በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

ዕብራውያን 4:1-16

4  ስለዚህ ወደ እረፍቱ የመግባት ተስፋ አሁንም ስላለ ከእናንተ መካከል አንዱ በሆነ ጊዜ ለዚያ የማይበቃ ሆኖ እንዳይገኝ እንጠንቀቅ።  ምክንያቱም ለእነሱ ተሰብኮ እንደነበረው ሁሉ ምሥራቹ ለእኛም ተሰብኳል፤ ሆኖም ሰምተው የታዘዙት ሰዎች የነበራቸው ዓይነት እምነት ስላልነበራቸው የሰሙት ቃል አልጠቀማቸውም።  ምንም እንኳ የእሱ ሥራ ዓለም ከተፈጠረበት ጊዜ ጀምሮ የተጠናቀቀ ቢሆንም “‘ወደ እረፍቴ ፈጽሞ አይገቡም’ ብዬ በቁጣዬ ማልኩ” ባለው መሠረት እኛ እምነታችንን በተግባር ያሳየነው ወደዚህ እረፍት እንገባለን።  ምክንያቱም በአንድ ቦታ ላይ ሰባተኛውን ቀን አስመልክቶ “አምላክም በሰባተኛው ቀን ከሥራው ሁሉ አረፈ” ብሏል፤  እንደገና እዚህ ቦታ ላይ “ወደ እረፍቴ ፈጽሞ አይገቡም” ብሏል።  ስለዚህ ገና ወደ እረፍቱ የሚገቡ ስላሉና መጀመሪያ ምሥራቹ የተሰበከላቸው ባለመታዘዛቸው ምክንያት ሳይገቡ ስለቀሩ  ከረጅም ጊዜ በኋላ በዳዊት መዝሙር ላይ “ዛሬ” በማለት እንደገና አንድን ቀን ወሰነ፤ ይህም ቀደም ሲል “ዛሬ የእሱን ድምፅ የምትሰሙ ከሆነ ልባችሁን አታደንድኑ” እንደተባለው ነው።  ኢያሱ ወደ እረፍት ቦታ እየመራ አስገብቷቸው ቢሆን ኖሮ አምላክ ከዚያ በኋላ ስለ ሌላ ቀን ባልተናገረ ነበር።  ስለዚህ የአምላክ ሕዝብ የሰንበት እረፍት ይጠብቀዋል። 10  ምክንያቱም ወደ አምላክ እረፍት የገባ ሰው አምላክ ከሥራው እንዳረፈ ሁሉ እሱም ከሥራው አርፏል። 11  ስለዚህ ማንም የእነዚያን ያለመታዘዝ ምሳሌ ተከትሎ እንዳይወድቅ በመፍራት ወደዚያ እረፍት ለመግባት የተቻለንን ሁሉ እናድርግ። 12  የአምላክ ቃል ሕያውና ኃይለኛ ነው፤ በሁለት በኩል ስለት ካለው ከየትኛውም ሰይፍ የበለጠ ስለታም ነው፤ ነፍስንና መንፈስን እንዲሁም መገጣጠሚያንና መቅኒን እስኪለያይ ድረስ ሰንጥቆ ይገባል፤ የልብንም ሐሳብና ዓላማ መረዳት ይችላል። 13  ደግሞም ከእሱ እይታ የተሰወረ አንድም ፍጥረት የለም፤ ይልቁንም ተጠያቂዎች በሆንበት በእሱ ዓይኖች ፊት ሁሉም ነገር የተራቆተና ገሃድ የወጣ ነው። 14  እንግዲህ ሰማያትን አቋርጦ የገባ ታላቅ ሊቀ ካህናት ይኸውም የአምላክ ልጅ ኢየሱስ እንዳለን ስለምናውቅ በእሱ ላይ እምነት እንዳለን መናገራችንን እንቀጥል። 15  ምክንያቱም ያለን ሊቀ ካህናት በድካማችን ሊራራልን የማይችል አይደለም፤ ከዚህ ይልቅ እንደ እኛው በሁሉም ረገድ የተፈተነ ነው፤ ሆኖም ምንም ኃጢአት የለበትም። 16  እንግዲህ እርዳታ በሚያስፈልገን ጊዜ ምሕረትና ጸጋ እንድናገኝ ወደ ጸጋው ዙፋን በመቅረብ የመናገር ነፃነት ኖሮን ወደ አምላክ እንጸልይ።

የግርጌ ማስታወሻዎች