በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

ገላትያ 3:1-29

3  እናንተ ማስተዋል የጎደላችሁ የገላትያ ሰዎች! ኢየሱስ ክርስቶስ፣ በእንጨት ላይ ተሰቅሎ ፊት ለፊት ያያችሁት ያህል በዓይነ ሕሊናችሁ ተስሎ ነበር፤ ታዲያ አሁን አፍዝ አደንግዝ ያደረገባችሁ ማን ነው?  ይህን ብቻ እንድትነግሩኝ እፈልጋለሁ:- መንፈስን የተቀበላችሁት ሕግን በመጠበቅ ነው ወይስ የሰማችሁትን በማመን?  ይህን ያህል ማስተዋል የጎደላችሁ ናችሁ? በመንፈሳዊ ሁኔታ ከጀመራችሁ በኋላ አሁን በሥጋዊ ሁኔታ ልታጠናቅቁ ታስባላችሁ?  ብዙ መከራ የተቀበላችሁት እንዲያው በከንቱ ነው? መቼም በከንቱ ነው ብዬ አላስብም።  መንፈስን የሚሰጣችሁና በመካከላችሁ ተአምራት የሚፈጽመው እሱ ይህን የሚያደርገው ሕግን በመጠበቅ ነው ወይስ የሰማውን በማመን?  ይህም አብርሃም “በይሖዋ አመነ፤ ጽድቅም ሆኖ ተቆጠረለት” እንደተባለው ነው።  የአብርሃም ልጆች የሆኑት እምነትን አጥብቀው የሚከተሉት መሆናቸውን እንደምታውቁ የተረጋገጠ ነው።  ቅዱስ መጽሐፉ፣ አምላክ ከአሕዛብ ወገን የሆኑ ሰዎችን በእምነት አማካኝነት ጻድቃን ብሎ እንደሚጠራቸው አስቀድሞ አይቶ “ሕዝቦች ሁሉ በአንተ አማካኝነት ይባረካሉ” በማለት ምሥራቹን ለአብርሃም አስቀድሞ አስታውቆታል።  በመሆኑም እምነትን አጥብቀው የሚከተሉ ከታማኙ አብርሃም ጋር ይባረካሉ። 10  ምክንያቱም “በሕጉ የመጽሐፍ ጥቅልል የተጻፉትን ነገሮች ሁሉ ዘወትር የማይፈጽም ማንኛውም ሰው የተረገመ ነው” ተብሎ ስለተጻፈ ሕግን በመጠበቅ የሚታመኑ ሁሉ የተረገሙ ናቸው። 11  በተጨማሪም “ጻድቅ በእምነት ይኖራል” ተብሎ ስለተጻፈ ማንም በአምላክ ፊት በሕግ አማካኝነት ጻድቅ ተብሎ ሊጠራ እንደማይችል ግልጽ ነው። 12  ሕጉ በእምነት ላይ የተመካ አይደለም፤ ሆኖም “ትእዛዛቱን የሚጠብቅ በእነሱ አማካኝነት በሕይወት ይኖራል።” 13  ክርስቶስ በእኛ ፋንታ የተረገመ ሆኖ እኛን ከሕጉ እርግማን በመዋጀት ነፃ አወጣን፤ ምክንያቱም “በእንጨት ላይ የተሰቀለ ሰው ሁሉ የተረገመ ነው” ተብሎ ተጽፏል። 14  ይህም የሆነው ለአብርሃም የተሰጠው በረከት በኢየሱስ ክርስቶስ አማካኝነት ለአሕዛብ መድረስ እንዲችልና እኛም በእምነታችን አማካኝነት ቃል የተገባውን መንፈስ ማግኘት እንድንችል ነው። 15  ወንድሞች፣ በሰው ዕለታዊ ሕይወት የተለመደ አንድ ምሳሌ ልጠቀም:- የሰው ቃል ኪዳን እንኳ አንዴ ከጸደቀ በኋላ ማንም ሊሽረው ወይም ሊጨምርበት አይችልም። 16  የተስፋው ቃል የተነገረው ለአብርሃምና ለዘሩ ነው። ቅዱስ መጽሐፉ ለብዙዎች እንደሆነ አድርጎ “ለዘሮች” አይልም፤ ከዚህ ይልቅ ለአንድ እንደሆነ አድርጎ “ለዘርህ” ይላል፤ እሱም ክርስቶስ ነው። 17  በተጨማሪም ይህን እላለሁ:- ከአራት መቶ ሠላሳ ዓመታት በኋላ የተሰጠው ሕግ ቀደም ሲል አምላክ ያጸናውን ቃል ኪዳን አፍርሶ የተስፋውን ቃል አይሽርም። 18  ውርሻው የሚገኘው በሕግ አማካኝነት ቢሆን ኖሮ በተስፋ ቃል አማካኝነት መሆኑ በቀረ ነበር፤ ሆኖም አምላክ ውርሻውን ለአብርሃም በደግነት የሰጠው በተስፋ ቃል አማካኝነት ነው። 19  ታዲያ ሕግ የተሰጠው ለምንድን ነው? ሕጉ የተጨመረው ቃል የተገባለት ዘር እስኪመጣ ድረስ ሕግ ተላላፊነትን ይፋ ለማውጣት ነው፤ ሕጉ የተሰጠውም በመላእክት አማካኝነት በአንድ አስታራቂ እጅ ነው። 20  ይሁንና አንድ ወገን ብቻ ባለበት አስታራቂ አይኖርም፤ አምላክ ደግሞ አንድ ወገን ብቻ ነው። 21  ታዲያ ሕጉ የአምላክን የተስፋ ቃል ይጻረራል ማለት ነው? በጭራሽ! ሕይወት ሊያስገኝ የሚችል ሕግ ተሰጥቶ ቢሆን ኖሮ ጽድቅ የሚገኘው በሕግ አማካኝነት ይሆን ነበር። 22  ሆኖም ቅዱስ መጽሐፉ ሁሉንም ነገሮች አንድ ላይ ጠቅልሎ የኃጢአት እስረኛ አድርጓቸዋል፤ ይህም የሆነው በኢየሱስ ክርስቶስ በማመን የሚገኘው የተስፋ ቃል እምነታቸውን በተግባር ለሚያሳዩ መሰጠት ይችል ዘንድ ነው። 23  ይሁን እንጂ እምነት ከመምጣቱ በፊት፣ መገለጡ የማይቀረውን እምነት እየተጠባበቅን በሕግ ጥበቃ ሥር አንድ ላይ እስረኞች ሆነን ቆይተናል። 24  በመሆኑም በእምነት አማካኝነት ጻድቃን ተብለን መጠራት እንችል ዘንድ ሕጉ ወደ ክርስቶስ የሚያደርስ ሞግዚታችን ሆኗል። 25  አሁን ግን ያ እምነት ስለመጣ በሞግዚት ሥር መሆናችን አብቅቷል። 26  እንደ እውነቱ ከሆነ ሁላችሁም በክርስቶስ ኢየሱስ ላይ ባላችሁ እምነት አማካኝነት የአምላክ ልጆች ናችሁ። 27  ምክንያቱም ከክርስቶስ ጋር አንድ ለመሆን የተጠመቃችሁ ሁላችሁም ክርስቶስን ለብሳችኋል። 28  ሁላችሁም ከክርስቶስ ኢየሱስ ጋር ኅብረት በመፍጠር አንድ ሰው በመሆናችሁ በአይሁዳዊና በግሪካዊ፣ በባሪያና በነፃ ሰው እንዲሁም በወንድና በሴት መካከል ልዩነት የለም። 29  በተጨማሪም የክርስቶስ ከሆናችሁ በእርግጥም የአብርሃም ዘር ናችሁ፤ በተስፋውም ቃል መሠረት ወራሾች ናችሁ።

የግርጌ ማስታወሻዎች