በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

ፊልሞና 1:1-25

 ለክርስቶስ ኢየሱስ ሲል እስረኛ ከሆነው ከጳውሎስና ከወንድማችን ከጢሞቴዎስ፤ ለተወደደው ወንድማችንና የሥራ ባልደረባችን ለሆነው ለፊልሞና፣  ለእህታችን ለአፍብያና አብሮን ወታደር ለሆነው ለአርክጳ እንዲሁም በቤትህ ላለው ጉባኤ:-  አባታችን ከሆነው አምላክና ከጌታ ኢየሱስ ክርስቶስ ጸጋና ሰላም ለእናንተ ይሁን።  ስለ አንተ በጸሎቴ በጠቀስኩ ቁጥር ሁልጊዜ አምላኬን አመሰግናለሁ፤  በጌታ ኢየሱስ ላይ ያለህን እምነት እንዲሁም ለእሱና ለቅዱሳን ሁሉ ያለህን ፍቅር እሰማለሁ፤  እኛ ራሳችን ከክርስቶስ ጋር ባለን አንድነት ብዙ መልካም ነገሮች እንደተቀበልን ስለምትገነዘብ ከሌሎች ጋር የምትጋራው እምነት መልካም ነገር ለማድረግ እንዲያነሳሳህ እጸልያለሁ።  ወንድሜ ሆይ፣ የቅዱሳን ልብ በአንተ አማካኝነት ስለታደሰ በአንተ ፍቅር የተነሳ እጅግ ተደስቻለሁ፤ እንዲሁም ተጽናንቻለሁ።  ስለዚህ ተገቢ የሆነውን ነገር እንድታደርግ አንተን ለማዘዝ ከክርስቶስ ጋር በተያያዘ ታላቅ የመናገር ነፃነት ቢኖረኝም  እንዲህ ከማድረግ ይልቅ አረጋዊና አሁን ደግሞ ለክርስቶስ ኢየሱስ ስል እስረኛ የሆንኩት እኔ ጳውሎስ ፍቅርን መሠረት በማድረግ አጥብቄ እመክርሃለሁ፤ 10  በእስር ላይ እያለሁ እንደ አባት የሆንኩለትን ልጄን አናሲሞስን በተመለከተ ላሳስብህ እወዳለሁ፤ 11  እሱ ቀደም ሲል ምንም አይጠቅምህም ነበር፤ አሁን ግን ለአንተም ሆነ ለእኔ የሚጠቅም ሰው ሆኗል። 12  ይህን ሰው፣ አዎ፣ ከልቤ የምወደውን እሱን ወደ አንተ መልሼ ልኬዋለሁ። 13  ለምሥራቹ ስል እዚህ ታስሬ ሳለሁ በአንተ ፋንታ እኔን ማገልገሉን እንዲቀጥል ለራሴ እዚሁ ባስቀረው ደስ ይለኝ ነበር። 14  ነገር ግን የምታደርገው መልካም ነገር በራስህ ፈቃድ እንጂ በግዴታ እንዳይሆን አንተ ሳትስማማ ምንም ነገር ማድረግ አልፈልግም። 15  ምናልባት ለአጭር ጊዜ ከአንተ ጠፍቶ የሄደው፣ ተመልሶ ለዘለቄታው የአንተ ሆኖ እንዲኖር ይሆናል፤ 16  ከእንግዲህ ወዲህ እንደ ባሪያ ሳይሆን ከባሪያ ይበልጥ እንደተወደደ ወንድም ነው፤ በተለይ ለእኔ ተወዳጅ ወንድም ነው፤ ሆኖም በሰብዓዊ ግንኙነታችሁም ሆነ በጌታ ለአንተ ይበልጥ ተወዳጅ እንደሆነ ምንም ጥርጥር የለውም። 17  ስለዚህ እኔን እንደ ሥራ አጋርህ አድርገህ ከቆጠርከኝ እኔን እንደምትቀበለኝ አድርገህ እሱን በደግነት ተቀበለው። 18  ከዚህም በተጨማሪ የበደለህ ነገር ካለ ወይም የአንተ ዕዳ ካለበት ዕዳውን በእኔ ላይ አስበው። 19  እኔ ጳውሎስ ይህን በራሴ እጅ ጽፌልሃለሁ:- ያለበትን ዕዳ እኔ እከፍልሃለሁ፤ ደግሞም አንተ ራስህ ስለ ሕይወትህ እንኳ ሳይቀር የእኔ ባለዕዳ እንደሆንክ ልነግርህ አያስፈልግም። 20  ወንድሜ ሆይ፣ ከጌታ ጋር በተያያዘ ከአንተ ትርፍ ማግኘት እፈልጋለሁ:- ከክርስቶስ ጋር በተያያዘ ልቤን አድስልኝ። 21  ይህን የምጽፍልህ በዚህ እንደምትስማማ በመተማመንና ከምጠይቅህም እንኳ በላይ እንደምታደርግ በማወቅ ነው። 22  ከዚህም ሌላ በምታቀርቡት ጸሎት አማካኝነት ለእናንተ ሲባል ነፃ እንደምወጣ ተስፋ ስለማደርግ ማረፊያ አዘጋጅልኝ። 23  ከክርስቶስ ኢየሱስ ጋር በተያያዘ አብሮኝ እስረኛ የሆነው ኤጳፍራ ሰላምታ ያቀርብልሃል፤ 24  የሥራ ባልደረቦቼ የሆኑት ማርቆስ፣ አርስጥሮኮስ፣ ዴማስና ሉቃስም ሰላም ብለውሃል። 25  የጌታ ኢየሱስ ክርስቶስ ጸጋ እናንተ ከምታሳዩት መንፈስ ጋር ይሁን።

የግርጌ ማስታወሻዎች