በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

የሐዋርያት ሥራ 13:1-52

13  በአንጾኪያ ባለው ጉባኤ ውስጥ ነቢያትና አስተማሪዎች ነበሩ፤ እነሱም በርናባስ፣ ኒጌር ማለትም ጥቁር ተብሎ የሚጠራው ስምዖን፣ የቀሬናው ሉክዮስ፣ የአውራጃ ገዥ ከሆነው ከሄሮድስ ጋር የተማረው ምናሔና ሳኦል ናቸው።  እነዚህ ይሖዋን እያገለገሉና እየጾሙ ሳሉ መንፈስ ቅዱስ “ከመካከላችሁ በርናባስንና ሳኦልን እኔ ለጠራኋቸው ሥራ ለዩልኝ” አለ።  እነሱም ጾመውና ጸልየው እጃቸውን ከጫኑባቸው በኋላ አሰናበቷቸው።  በዚህም መሠረት እነዚህ ሰዎች በመንፈስ ቅዱስ ተልከው ወደ ሴሌውቅያ ወረዱ፤ ከዚያም በመርከብ ወደ ቆጵሮስ ተጓዙ።  ስልማና በደረሱ ጊዜም የአምላክን ቃል በአይሁዳውያን ምኩራቦች መስበክ ጀመሩ። ዮሐንስም እንደ አገልጋይ ሆኖ ይረዳቸው ነበር።  ደሴቲቱን ከዳር እስከ ዳር አዳርሰው እስከ ጳፎስ በተጓዙ ጊዜ በርያሱስ የተባለ አንድ አይሁዳዊ ጠንቋይና ሐሰተኛ ነቢይ አገኙ፤  እሱም ሰርግዮስ ጳውሎስ ከተባለው አስተዋይ አገረ ገዥ ጋር ነበር። ይህ አገረ ገዥ የአምላክን ቃል ለመስማት በጣም ስለጓጓ በርናባስንና ሳኦልን ጠራቸው።  ይሁን እንጂ ጠንቋዩ ኤልማስ አገረ ገዥው ይህን እምነት እንዳይቀበል ለማደናቀፍ ፈልጎ ይቃወማቸው ጀመር። (ኤልማስ የተባለው ስም ትርጉም ጠንቋይ ማለት ነው።)  ጳውሎስ ተብሎም የሚጠራው ሳኦል በመንፈስ ቅዱስ ተሞልቶ ትኩር ብሎ ተመለከተው፤ 10  ከዚያም እንዲህ አለው:- “አንተ ተንኮል ሁሉና ክፋት ሁሉ የሞላብህ፣ የዲያብሎስ ልጅ፣ የጽድቅም ሁሉ ጠላት! ቀና የሆነውን የይሖዋን መንገድ ማጣመምህን አትተውም? 11  እነሆ፣ የይሖዋ እጅ በአንተ ላይ ነው፤ ዕውር ትሆናለህ፤ ለተወሰነ ጊዜም የፀሐይ ብርሃን አታይም።” ወዲያውኑም ጭጋግና ጨለማ ዓይኑን ጋረደው፤ እጁን ይዞ የሚመራው ሰው ለማግኘትም ዙሪያውን መፈለግ ጀመረ። 12  አገረ ገዥውም በይሖዋ ትምህርት ተደንቆ ስለነበር ይህን ባየ ጊዜ አማኝ ሆነ። 13  ጳውሎስና አብረውት የነበሩት ሰዎች ከጳፎስ ተነስተው በባሕር ላይ በመጓዝ ጵንፍልያ ውስጥ ወዳለችው ጴርጌ ደረሱ። ዮሐንስ ግን ከእነሱ ተለይቶ ወደ ኢየሩሳሌም ተመለሰ። 14  እነሱ ግን ጉዟቸውን በመቀጠል ከጴርጌ ተነስተው በጵስድያ ወደምትገኘው ወደ አንጾኪያ መጡ፤ በሰንበት ቀንም ወደ ምኩራብ ገብተው ተቀመጡ። 15  የሕጉና የነቢያት መጻሕፍት በሕዝቡ ፊት ከተነበበ በኋላ የምኩራቡ አለቆች “ወንድሞች ሆይ፣ ሕዝቡን የሚያበረታታ የምትናገሩት ቃል ካላችሁ ተናገሩ” የሚል መልእክት ላኩባቸው። 16  ስለዚህ ጳውሎስ ተነስቶ በእጁ ምልክት በመስጠት እንዲህ አለ:- “የእስራኤል ሰዎችም ሆናችሁ እናንተ አምላክን የምትፈሩ ሌሎች ሰዎች ሁሉ፣ ስሙ። 17  የዚህ የእስራኤል ሕዝብ አምላክ አባቶቻችንን መረጠ፤ በግብፅ ምድር መጻተኞች ሆነው ሳሉም ሕዝቡን ከፍ ከፍ አደረጋቸው፤ በኃያል ክንዱም ከዚያ አወጣቸው። 18  ለአርባ ዓመት ያህልም በምድረ በዳ ያሳዩትን ጠባይ ችሎ ኖረ። 19  በከነዓን ምድር የነበሩትን ሰባት መንግሥታት ካጠፋ በኋላ ምድሪቱን በዕጣ አከፋፈለ፤ 20  ይህ ሁሉ የሆነው በአራት መቶ ሃምሳ ዓመት ያህል ጊዜ ውስጥ ነው። “ይህ ከሆነ በኋላ ደግሞ እስከ ነቢዩ ሳሙኤል ዘመን ድረስ መሳፍንትን ሰጣቸው። 21  ከዚያ በኋላ ግን ንጉሥ እንዲያነግሥላቸው ጠየቁ፤ አምላክም ከቢንያም ነገድ የሆነውን የቂስን ልጅ ሳኦልን ለአርባ ዓመት አነገሠላቸው። 22  እሱንም ከሻረው በኋላ ‘እንደ ልቤ የሆነውንና የምፈልገውን ነገር ሁሉ የሚያደርገውን የእሴይን ልጅ ዳዊትን አገኘሁ’ ሲል የመሠከረለትን ዳዊትን ንጉሥ አድርጎ አስነሳላቸው። 23  አምላክ በገባው ቃል መሠረት ከዚህ ሰው ዘር ለእስራኤል አዳኝ የሆነውን ኢየሱስን አመጣ፤ 24  ይህም የሆነው ዮሐንስ፣ ኢየሱስ ከመምጣቱ በፊት ለእስራኤል ሕዝብ ሁሉ የንስሐ ምልክት የሆነውን ጥምቀት በይፋ ከሰበከ በኋላ ነው። 25  ይሁንና ዮሐንስ ተልእኮውን በመፈጸም ላይ ሳለ ‘እኔ ማን እመስላችኋለሁ? እኔ እሱ አይደለሁም። ይሁን እንጂ ከእኔ በኋላ ሌላ እየመጣ ነው፤ እኔ የእግሩን ጫማ ለመፍታት እንኳ አልበቃም’ ይል ነበር። 26  “ወንድሞች፣ እናንተ ከአብርሃም ዘር የተወለዳችሁ እንዲሁም በመካከላችሁ ያሉ አምላክን የሚፈሩ ሌሎች ሰዎች ሁሉ፣ ይህ የመዳን ቃል ለእኛ ተልኳል። 27  የኢየሩሳሌም ነዋሪዎችና ገዥዎቻቸው እሱን አላወቁትም፤ ፈራጆች በሆኑበት ጊዜ ግን በየሰንበቱ ከፍ ባለ ድምፅ የሚነበበውን ነቢያት የተናገሩትን ቃል ፈጸሙ፤ 28  ምንም እንኳ ለሞት የሚያበቃ አንድም ምክንያት ባያገኙበትም እንዲገደል ጲላጦስን አጥብቀው ጠየቁት። 29  ስለ እሱ የተጻፈውን ነገር ሁሉ ከፈጸሙ በኋላ ከእንጨት ላይ አውርደው በመታሰቢያ መቃብር ውስጥ አኖሩት። 30  ሆኖም አምላክ ከሞት አስነሳው፤ 31  እሱም ከገሊላ እስከ ኢየሩሳሌም ድረስ አብረውት ለሄዱት ሰዎች ለብዙ ቀናት ታያቸው፤ እነሱም አሁን ስለ እሱ ለሕዝቡ እየመሠከሩ ናቸው። 32  “ስለሆነም እኛ ለአባቶች ስለተገባው ቃል የሚገልጸውን ምሥራች እያወጅንላችሁ ነው፤ 33  አምላክ ኢየሱስን ከሞት በማስነሳት ለእነሱ የገባውን ቃል ለእኛ ለልጆቻቸው ሙሉ በሙሉ ፈጽሞታል፤ ይህም የሆነው በሁለተኛው መዝሙር ላይ ‘አንተ ልጄ ነህ፤ እኔ ዛሬ ወለድኩህ’ ተብሎ በተጻፈው መሠረት ነው። 34  አምላክ ኢየሱስን ሊበሰብስ ወደሚችልበት ሁኔታ እንዳይመለስ አድርጎ ከሞት እንደሚያስነሳው ለማመልከት ‘ለዳዊት ቃል የተገባውን አስተማማኝ የሆነ ፍቅራዊ ደግነት አሳያችኋለሁ’ ሲል ተናግሯል። 35  ደግሞም በሌላ መዝሙር ላይ ‘ታማኝ አገልጋይህ መበስበስን እንዲያይ አትፈቅድም’ ብሏል። 36  በአንድ በኩል ዳዊት በግልጽ የተቀመጠውን የአምላክ ፈቃድ በራሱ የትውልድ ዘመን ካከናወነ በኋላ በሞት አንቀላፍቷል፤ ከአባቶቹም ጋር ተቀብሮ መበስበስን አይቷል። 37  በሌላ በኩል ግን አምላክ ከሞት ያስነሳው ኢየሱስ መበስበስን አላየም። 38  “ስለዚህ ወንድሞች፣ በእሱ በኩል የሚገኘው የኃጢአት ይቅርታ አሁን እየተሰበከላችሁ እንዳለ እወቁ፤ 39  በኢየሱስ የሚያምን ማንኛውም ሰው፣ እናንተ በሙሴ ሕግ አማካኝነት ከበደል ነፃ ናችሁ ልትባሉ ከማትችሉባቸው ነገሮች ሁሉ በእሱ አማካኝነት ከበደል ነፃ ነህ ሊባል ይችላል። 40  ስለዚህ በነቢያት መጻሕፍት እንዲህ ተብሎ የተነገረው ነገር በእናንተ ላይ እንዳይደርስ ተጠንቀቁ:- 41  ‘እናንተ ፌዘኞች፣ ተመልከቱ፣ ተደነቁ፣ ጥፉም፤ ምክንያቱም ማንም በዝርዝር ቢነግራችሁ እንኳ ፈጽሞ የማታምኑትን ሥራ በእናንተ ዘመን እየሠራሁ ነው።’” 42  እየወጡ ሳሉም ሰዎቹ ስለዚሁ ጉዳይ በሚቀጥለው ሰንበትም እንዲነግሯቸው ይለምኗቸው ጀመር። 43  በምኩራቡ የተደረገው ስብሰባ ከተበተነ በኋላ ከአይሁዶችና የአይሁድ እምነትን ተቀብለው አምላክን ከሚያመልኩት መካከል ብዙዎች ጳውሎስንና በርናባስን ተከተሏቸው፤ እነሱም ሰዎቹን በማነጋገር የአምላክን ጸጋ አጥብቀው እንደያዙ እንዲቀጥሉ ያሳስቧቸው ጀመር። 44  በቀጣዩ ሰንበት የከተማው ሕዝብ ሁሉ ማለት ይቻላል፣ የይሖዋን ቃል ለመስማት አንድ ላይ ተሰበሰበ። 45  አይሁዳውያንም ሕዝቡን ባዩ ጊዜ በቅናት ተሞልተው ጳውሎስ የሚናገረውን ቃል በመቃወም ይሳደቡ ጀመር። 46  በዚህ ጊዜ ጳውሎስና በርናባስ እንዲህ ሲሉ በድፍረት ተናገሩ:- “የአምላክ ቃል በመጀመሪያ ለእናንተ መነገሩ አስፈላጊ ነበር። እናንተ ግን ወደ ጎን ገሸሽ እያደረጋችሁትና የዘላለም ሕይወት እንደማይገባችሁ በራሳችሁ ላይ እየፈረዳችሁ ስለሆነ እነሆ እኛ ወደ አሕዛብ ዞር እንላለን። 47  እንዲያውም ይሖዋ ‘እስከ ምድር ዳር ድረስ መዳንን እንድታበስር የአሕዛብ ብርሃን አድርጌ ሾሜሃለሁ’ በማለት ትእዛዝ ሰጥቶናል።” 48  ከአሕዛብ ወገን የሆኑት ይህን ሲሰሙ እጅግ በመደሰት የይሖዋን ቃል ያከብሩ ጀመር፤ የዘላለም ሕይወት ለማግኘት ትክክለኛ የልብ ዝንባሌ ያላቸውም ሁሉ አማኞች ሆኑ። 49  ከዚህም በተጨማሪ የይሖዋ ቃል በመላ አገሪቱ እየተስፋፋ ሄደ። 50  ይሁንና አይሁዳውያን አምላክን የሚያመልኩትን የተከበሩ ሴቶችና በከተማዋ የሚኖሩትን የታወቁ ወንዶች በመቀስቀስ በጳውሎስና በበርናባስ ላይ ስደት አስነሱ፤ ከክልላቸውም አስወጧቸው። 51  እነሱም የእግራቸውን አቧራ አራግፈውባቸው ወደ ኢቆንዮን ሄዱ። 52  ደቀ መዛሙርቱም በደስታና በመንፈስ ቅዱስ መሞላታቸውን ቀጠሉ።

የግርጌ ማስታወሻዎች