በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

ሮም 13:1-14

13  ነፍስ ሁሉ ለበላይ ባለሥልጣናት ይገዛ፤ ምክንያቱም ሥልጣን ሁሉ የሚገኘው ከአምላክ ነው፤ ያሉት ባለሥልጣናት አንጻራዊ ሥልጣናቸውን ያገኙት ከአምላክ ነው።  ስለዚህ ባለሥልጣንን የሚቃወም ሰው አምላክ ያደረገውን ዝግጅት ይቃወማል፤ ይህን ዝግጅት የሚቃወሙ በራሳቸው ላይ ፍርድ ያመጣሉ።  ምክንያቱም ገዥዎች የሚያስፈሩት ክፉ ለሚያደርጉ እንጂ መልካም ለሚያደርጉ አይደለም። እንግዲያው ባለሥልጣንን እንዳትፈራ ትፈልጋለህ? መልካም ማድረግህን ቀጥል፤ ከእሱም ምስጋና ታገኛለህ፤  ለአንተ ጥቅም ሲባል የተሾመ የአምላክ አገልጋይ ነውና። ክፉ የምታደርግ ከሆነ ግን ልትፈራ ይገባሃል፤ ምክንያቱም ሰይፍ የሚታጠቀው እንዲያው በከንቱ አይደለም፤ ክፉ በሚሠራ ላይ የአምላክን ቁጣ በመግለጽ የሚበቀል የአምላክ አገልጋይ ነው።  ስለዚህ ቁጣውን በመፍራት ብቻ ሳይሆን ስለ ሕሊናችሁ ስትሉም መገዛታችሁ አስፈላጊ ነው።  ቀረጥ የምትከፍሉትም ለዚሁ ነው፤ ምክንያቱም እነሱ ሕዝባዊ አገልግሎት የሚያከናውኑ የአምላክ አገልጋዮች ናቸው፤ የዘወትር ተግባራቸውም ይኸው ነው።  ለሁሉም የሚገባውን አስረክቡ፤ ቀረጥ ለሚጠይቅ ቀረጥ፣ ግብር ለሚጠይቅ ግብር ስጡ፤ መፈራት የሚፈልገውን ፍሩ፤ መከበር የሚፈልገውን አክብሩ።  እርስ በርስ ከመዋደድ በቀር በማንም ላይ ምንም ዕዳ አይኑርባችሁ፤ ሌላውን የሚወድ ሕጉን ፈጽሟል።  ምክንያቱም “አታመንዝር፣ አትግደል፣ አትስረቅ፣ አትጎምጅ” የሚሉት ሕጎችና ሌሎች ትእዛዛት በሙሉ “ባልንጀራህን* እንደ ራስህ ውደድ” በሚለው በዚህ ቃል ተጠቃለዋል። 10  ፍቅር በባልንጀራው ላይ ክፉ አያደርግም፤ ስለዚህ ፍቅር የሕግ ፍጻሜ ነው። 11  ዘመኑን ስለምታውቁም ይህን አድርጉ፤ አማኞች ከሆንበት ጊዜ ይልቅ አሁን መዳናችን ይበልጥ ስለቀረበ ከእንቅልፍ የምትነቁበት ሰዓት አሁን ነው። 12  ሌሊቱ እየተገባደደ ነው፤ ቀኑም ቀርቧል። ስለዚህ የጨለማን ሥራ አውልቀን የብርሃንን የጦር ዕቃ እንልበስ። 13  መረን በለቀቀ ፈንጠዝያና በስካር፣ ልቅ በሆነ የፆታ ግንኙነትና በብልግና* እንዲሁም በጠብና በቅናት ሳይሆን በቀን ብርሃን እንደምንመላለስ በጨዋነት እንመላለስ። 14  ጌታ ኢየሱስ ክርስቶስን ልበሱት፤ የሥጋ ፍላጎታችሁን ለመፈጸም ዕቅድ አታውጡ።

የግርጌ ማስታወሻዎች

ሮም 13:9 * “ባልንጀራ” ተብሎ የተተረጎመው ግሪክኛ ቃል የአንድን ሰው የቅርብ ጓደኛ ብቻ ሳይሆን ማንኛውንም ሰው ሊያመለክት ይችላል።
ሮም 13:13 ገላትያ 5:19 ላይ የሚገኘውን የግርጌ ማስታወሻ ተመልከት።