በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

ዕብራውያን 9:1-28

9  እንግዲህ የቀድሞው ቃል ኪዳን በበኩሉ የቅዱስ አገልግሎት ሥርዓቶችና የራሱ የሆነ ምድራዊ ቅዱስ ስፍራ ነበረው።  መቅረዙ፣ ጠረጴዛውና የመባው ኅብስት የነበሩበት የድንኳኑ የመጀመሪያው ክፍል ተሠርቶ ነበር፤ ይህም “ቅድስት” ይባላል።  ሆኖም ከሁለተኛው መጋረጃ በስተኋላ “ቅድስተ ቅዱሳን” የሚባለው የድንኳኑ ክፍል ይገኝ ነበር።  በዚህ ክፍል ውስጥ የወርቅ ማዕጠንትና ሁለንተናው በወርቅ የተለበጠው የቃል ኪዳኑ ታቦት ይገኙ ነበር፤ በታቦቱ ውስጥም መና የያዘው የወርቅ ማሰሮ፣ ያቆጠቆጠችው የአሮን በትርና የቃል ኪዳኑ ጽላቶች ነበሩ፤  በላዩ ላይ ግን የስርየት መክደኛውን የሚጋርዱ ክብራማ ኪሩቦች ነበሩ። ይሁንና ስለ እነዚህ ነገሮች በዝርዝር ለመናገር አሁን ጊዜው አይደለም።  እነዚህ ነገሮች በዚህ መንገድ ከተሠሩ በኋላ ካህናቱ ቅዱስ አገልግሎቶችን ለማከናወን ሁልጊዜ ወደ ድንኳኑ የመጀመሪያ ክፍል ይገባሉ፤  ወደ ሁለተኛው ክፍል የሚገባው ግን ሊቀ ካህናቱ ብቻ ነበር፤ የሚገባውም በዓመት አንድ ጊዜ ብቻ ሲሆን ለራሱና ሕዝቡ ባለማወቅ ለፈጸመው ኃጢአት የሚያቀርበውን ደም ሳይዝ አይገባም።  የመጀመሪያው ድንኳን ተተክሎ ሳለ ወደ ቅዱሱ ስፍራ የሚወስደው መንገድ ገና እንዳልተገለጠ መንፈስ ቅዱስ በዚህ መንገድ ግልጽ አድርጓል።  ይህ ድንኳን አስቀድሞ ተወስኖ ለነበረው አሁን ላለው ዘመን ምሳሌ ሲሆን እስካሁን ድረስም ስጦታዎችና መሥዋዕቶች በመቅረብ ላይ ይገኛሉ። ይሁን እንጂ እነዚህ ነገሮች ቅዱስ አገልግሎት የሚያቀርበው ሰው ፍጹም በሆነ መንገድ ንጹሕ ሕሊና እንዲኖረው ሊያደርጉት አይችሉም፤ 10  ከዚህ ይልቅ እነዚህ ነገሮች ከምግብ፣ ከመጠጥና ውኃ ውስጥ በመንከር ከሚከናወኑ የተለያዩ ሥርዓቶች ጋር ብቻ የተያያዙ ናቸው። ሥጋዊ ነገሮችን የሚመለከቱ የሕግ መሥፈርቶች ሲሆኑ በሥራ ላይ የዋሉትም፣ ነገሮች የሚስተካከሉበት የተወሰነው ጊዜ እስኪመጣ ድረስ ነበር። 11  ይሁን እንጂ ክርስቶስ አሁን ላሉት መልካም ነገሮች ሊቀ ካህናት ሆኖ በመጣ ጊዜ በእጅ ወዳልተሠራው ይኸውም ከዚህ ፍጥረት ወዳልሆነው ታላቅና ይበልጥ ፍጹም ወደሆነው ድንኳን ገብቷል፤ 12  የገባውም የፍየሎችንና የወይፈኖችን ደም ይዞ አይደለም፤ ከዚህ ይልቅ የገዛ ራሱን ደም ይዞ ለአንዴና ለመጨረሻ ጊዜ ወደ ቅዱሱ ስፍራ በመግባት ለእኛ ዘላለማዊ መዳን አስገኘልን። 13  ምክንያቱም በረከሱ ሰዎች ላይ የሚረጭ የፍየሎችና የኮርማዎች ደም እንዲሁም የጊደር አመድ ሥጋን እስከ ማንጻት ድረስ የሚቀድስ ከሆነ 14  በዘላለማዊ መንፈስ አማካኝነት ራሱን ያላንዳች እንከን ለአምላክ ያቀረበው የክርስቶስ ደም ሕያው ለሆነው አምላክ ቅዱስ አገልግሎት እንድናቀርብ ሕሊናችንን ከሞቱ ሥራዎች እንዴት አብልጦ አያነጻም? 15  የአዲስ ቃል ኪዳን አስታራቂ የሆነው በዚህ ምክንያት ነው። አስታራቂ የሆነውም የተጠሩት የዘላለማዊውን ውርሻ ተስፋ ይቀበሉ ዘንድ ነው። ይህ ሁሉ ሊሆን የቻለው በሞቱ የተነሳ ሲሆን በእሱ ሞት አማካኝነት በቀድሞው ቃል ኪዳን ሥር ሆነው ሕግ በመተላለፍ ከፈጸሟቸው ድርጊቶች በቤዛ ነፃ ወጥተዋል። 16  ቃል ኪዳን ሲኖር ቃል ኪዳኑን የገባው ሰው መሞቱ አስፈላጊ ነው። 17  ምክንያቱም ቃል ኪዳኑን የገባው ሰው በሕይወት እስካለ ድረስ ቃል ኪዳኑ መቼም ተፈጻሚ ሊሆን ስለማይችል ቃል ኪዳን የሚጸናው ሞትን መሠረት በማድረግ ነው። 18  ከዚህም የተነሳ የቀድሞው ቃል ኪዳንም ያለ ደም ሥራ ላይ መዋል አልጀመረም። 19  ምክንያቱም ሙሴ በሕጉ ላይ የሰፈረውን እያንዳንዱን ትእዛዝ ለሕዝቡ ከተናገረ በኋላ የወይፈኖችንና የፍየሎችን ደም ከውኃ፣ ከቀይ ሱፍና ከሂሶጵ ጋር ወስዶ መጽሐፉን ራሱንና ሕዝቡን ሁሉ ረጭቷል፤ 20  የረጨውም “አምላክ እንድትጠብቁት ያዘዛችሁ የቃል ኪዳኑ ደም ይህ ነው” ብሎ ነው። 21  እንዲሁም በድንኳኑና ሕዝባዊ አገልግሎት በሚቀርብባቸው ዕቃዎች ሁሉ ላይ በተመሳሳይ ሁኔታ ደም ረጭቷል። 22  አዎ፣ በሕጉ መሠረት ሁሉም ነገር ለማለት ይቻላል፣ በደም ይነጻል፤ ደም ካልፈሰሰ በስተቀር ይቅርታ አይደረግም። 23  ስለዚህ በሰማያት ላሉት ነገሮች ዓይነተኛ አምሳያ የሆኑት ሁሉ በዚህ መንገድ መንጻታቸው የግድ አስፈላጊ ነበር፤ በሰማያት ያሉት ነገሮች ራሳቸው ግን ከእነዚህ መሥዋዕቶች በሚበልጡ መሥዋዕቶች መንጻት ያስፈልጋቸዋል። 24  ምክንያቱም ክርስቶስ የገባው በእጅ ወደተሠራውና የእውነተኛው ቅዱስ ስፍራ አምሳያ ወደሆነው ስፍራ አይደለም፤ ከዚህ ይልቅ አሁን ስለ እኛ በአምላክ ፊት ይታይ ዘንድ በቀጥታ ወደ ሰማይ ገብቷል። 25  በተጨማሪም ሊቀ ካህናቱ የራሱ ያልሆነውን ደም ይዞ በየዓመቱ ወደ ቅዱሱ ስፍራ ይገባ እንደነበረው ክርስቶስ ራሱን ብዙ ጊዜ ማቅረብ አላስፈለገውም። 26  አለዚያማ ዓለም ከተመሠረተ ጀምሮ ብዙ ጊዜ መከራ መቀበል ባስፈለገው ነበር። አሁን ግን ራሱን መሥዋዕት አድርጎ በማቅረብ ኃጢአትን ለማስወገድ በሥርዓቶቹ መደምደሚያ ላይ ራሱን ለአንዴና ለመጨረሻ ጊዜ ገልጧል። 27  እንግዲህ ሰው አንድ ጊዜ መሞቱ አይቀርም፤ ከዚያ በኋላ ግን ፍርድ አለ፤ 28  በተመሳሳይም ክርስቶስ የብዙዎችን ኃጢአት ለመሸከም ለአንዴና ለመጨረሻ ጊዜ መሥዋዕት ሆኖ ቀርቧል፤ ለሁለተኛ ጊዜ የሚገለጠው ደግሞ ኃጢአትን ለመሸከም ሳይሆን መዳን ለማግኘት እሱን በጉጉት ለሚጠባበቁት ይታይ ዘንድ ነው።

የግርጌ ማስታወሻዎች