በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

ራእይ 7:1-17

7  ከዚህ በኋላ አራት መላእክት በአራቱ የምድር ማዕዘናት ቆመው አየሁ፤ እነሱም በምድር ወይም በባሕር ወይም በማንኛውም ዛፍ ላይ ምንም ነፋስ እንዳይነፍስ አራቱን የምድር ነፋሳት አጥብቀው ይዘው ነበር።  እንዲሁም የሕያው አምላክ ማኅተም ያለው ሌላ መልአክ ከፀሐይ መውጫ ወደ ላይ ሲወጣ አየሁ፤ እሱም ምድርንና ባሕርን እንዲጎዱ ሥልጣን የተሰጣቸውን አራቱን መላእክት በታላቅ ድምፅ ጮኾ  እንዲህ አላቸው:- “የአምላካችንን ባሪያዎች ግምባራቸው ላይ ማኅተም እስክናደርግባቸው ድረስ ምድርን ወይም ባሕርን ወይም ዛፎችን አትጉዱ።”  የታተሙትንም ሰዎች ቁጥር ሰማሁ፤ ቁጥራቸው መቶ አርባ አራት ሺህ ሲሆን የታተሙት ከእያንዳንዱ የእስራኤል ልጆች ነገድ ነበር:-  ከይሁዳ ነገድ አሥራ ሁለት ሺህ ታተሙ፤ ከሮቤል ነገድ አሥራ ሁለት ሺህ፣ ከጋድ ነገድ አሥራ ሁለት ሺህ፣  ከአሴር ነገድ አሥራ ሁለት ሺህ፣ ከንፍታሌም ነገድ አሥራ ሁለት ሺህ፣ ከምናሴ ነገድ አሥራ ሁለት ሺህ፣  ከስምዖን ነገድ አሥራ ሁለት ሺህ፣ ከሌዊ ነገድ አሥራ ሁለት ሺህ፣ ከይሳኮር ነገድ አሥራ ሁለት ሺህ፣  ከዛብሎን ነገድ አሥራ ሁለት ሺህ፣ ከዮሴፍ ነገድ አሥራ ሁለት ሺህ፣ ከቢንያም ነገድ አሥራ ሁለት ሺህ ታተሙ።  ከዚህ በኋላ አየሁ፤ እነሆም፣ ከሁሉም ብሔራት፣ ነገዶች፣ ሕዝቦችና ቋንቋዎች የተውጣጡ አንድም ሰው ሊቆጥራቸው የማይችል እጅግ ብዙ ሕዝብ ነጭ ልብስ ለብሰው በዙፋኑና በበጉ ፊት ቆመው ነበር፤ የዘንባባ ዝንጣፊዎችንም በእጆቻቸው ይዘው ነበር። 10  በታላቅ ድምፅም “መዳን ያገኘነው በዙፋኑ ላይ ከተቀመጠው ከአምላካችን እንዲሁም ከበጉ ነው” እያሉ ይጮኹ ነበር። 11  መላእክቱም ሁሉ በዙፋኑ፣ በሽማግሌዎቹና በአራቱ ሕያዋን ፍጥረታት ዙሪያ ቆመው ነበር፤ እነሱም በዙፋኑ ፊት በግምባራቸው ተደፍተው ለአምላክ ሰገዱ፤ 12  እንዲህም አሉ:- “አሜን! በረከት፣ ግርማ፣ ጥበብ፣ ምስጋና፣ ክብር፣ ኃይልና ብርታት ከዘላለም እስከ ዘላለም ለአምላካችን ይሁን። አሜን።” 13  ከሽማግሌዎቹም አንዱ መልሶ “እነዚህ ነጭ ልብስ የለበሱት እነማን ናቸው? ከወዴትስ የመጡ ናቸው?” አለኝ። 14  እኔም ወዲያውኑ “ጌታዬ፣ የምታውቀው አንተ ነህ” አልኩት። እሱም እንዲህ አለኝ:- “ታላቁን መከራ አልፈው የመጡት እነዚህ ናቸው፤ ልብሳቸውንም በበጉ ደም አጥበው ነጭ አድርገውታል። 15  በአምላክ ዙፋን ፊት ያሉትም ለዚህ ነው፤ በቤተ መቅደሱም ቀንና ሌሊት ቅዱስ አገልግሎት እያቀረቡለት ነው፤ በዙፋኑ ላይ የተቀመጠውም ድንኳኑን በላያቸው ይዘረጋል። 16  ከእንግዲህ ወዲህ አይራቡም እንዲሁም አይጠሙም፤ ፀሐይ አይመታቸውም፣ ሐሩሩም አያቃጥላቸውም፤ 17  ምክንያቱም በዙፋኑ መካከል ያለው በጉ እረኛቸው ይሆናል፤ ወደ ሕይወት ውኃ ምንጭም ይመራቸዋል። አምላክም እንባን ሁሉ ከዓይኖቻቸው ላይ ይጠርጋል።”

የግርጌ ማስታወሻዎች