህን ለማሳየት የሚያስችል አጋጣሚ አላገኛችሁም። 11  ይህን ስል እንደተቸገርኩ መናገሬ አይደለም፤ ምክንያቱም በማንኛውም ሁኔታ ውስጥ ብሆን ባለኝ ረክቼ መኖርን ተምሬያለሁ። 12  በትንሽ ነገር እንዴት መኖር እንደሚቻል አውቃለሁ፣ ብዙ አግኝቶ እንዴት መኖር እንደሚቻልም አውቃለሁ። በማንኛውም ነገርና በሁሉም ሁኔታ ጠግቦም ሆነ ተርቦ፣ ብዙ አግኝቶም ሆነ ተቸግሮ መኖር የሚቻልበትን ሚስጥር ተምሬያለሁ። 13  ኃይልን በሚሰጠኝ በእሱ አማካኝነት ሁሉን ማድረግ የሚያስችል ብርታት አለኝ። 14  የሆነ ሆኖ የመከራዬ ተካፋዮች ሆናችሁ በመገኘታችሁ መልካም አድርጋችኋል። 15  እንዲያውም እናንተ የፊልጵስዩስ ሰዎች፣ ምሥራቹን ማወጅ በጀመርኩበት ጊዜ ከመቄዶንያ ስወጣ በመስጠትም ሆነ በመቀበል ረገድ ከእናንተ በስተቀር ከእኔ ጋር የተባበረ አንድም ጉባኤ እንዳልነበረም ታውቃላችሁ፤ 16  ምክንያቱም በተሰሎንቄ በነበርኩበት ጊዜም እንኳ የሚያስፈልገኝን ነገር ከአንዴም ሁለቴ ልካችሁልኛል። 17  ይህንም ስል ስጦታውን ለማግኘት በመጓጓት ሳይሆን የእናንተ ሒሳብ እንዲጨምር የሚያደርገውን ፍሬ ለማግኘት በመጓጓት ነው። 18  ይሁን እንጂ ሁሉም ነገር ሞልቶኛል እንዲሁም ተትረፍርፎልኛል። የላካችሁልኝን ነገሮች ከአፍሮዲጡ ስለተቀበልኩ ሞልቶ ተትረፍርፎልኛል፤ ይህም ጥሩ መዓዛ ያለው ሽታ፣ ተቀባይነት ያለው መሥዋዕትና አምላክ ደስ የሚሰኝበት ነገር ነው። 19  በአጸፋው ደግሞ ታላቅ ብልጽግና ያለው አምላኬ በክርስቶስ ኢየሱስ አማካኝነት የሚያስፈልጋችሁን ሁሉ አሟልቶ ይሰጣችኋል። 20  እንግዲህ ለአምላካችንና ለአባታችን ከዘላለም እስከ ዘላለም ክብር ይሁን። አሜን። 21  ከክርስቶስ ኢየሱስ ጋር አንድነት ላላቸው ቅዱሳን ሁሉ ሰላምታዬን አድርሱልኝ። ከእኔ ጋር ያሉ ወንድሞች ሰላምታ ልከውላችኋል። 22  ቅዱሳን ሁሉ በተለይ ደግሞ ከቄሳር ቤተሰብ የሆኑት ሰላምታ ያቀርቡላችኋል። 23  የጌታ ኢየሱስ ክርስቶስ ጸጋ ከምታሳዩት መንፈስ ጋር ይሁን።

የግርጌ ማስታወሻዎች