በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

ቈላስይስ 3:1-25

3  ይሁን እንጂ ከክርስቶስ ጋር አብራችሁ ከተነሳችሁ ክርስቶስ በአምላክ ቀኝ ተቀምጦ ባለበት በላይ በሰማይ ያሉትን ነገሮች መፈለጋችሁን ቀጥሉ።  አእምሯችሁ በምድር ባሉት ነገሮች ላይ ሳይሆን ምንጊዜም በላይ ባሉት ነገሮች ላይ እንዲያተኩር አድርጉ።  ምክንያቱም እናንተ ሞታችኋል፤ ሕይወታችሁም ከአምላክ ፈቃድ ጋር በሚስማማ ሁኔታ ከክርስቶስ ጋር ተሰውሯል።  ሕይወታችን የሆነው ክርስቶስ እንዲገለጥ በሚደረግበት ጊዜ እናንተም ከእሱ ጋር በክብር እንድትገለጡ ይደረጋል።  ስለዚህ በምድራዊ የአካል ክፍሎቻችሁ ውስጥ ያሉትን ዝንባሌዎች ግደሉ፤ እነሱም ዝሙት፣ ርኩሰት፣ የፆታ ምኞት፣ መጥፎ ፍላጎትና ጣዖት አምልኮ የሆነው መጎምጀት ናቸው።  በእነዚህ ነገሮች ምክንያት የአምላክ ቁጣ ይመጣል።  እናንተም በእነዚህ ነገሮች ውስጥ ትኖሩ በነበረ ጊዜ በእነዚሁ ነገሮች ውስጥ ትመላለሱ ነበር።  አሁን ግን ቁጣን፣ ንዴትን፣ ክፋትንና ስድብን የመሳሰሉትን ሁሉ ከእናንተ አስወግዱ፤ ጸያፍ ንግግርም ከአፋችሁ አይውጣ።  አንዳችሁ ሌላውን አትዋሹ። አሮጌውን ስብዕና ከነልማዶቹ ገፋችሁ ጣሉ፤ 10  እንዲሁም ከፈጣሪው አምሳል ጋር በሚስማማ ሁኔታ በትክክለኛ እውቀት አማካኝነት እየታደሰ የሚሄደውን አዲሱን ስብዕና ልበሱ፤ 11  በዚህ ሁኔታ ግሪካዊ ወይም አይሁዳዊ፣ የተገረዘ ወይም ያልተገረዘ፣ ባዕድ፣ እስኩቴስ፣ ባሪያ፣ ነፃ ሰው ብሎ ልዩነት የለም፤ ነገር ግን ክርስቶስ ሁሉም ነገር ነው፤ እንዲሁም በሁሉም ነው። 12  እንግዲህ የአምላክ ምርጦች፣ ቅዱሳንና የተወደዳችሁ እንደመሆናችሁ መጠን ከአንጀት የመነጨ ርኅራኄን፣ ደግነትን፣ ትሕትናን፣ ገርነትንና ትዕግሥትን ልበሱ። 13  አንዱ በሌላው ላይ ቅር የተሰኘበት ነገር ቢኖረው እርስ በርስ መቻቻላችሁንና እርስ በርስ በነፃ ይቅር መባባላችሁን ቀጥሉ። ይሖዋ በነፃ ይቅር እንዳላችሁ ሁሉ እናንተም እንዲሁ አድርጉ። 14  ይሁንና በእነዚህ ነገሮች ሁሉ ላይ ፍቅርን ልበሱ፤ ምክንያቱም ፍቅር ፍጹም የሆነ የአንድነት ማሰሪያ ነው። 15  በተጨማሪም እንደ አንድ አካል ሆናችሁ የተጠራችሁት ለዚህ ሰላም ስለሆነ የክርስቶስ ሰላም በልባችሁ ይንገሥ። እንዲሁም አመስጋኝ መሆናችሁን አሳዩ። 16  የክርስቶስ ቃል ከጥበብ ሁሉ ጋር በተትረፈረፈ ሁኔታ በውስጣችሁ ይኑር። በመዝሙራት፣ ለአምላክ በሚቀርብ ውዳሴና ለዛ ባላቸው መንፈሳዊ ዝማሬዎች ማስተማራችሁንና መምከራችሁን ቀጥሉ፤ በልባችሁም ለይሖዋ ዘምሩ። 17  በቃልም ሆነ በሥራ የምታደርጉት ነገር ምንም ሆነ ምን አባት የሆነውን አምላክ በኢየሱስ በኩል እያመሰገናችሁ ሁሉንም ነገር በጌታ ኢየሱስ ስም አድርጉት። 18  ሚስቶች ሆይ፣ በጌታ ዘንድ ተገቢ ስለሆነ ለባሎቻችሁ ተገዙ። 19  ባሎች ሆይ፣ ሚስቶቻችሁን መውደዳችሁን ቀጥሉ፤ መራራ ቁጣም አትቆጧቸው። 20  ልጆች ሆይ፣ በጌታ ዘንድ ደስ የሚያሰኝ ስለሆነ በሁሉም ነገር ለወላጆቻችሁ ታዘዙ። 21  አባቶች ሆይ፣ ቅስማቸው እንዳይሰበር ልጆቻችሁን አታበሳጯቸው። 22  ባሮች ሆይ፣ ለታይታና ሰውን ለማስደሰት ብላችሁ ሳይሆን በቅን ልብ ተነሳስታችሁ ይሖዋን በመፍራት በሥጋ ጌቶቻችሁ ለሆኑት በሁሉም ነገር ታዛዥ ሁኑ። 23  የምታደርጉትን ሁሉ ለሰው ሳይሆን ለይሖዋ እንደምታደርጉት በማሰብ በሙሉ ነፍሳችሁ አድርጉት፤ 24  ምክንያቱም ተገቢ የሆነውን ሽልማት ይኸውም ውርሻውን የምትቀበሉት ከይሖዋ እንደሆነ ታውቃላችሁ። ጌታ የሆነውን ክርስቶስን አገልግሉ። 25  መጥፎ ነገር የሚሠራ ለሠራው መጥፎ ነገር የእጁን እንደሚያገኝ የተረጋገጠ ነው፤ አድልዎም የለም።

የግርጌ ማስታወሻዎች