በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

ሮም 6:1-23

6  እንግዲህ ምን ማለት እንችላለን? ጸጋ እንዲበዛ ኃጢአት መሥራታችንን እንቀጥል?  ይህስ ከቶ አይሁን! እኛ ለኃጢአት የሞትን ሆነን ሳለን ከእንግዲህ እንዴት በኃጢአት ውስጥ መኖራችንን እንቀጥላለን?  ወይስ እኛ የተጠመቅንና አሁን ከክርስቶስ ኢየሱስ ጋር አንድ የሆንን ሁላችን ወደ ሞቱ እንደተጠመቅን አታውቁም?  ስለዚህ ክርስቶስ በአብ ክብር ከሞት እንደተነሳ ሁሉ እኛም በአዲስ የሕይወት ጎዳና እንድንጓዝ ወደ እሱ ሞት በመጠመቅ ከእሱ ጋር ተቀብረናል።  ሞቱን በሚመስል ሞት ከእሱ ጋር አንድ ከሆንን ትንሣኤውን በሚመስል ትንሣኤ ደግሞ ያለ ጥርጥር ከእሱ ጋር አንድ እንሆናለን፤  ምክንያቱም ኃጢአተኛው ሰውነታችን በእኛ ላይ ምንም ኃይል እንዳይኖረውና ከእንግዲህ የኃጢአት ባሪያዎች ሆነን እንዳንኖር አሮጌው ስብዕናችን ከእሱ ጋር እንደተሰቀለ እናውቃለን።  የሞተ ከኃጢአቱ ነፃ ወጥቷልና።  በተጨማሪም ከክርስቶስ ጋር ከሞትን ከእሱ ጋር እንደምንኖርም እናምናለን።  ክርስቶስ አሁን ከሞት እንደተነሳና ዳግመኛ እንደማይሞት እናውቃለን፤ ከእንግዲህ ሞት በእሱ ላይ ሥልጣን አይኖረውም። 10  ምክንያቱም ሞትን የቀመሰው ኃጢአትን ለአንዴና ለመጨረሻ ጊዜ ለማስወገድ ነው፤ ሆኖም አሁን እየኖረ ያለውን ሕይወት የሚኖረው ለአምላክ ነው። 11  በተመሳሳይ እናንተም ለኃጢአት እንደሞታችሁ ሆኖም በክርስቶስ ኢየሱስ ለአምላክ እንደምትኖሩ አድርጋችሁ ራሳችሁን ቁጠሩ። 12  በመሆኑም ኃጢአት ሟች በሆነው አካላችሁ ላይ ንጉሥ ሆኖ መግዛቱን እንዲቀጥልና ለሥጋችሁ ምኞት ተገዢ እንዲያደርጋችሁ አትፍቀዱ። 13  በተጨማሪም የአካል ክፍሎቻችሁን ለዓመፅ መሣሪያ አድርጋችሁ አታቅርቡ፤ ከዚህ ይልቅ ከሞት ወደ ሕይወት እንደተሻገሩ ሰዎች አድርጋችሁ ራሳችሁን ለአምላክ አቅርቡ፤ የአካል ክፍሎቻችሁንም የጽድቅ መሣሪያ አድርጋችሁ ለአምላክ አቅርቡ። 14  ምክንያቱም በጸጋ ሥር እንጂ በሕግ ሥር ስላልሆናችሁ ኃጢአት በእናንተ ላይ ሥልጣን ሊኖረው አይገባም። 15  እንግዲህ ከዚህ በመነሳት ምን ማለት እንችላለን? በጸጋ ሥር እንጂ በሕግ ሥር ስላልሆንን ኃጢአት እንሥራ ማለት ነው? ይህስ ከቶ አይሁን! 16  ለማንም ቢሆን እንደ ባሪያዎች ሆናችሁ ለመታዘዝ ራሳችሁን ካቀረባችሁ ለእሱ ስለምትታዘዙ የእሱ ባሪያዎች እንደሆናችሁ አታውቁም? በመሆኑም ሞት ለሚያስከትለው ለኃጢአት አለዚያም ጽድቅ ለሚያስገኘው ለታዛዥነት ባሪያዎች ናችሁ። 17  ሆኖም እናንተ የኃጢአት ባሪያዎች የነበራችሁ ቢሆንም በአደራ ለተሰጣችሁ ለእንዲህ ዓይነቱ ትምህርት ከልብ ስለታዘዛችሁ አምላክ የተመሰገነ ይሁን። 18  አዎ፣ ከኃጢአት ነፃ ስለወጣችሁ የጽድቅ ባሪያዎች ሆናችኋል። 19  እኔ እንዲህ ሰዎች በሚረዱት ቋንቋ የምናገረው በሥጋችሁ ድክመት የተነሳ ነው፤ የአካል ክፍሎቻችሁን ክፋት ለመሥራት ለርኩሰትና ለክፋት ባሪያዎች አድርጋችሁ አቅርባችሁ እንደነበረ ሁሉ አሁን ደግሞ የአካል ክፍሎቻችሁን ቅዱስ ሥራ ለመሥራት የጽድቅ ባሪያዎች አድርጋችሁ አቅርቡ። 20  ምክንያቱም የኃጢአት ባሪያዎች በነበራችሁበት ጊዜ በጽድቅ ሥር አልነበራችሁም። 21  ታዲያ በዚያን ጊዜ ታፈሯቸው የነበሩት ፍሬዎች ምን ዓይነት ነበሩ? አሁን የምታፍሩባቸው ነገሮች ናቸው። ምክንያቱም የእነዚህ ነገሮች መጨረሻ ሞት ነው። 22  ይሁን እንጂ አሁን ከኃጢአት ነፃ ወጥታችሁ የአምላክ ባሪያዎች ስለሆናችሁ በቅድስና ጎዳና ፍሬ እያፈራችሁ ነው፤ ይህም መጨረሻው የዘላለም ሕይወት ነው። 23  ምክንያቱም ኃጢአት የሚከፍለው ደሞዝ ሞት ነው፤ አምላክ የሚሰጠው ስጦታ ግን በጌታችን በክርስቶስ ኢየሱስ የዘላለም ሕይወት ነው።

የግርጌ ማስታወሻዎች