በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

ኤፌሶን 1:1-23

1  በአምላክ ፈቃድ የክርስቶስ ኢየሱስ ሐዋርያ ከሆነው ከጳውሎስ፣ በኤፌሶን ላሉ ቅዱሳንና ከክርስቶስ ኢየሱስ ጋር አንድነት ላላቸው ታማኝ ሰዎች:-  አባታችን ከሆነው አምላክና ከጌታ ኢየሱስ ክርስቶስ ጸጋና ሰላም ለእናንተ ይሁን።  ከክርስቶስ ጋር ባለን አንድነት በሰማያዊ ስፍራ በመንፈሳዊ በረከት ሁሉ ስለባረከን የጌታችን የኢየሱስ ክርስቶስ አምላክና አባት ይባረክ፤  በፊቱ ቅዱሳንና እንከን የለሽ ሆነን በፍቅር እንድንገኝ ዓለም ከመመሥረቱ በፊት ከክርስቶስ ጋር አንድ እንድንሆን መርጦናል።  ደግሞም እንደወደደውና እንደ በጎ ፈቃዱ በኢየሱስ ክርስቶስ አማካኝነት የራሱ ልጆች እንድንሆን አስቀድሞ መርጦናል፤  ይኸውም በተወደደው ልጁ አማካኝነት በደግነት ለእኛ በሰጠው ክቡር ጸጋ የተነሳ እንዲመሰገን ነው።  በአምላክ የተትረፈረፈ ጸጋ መሠረት ልጁ ቤዛውን በመክፈል በደሙ አማካኝነት ነፃ እንድንወጣ ማለትም ለበደላችን ይቅርታ እንድናገኝ አድርጎናል።  ጸጋውንም ከጥበብና ከማስተዋል ሁሉ ጋር አትረፍርፎ ሰጥቶናል፤  በዚህም የፈቃዱን ቅዱስ ሚስጥር አሳውቆናል። ይህ ሚስጥር ደግሞ በልቡ ካሰበው በጎ ሐሳቡ ጋር የሚስማማ ነው፤ 10  ሐሳቡም በተወሰኑት ዘመናት ማብቂያ ላይ ለማቋቋም ባሰበው አስተዳደር አማካኝነት ሁሉንም ነገሮች ይኸውም በሰማያት ያሉትን ነገሮችና በምድር ያሉትን ነገሮች እንደገና በክርስቶስ አንድ ላይ ለመጠቅለል ነው። አዎ፣ በእሱ አማካኝነት ሁሉም ነገሮች አንድ ላይ ይጠቃለላሉ፤ 11  እኛም ከእሱ ጋር በአንድነት ወራሾች እንድንሆን ተመርጠናል፤ ሁሉንም ነገር ከፈቃዱ ሐሳብ ጋር በሚስማማ መንገድ የሚያከናውነው እሱ ከዓላማው ጋር በሚስማማ ሁኔታ አስቀድሞ መርጦናል፤ 12  ይህም የሆነው በክርስቶስ ተስፋ በማድረግ የመጀመሪያ የሆንነው እኛ ለክብሩ ውዳሴ እንድናስገኝ ነው። 13  ይሁንና እናንተም የእውነትን ቃል ማለትም ስለ መዳናችሁ የሚገልጸውን ምሥራች ከሰማችሁ በኋላ በእሱ ተስፋ አድርጋችኋል። በተጨማሪም ካመናችሁ በኋላ በእሱ አማካኝነት፣ ቃል በተገባው መንፈስ ቅዱስ ታትማችኋል፤ 14  ይህም ለአምላክ ታላቅ ምስጋና ያስገኝ ዘንድ የራሱ ንብረት የሆኑትን በቤዛ አማካኝነት ነፃ ለማውጣት ለውርሻችን አስቀድሞ የተሰጠ መያዣ ነው። 15  ስለዚህ በጌታ ኢየሱስ ላይ ስላላችሁ እምነትና ይህን እምነታችሁን ለቅዱሳን ሁሉ እንዴት እንደምታሳዩ ከሰማሁበት ጊዜ አንስቶ 16  ስለ እናንተ ምስጋና ማቅረቤን አላቋረጥኩም። ወደፊትም ስለ እናንተ መጸለዬን እቀጥላለሁ፤ 17  የክብር አባት የሆነው የጌታችን የኢየሱስ ክርስቶስ አምላክ ስለ እሱ ትክክለኛ እውቀት ስትቀስሙ የጥበብ መንፈስ እንዲሰጣችሁና እሱ የሚገልጣቸውን ነገሮች መረዳት እንድትችሉ እጸልያለሁ፤ 18  በተጨማሪም የልባችሁ ዓይኖች እንዲበሩ ስላደረገ ለምን ዓይነት ተስፋ እንደጠራችሁ እንድታውቁ፣ ለቅዱሳን ውርሻ አድርጎ የሚሰጠው ታላቅ ሀብት ምን እንደሆነ እንድትረዱ 19  እንዲሁም ታላቅ ኃይሉ ለእኛ ለምናምነው ምን ያህል ታላቅ እንደሆነ እንድታውቁ እጸልያለሁ። የዚህ ኃይል ታላቅነት፣ እጅግ ከፍተኛ በሆነው ብርታቱ አሠራር ታይቷል፤ 20  ይህንም አሠራር ከክርስቶስ ጋር በተያያዘ የተጠቀመበት ሲሆን እሱን ከሞት በማስነሳት በሰማያዊ ስፍራ በቀኙ አስቀምጦታል፤ 21  በዚህ ሥርዓት ብቻ ሳይሆን በሚመጣውም ጭምር ከየትኛውም መንግሥት፣ ሥልጣን፣ ኃይልና ጌትነት እንዲሁም ሊሰየም ከሚችለው ከየትኛውም ስም በላይ እጅግ የላቀ ቦታ ሰጥቶታል። 22  በተጨማሪም ሁሉንም ነገር ከእግሩ በታች አስገዛለት፤ ከጉባኤው ጋር በተያያዘም በሁሉ ነገር ላይ ራስ አደረገው፤ 23  ጉባኤው የእሱ አካል ከመሆኑም በላይ በእሱ የተሞላ ነው፤ እሱ ደግሞ ሁሉንም ነገር በሁሉ የሚሞላ ነው።

የግርጌ ማስታወሻዎች