በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

ራእይ 4:1-11

4  ከዚህ በኋላ አየሁ፤ እነሆም፣ በሰማይ የተከፈተ በር ነበር፤ በመጀመሪያ የሰማሁት ድምፅ እንደ መለከት ድምፅ ያለ ነበር፤ እንዲህም ሲል አናገረኝ:- “ና ወደዚህ ውጣ፤ መፈጸም ያለባቸውን ነገሮች አሳይሃለሁ።”  ከዚህ በኋላ ወዲያውኑ የመንፈስ ኃይል አደረብኝ:- እነሆም፣ በሰማይ ዙፋን ተቀምጦ ነበር፤ በዙፋኑም ላይ የተቀመጠ ነበር።  በዙፋኑም ላይ የተቀመጠው ገጽታው እንደ ኢያስጲድና ቀይ ቀለም እንዳለው የከበረ ድንጋይ ነበር፤ በዙፋኑም ዙሪያ መረግድ የሚመስል ቀስተ ደመና ነበር።  በዙፋኑም ዙሪያ ሃያ አራት ዙፋኖች ነበሩ፤ በእነዚህ ዙፋኖችም ላይ ነጭ መደረቢያ የለበሱና በራሳቸው ላይ የወርቅ አክሊል የደፉ ሃያ አራት ሽማግሌዎች ተቀምጠው አየሁ።  ከዙፋኑም መብረቅ፣ ድምፅና ነጎድጓድ ይወጣ ነበር፤ በዙፋኑም ፊት የሚነዱ ሰባት የእሳት መብራቶች ነበሩ፤ እነዚህም ሰባቱን የአምላክ መናፍስት ያመለክታሉ።  በዙፋኑም ፊት ክሪስታል የሚመስል የብርጭቆ ባሕር ያለ ይመስል ነበር። እንዲሁም በዙፋኑ መካከልና በዙፋኑ ዙሪያ ከፊትም ሆነ ከኋላ በዓይኖች የተሞሉ አራት ሕያዋን ፍጥረታት ነበሩ።  የመጀመሪያው ሕያው ፍጡር አንበሳ ይመስላል፤ ሁለተኛው ሕያው ፍጡር ወይፈን ይመስላል፤ ሦስተኛው ሕያው ፍጡር የሰው ፊት የሚመስል ፊት አለው፤ አራተኛው ሕያው ፍጡር ደግሞ የሚበር ንስር ይመስላል።  እነዚህ አራቱ ሕያዋን ፍጥረታት እያንዳንዳቸው ስድስት ስድስት ክንፎች አሏቸው፤ በዙሪያቸውና በውስጥ በኩል በዓይኖች የተሞሉ ናቸው። ያለ እረፍትም ቀንና ሌሊት “የነበረው፣ ያለውና የሚመጣው፣ ሁሉን ቻይ የሆነው ይሖዋ አምላክ ቅዱስ፣ ቅዱስ፣ ቅዱስ ነው” ይላሉ።  እንዲሁም ሕያዋን ፍጥረታቱ በዙፋኑ ላይ ለተቀመጠው፣ ከዘላለም እስከ ዘላለም ለሚኖረው፣ ግርማ፣ ክብርና ምስጋና ባቀረቡ ቁጥር 10  ሃያ አራቱ ሽማግሌዎች በዙፋኑ ላይ በተቀመጠው ፊት ተደፍተው ከዘላለም እስከ ዘላለም ለሚኖረው አምልኮ ያቀርባሉ፤ እንዲሁም አክሊላቸውን በዙፋኑ ፊት ጥለው እንዲህ ይላሉ:- 11  “ይሖዋ አምላካችን፣ ሁሉንም ነገሮች ስለፈጠርክ እንዲሁም ያሉትም ሆነ የተፈጠሩት በአንተ ፈቃድ ስለሆነ ግርማ፣ ክብርና ኃይል ልትቀበል ይገባሃል።”

የግርጌ ማስታወሻዎች