በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

የሐዋርያት ሥራ 1:1-26

1  ቴዎፍሎስ ሆይ፣ ኢየሱስ ማድረግና ማስተማር ስለጀመረው ነገር ሁሉ በመጀመሪያው መጽሐፍ ላይ ጽፌአለሁ፤  ታሪኩም አምላክ እስከወሰደው ቀን ድረስ ያለውን ያካትታል። ለመረጣቸው ሐዋርያት በመንፈስ ቅዱስ አማካኝነት ትእዛዝ ከሰጣቸው በኋላ አረገ።  በተጨማሪም መከራ ከተቀበለ በኋላ ለአርባ ቀናት ለእነሱ በመታየትና ስለ አምላክ መንግሥት በመንገር ሕያው መሆኑን በብዙ ተጨባጭ ማስረጃዎች አሳያቸው።  ከእነሱ ጋር ተሰብስቦ ሳለም የሚከተለውን መመሪያ ሰጣቸው:- “ከኢየሩሳሌም አትውጡ፤ ከዚህ ይልቅ አብ ቃል የገባውንና እኔም ስለዚሁ ጉዳይ ስናገር የሰማችሁትን ቃል ፍጻሜ ተጠባበቁ፤  ምክንያቱም ዮሐንስ በውኃ አጥምቆ ነበር፤ እናንተ ግን ከጥቂት ቀናት በኋላ በመንፈስ ቅዱስ ትጠመቃላችሁ።”  እንደገናም ተሰብስበው ሳሉ “ጌታ ሆይ፣ ለእስራኤል መንግሥትን መልሰህ የምታቋቁመው በዚህ ጊዜ ነው?” እያሉ ይጠይቁት ጀመር።  እሱም እንዲህ አላቸው:- “ጊዜያትንና ወቅቶችን የመወሰንን መብት አብ በራሱ ሥልጣን ሥር ስላደረገው እናንተ ይህን ማወቅ አያስፈልጋችሁም፤  ሆኖም መንፈስ ቅዱስ በእናንተ ላይ በሚወርድበት ጊዜ ኃይል ትቀበላላችሁ፤ በኢየሩሳሌምም ሆነ በመላው ይሁዳ፣ በሰማርያ እንዲሁም እስከ ምድር ዳር ድረስ ምሥክሮቼ ትሆናላችሁ።”  ይህን ከተናገረ በኋላም እያዩት ወደ ላይ ወጣ፤ ደመናም ከዓይናቸው ሰወረው። 10  እሱ እየሄደ ሳለ ትኩር ብለው ወደ ሰማይ ሲመለከቱ ነጫጭ ልብስ የለበሱ ሁለት ሰዎች ድንገት አጠገባቸው ቆሙ፤ 11  እንዲህም አሏቸው:- “እናንተ የገሊላ ሰዎች፣ ወደ ሰማይ እየተመለከታችሁ የቆማችሁት ለምንድን ነው? ይህ ከእናንተ ወደ ሰማይ የተወሰደው ኢየሱስ ወደ ሰማይ ሲሄድ ባያችሁት በዚሁ መንገድ ይመጣል።” 12  ከዚያም ደብረ ዘይት ከተባለው ተራራ ወደ ኢየሩሳሌም ተመለሱ፤ ይህ ተራራ ለኢየሩሳሌም ቅርብ የነበረ ሲሆን ርቀቱም የሰንበት መንገድ* ያህል ነበር። 13  እዚያ በደረሱ ጊዜም ያርፉበት ወደነበረው ደርብ ወጡ፤ እነሱም ጴጥሮስ፣ ዮሐንስ፣ ያዕቆብ፣ እንድርያስ፣ ፊልጶስ፣ ቶማስ፣ በርቶሎሜዎስ፣ ማቴዎስ፣ የእልፍዮስ ልጅ ያዕቆብ፣ ቀናተኛው ስምዖንና የያዕቆብ ልጅ ይሁዳ ነበሩ። 14  እነዚህ ሁሉ ከአንዳንድ ሴቶችና ከኢየሱስ እናት ከማርያም እንዲሁም ከወንድሞቹ ጋር በአንድ ልብ ሆነው ተግተው ይጸልዩ ነበር። 15  በዚያው ሰሞን አንድ መቶ ሃያ የሚያህሉ ሰዎች አንድ ላይ ተሰብስበው ሳለ ጴጥሮስ በወንድሞች መካከል ተነስቶ እንዲህ አለ:- 16  “ወንድሞች፣ ኢየሱስን የያዙትን ሰዎች እየመራ ስላመጣው ስለ ይሁዳ መንፈስ ቅዱስ አስቀድሞ በዳዊት አፍ የተናገረው የቅዱስ መጽሐፉ ቃል መፈጸሙ የግድ ነበር፤ 17  ምክንያቱም እሱ ከእኛ እንደ አንዱ ተቆጥሮ የነበረ ከመሆኑም በላይ በዚህ አገልግሎት የመካፈል አጋጣሚ አግኝቶ ነበር። 18  (ይኸው ሰው ለዓመፅ ሥራው በተከፈለው ደሞዝ መሬት ገዛ፤ በአናቱም ተተክሎ ሰውነቱ መካከሉ ላይ ፈነዳ፤ ሆድ ዕቃውም ተዘረገፈ። 19  ይህም በኢየሩሳሌም ነዋሪዎች ሁሉ ዘንድ ታወቀ፤ በመሆኑም መሬቱ በቋንቋቸው አኬልዳማ ተብሎ ተጠራ፤ ትርጉሙም የደም መሬት ማለት ነው።) 20  በመዝሙር መጽሐፍ ላይ ‘መኖሪያው ወና ይሁን፤ በውስጡም ማንም ሰው አይኑርበት’ እንዲሁም ‘የበላይ ተመልካችነት ኃላፊነቱን ሌላ ሰው ይውሰደው’ ተብሎ ተጽፏልና። 21  ስለዚህ ጌታ ኢየሱስ በእኛ መካከል በገባበትና በወጣበት* ጊዜ ሁሉ ከእኛ ጋር ከነበሩት ወንዶች መካከል በአንዱ እሱን መተካት ያስፈልጋል፤ 22  የሚተካው ሰው ኢየሱስ በዮሐንስ ከተጠመቀበት ጊዜ አንስቶ ከእኛ እስከተወሰደበት ጊዜ ድረስ አብሮን የነበረ መሆን ይኖርበታል። በተጨማሪም ከእኛ ጋር የትንሣኤው ምሥክር መሆን ያስፈልገዋል።” 23  ስለዚህ ሁለት ሰዎች አቀረቡ፤ እነሱም በርስያን ተብሎ የሚጠራው ወይም ኢዮስጦስ በመባል የሚታወቀው ዮሴፍና ማትያስ ነበሩ። 24  እንዲህ ብለውም ጸለዩ:- “የሰውን ሁሉ ልብ የምታውቀው ይሖዋ ሆይ፣ ከእነዚህ ሁለት ሰዎች መካከል የመረጥከውን አመልክተን፤ 25  ይሁዳ ወደ ገዛ ራሱ ስፍራ ለመሄድ ሲል የተወውን ይህን የአገልግሎትና የሐዋርያነት ቦታ የሚወስደውን ሰው ግለጥልን።” 26  ከዚያም በሁለቱ ሰዎች ላይ ዕጣ ጣሉ፤ ዕጣውም ለማትያስ ወጣና ከአሥራ አንዱ ሐዋርያት ጋር ተቆጠረ።

የግርጌ ማስታወሻዎች

ሥራ 1:12 * ይህ 2,000 ክንድ (890 ሜትር፤ 2,920 ጫማ) ገደማ ነው። ከኢያሱ 3:4 ጋር አመሣክር።
ሥራ 1:21 * ወይም፣ “ሥራውን ባከናወነበት ጊዜ።”