በቀጥታ ወደ ዋናው ጉዳይ ግባ

በቀጥታ ወደ ርዕስ ማውጫው ሂድ

የይሖዋ ምሥክሮች

ቋንቋ ምረጥ አማርኛ

ራእይ 8:1-13

8  ሰባተኛውንም ማኅተም በከፈተ ጊዜ በሰማይ ለግማሽ ሰዓት ያህል ጸጥታ ሰፈነ።  እኔም በአምላክ ፊት የሚቆሙትን ሰባቱን መላእክት አየሁ፤ ሰባት መለከትም ተሰጣቸው።  የወርቅ ጥና የያዘ ሌላ መልአክም መጥቶ በመሠዊያው አጠገብ ቆመ፤ እሱም የቅዱሳኑ ሁሉ ጸሎት እየተሰማ በነበረበት ወቅት በዙፋኑ ፊት ባለው በወርቁ መሠዊያ ላይ እንዲያቀርበው ከፍተኛ መጠን ያለው ዕጣን ተሰጠው።  የዕጣኑም ጭስ ከመልአኩ እጅ፣ ከቅዱሳኑ ጸሎት ጋር በአምላክ ፊት ወጣ።  ሆኖም መልአኩ ወዲያውኑ ጥናውን ይዞ በመሠዊያው ላይ ካለው እሳት የተወሰነውን በመውሰድ ጥናውን ሞላውና እሳቱን ወደ ምድር ወረወረው። ከዚያም ነጎድጓድ፣ ድምፅ፣ መብረቅና የምድር ነውጥ ተከሰተ።  ሰባቱን መለከቶች የያዙት ሰባቱ መላእክትም ሊነፉ ተዘጋጁ።  የመጀመሪያውም መለከቱን ነፋ። ከደም ጋር የተቀላቀለ በረዶና እሳት ተከሰተ፤ ወደ ምድርም ተወረወረ፤ የምድር አንድ ሦስተኛ ተቃጠለ፣ የዛፎችም አንድ ሦስተኛ ተቃጠለ፣ አረንጓዴ ተክሎችም ሁሉ ተቃጠሉ።  ሁለተኛውም መልአክ መለከቱን ነፋ። በእሳት የተቀጣጠለ ትልቅ ተራራ የሚመስል ነገርም ወደ ባሕር ተወረወረ። የባሕሩም አንድ ሦስተኛ ደም ሆነ፤  በባሕር ውስጥ ካሉ ነፍስ ያላቸው ፍጥረታትም አንድ ሦስተኛው ሞተ፤ ከጀልባዎችም አንድ ሦስተኛው ወደመ። 10  ሦስተኛውም መልአክ መለከቱን ነፋ። እንደ መብራት የሚነድ አንድ ትልቅ ኮከብም ከሰማይ ወደቀ፤ በወንዞች አንድ ሦስተኛና በውኃ ምንጮች ላይ ወደቀ። 11  የኮከቡም ስም ጭቁኝ* ይባላል። የውኃውም አንድ ሦስተኛ መራራ ሆነ፤ ውኃውም መራራ ከመሆኑ የተነሳ ብዙ ሰዎች በውኃው ጠንቅ ሞቱ። 12  አራተኛውም መልአክ መለከቱን ነፋ። የፀሐይ አንድ ሦስተኛ፣ የጨረቃ አንድ ሦስተኛና የከዋክብት አንድ ሦስተኛ በኃይል ተመታ፤ ይህም የሆነው የእነዚህ አካላት አንድ ሦስተኛው እንዲጨልም እንዲሁም የቀኑ አንድ ሦስተኛና የሌሊቱ አንድ ሦስተኛ ብርሃን እንዳያገኝ ነው። 13  እኔም አየሁ፤ አንድ ንስር በሰማይ መካከል እየበረረ በታላቅ ድምፅ “መለከቶቻቸውን ሊነፉ የተዘጋጁት ሦስቱ መላእክት በሚያሰሟቸው በቀሩት ኃይለኛ የመለከት ድምፆች የተነሳ በምድር ላይ ለሚኖሩት ወዮላቸው! ወዮላቸው! ወዮላቸው!” ሲል ሰማሁ።

የግርጌ ማስታወሻዎች

ራእይ 8:11 * ሽታው የሚያንገሸግሽና መራራ ጣዕም ያለው ተክል።