በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

ራእይ 18:1-24

18  ከዚህ በኋላ ከፍተኛ ሥልጣን ያለው ሌላ መልአክ ከሰማይ ሲወርድ አየሁ፤ ከክብሩም የተነሳ ምድር በብርሃን ደመቀች።  እሱም በኃይለኛ ድምፅ እንዲህ ሲል ጮኸ:- “ወደቀች! ታላቂቱ ባቢሎን ወደቀች፤ የአጋንንት መኖሪያ፣ የመርዛማ አየር ሁሉ መሰወሪያ እንዲሁም የርኩሳንና የተጠሉ ወፎች ሁሉ መሰወሪያ ሆነች!  ሕዝቦች ሁሉ የዝሙቷ የቁጣ ወይን ጠጅ ሰለባ ሆነዋል፤ የምድር ነገሥታትም ከእሷ ጋር ዝሙት ፈጽመዋል፤ የምድር ተጓዥ ነጋዴዎችም ኀፍረተ ቢስነት በሚንጸባረቅበት ይህ ነው በማይባል የቅንጦት ኑሮዋ ሳቢያ በልጽገዋል።”  ከሰማይም ሌላ ድምፅ እንዲህ ሲል ሰማሁ:- “ሕዝቤ ሆይ፣ የኃጢአቷ ተባባሪ መሆን የማትፈልጉና የሚደርስባት መቅሰፍት ተካፋይ መሆን የማትፈልጉ ከሆነ ከእሷ ውጡ።  ምክንያቱም ኃጢአቷ እስከ ሰማይ ድረስ ተቆልሏል፤ አምላክም የፈጸመቻቸውን ኢፍትሐዊ ድርጊቶች አስቧል።  በሰጠችው መጠን ብድራቷ ይመለስላት፤ እንዲሁም ሁለት እጥፍ፣ አዎ፣ በሠራቻቸው ነገሮች ቁጥር ሁለት እጥፍ ይከፈላት፤ ድብልቅ ነገር ባዘጋጀችበት ጽዋ የዚያ ድብልቅ ሁለት እጥፍ ይዘጋጅላት።  ራሷን ከፍ ከፍ ባደረገችበትና ኀፍረተ ቢስነት የሚንጸባረቅበት የቅንጦት ኑሮ በኖረችበት መጠን፣ በዚያው ልክ ሥቃይና ሐዘን ይሰጣት። ምክንያቱም ሁልጊዜ በልቧ ‘ንግሥት ሆኜ እቀመጣለሁ፤ መበለትም አይደለሁም፤ ሐዘንም ፈጽሞ አይደርስብኝም’ ትላለች።  መቅሰፍቶቿ፣ ሞትና ሐዘን እንዲሁም ረሃብ በአንድ ቀን የሚመጡባት ለዚህ ነው፤ ሙሉ በሙሉም በእሳት ትቃጠላለች፤ ምክንያቱም ፍርድ የበየነባት ይሖዋ አምላክ ብርቱ ነው።  “ከእሷ ጋር ዝሙት የፈጸሙና ኀፍረተ ቢስነት የሚንጸባረቅበት የቅንጦት ኑሮ የኖሩ የምድር ነገሥታትም እሷ ስትቃጠል የሚወጣውን ጭስ በሚያዩበት ጊዜ ስለ እሷ ያለቅሳሉ እንዲሁም በሐዘን ደረታቸውን ይደቃሉ፤ 10  ሥቃይዋን በመፍራት በሩቅ ቆመው ‘በጣም ያሳዝናል፣ በጣም ያሳዝናል፣ አንቺ ታላቂቱ ከተማ፣ አንቺ ብርቱዪቱ ከተማ ባቢሎን፤ ፍርድሽ በአንድ ሰዓት ተፈጽሟልና!’ ይላሉ። 11  “የምድር ተጓዥ ነጋዴዎችም ከዚህ በኋላ ብዛት ያለውን ሸቀጣቸውን የሚገዛቸው ስለማይኖር ስለ እሷ ያለቅሳሉ እንዲሁም ያዝናሉ፤ 12  ብዛት ያለው ሸቀጣቸውም ወርቅ፣ ብር፣ የከበረ ድንጋይ፣ ዕንቁ፣ ጥሩ በፍታ፣ ሐምራዊ ልብስ፣ ሐርና ደማቅ ቀይ ልብስ ያካተተ ነው፤ በተጨማሪም ጥሩ መዓዛ ያለው እንጨት ሁሉ፣ ከዝሆን ጥርስ የተሠራ ዕቃ ሁሉ እንዲሁም በጣም ውድ ከሆነ እንጨት፣ መዳብ፣ ብረትና እብነ በረድ የተሠራ ማንኛውም ዓይነት ዕቃ ሁሉ ይገኝበታል፤ 13  ደግሞም ቀረፋ፣ የሕንድ ቅመም፣ ዕጣን፣ ሽቶ፣ ነጭ ዕጣን፣ ወይን፣ የወይራ ዘይት፣ የላመ ዱቄት፣ ስንዴ፣ ከብት፣ በግ፣ ፈረስ፣ ሠረገላ፣ ባሪያዎችና የሰዎች ነፍሳት ይገኙበታል። 14  አዎ፣ ነፍስሽ የተመኘው ጥሩ ፍሬ ከአንቺ ርቋል፤ ምርጥና ማራኪ የሆኑ ነገሮችም ሁሉ ከአንቺ ጠፍተዋል፤ ሰዎችም በምንም ዓይነት ዳግመኛ አያገኟቸውም። 15  “እነዚህን ነገሮች በመሸጥ በእሷ የበለጸጉ ተጓዥ ነጋዴዎች ሥቃይዋን በመፍራት በሩቅ ቆመው እያለቀሱና እያዘኑ 16  እንዲህ ይላሉ:- ‘በጣም ያሳዝናል፣ በጣም ያሳዝናል፤ ጥሩ በፍታ፣ ሐምራዊና ደማቅ ቀይ ልብስ የለበስሽው እንዲሁም በወርቅ ጌጥ፣ በከበረ ድንጋይና በዕንቁ የተንቆጠቆጥሽው ታላቂቱ ከተማ፣ 17  ያ ሁሉ ታላቅ ሀብት በአንድ ሰዓት ውስጥ እንዳልነበረ ሆኗልና!’ “የመርከብ አዛዦች ሁሉ፣ ከየትኛውም ቦታ ተነስተው የሚጓዙ መንገደኞች ሁሉ፣ መርከበኞችና መተዳደሪያቸው በባሕር ላይ የተመሠረተ ሁሉ በሩቅ ቆመው 18  እሷ ስትቃጠል የሚወጣውን ጭስ እያዩ ‘እንደ ታላቂቱ ከተማ ያለ ከተማ የት ይገኛል?’ በማለት ጮኹ። 19  በራሳቸውም ላይ አቧራ በትነው እያለቀሱና እያዘኑ እንዲህ ሲሉ ጮኹ:- ‘በጣም ያሳዝናል፣ በጣም ያሳዝናል፤ በባሕር ላይ ጀልባዎች ያሏቸው ሁሉ፣ እሷ ባሏት የተትረፈረፉ ውድ ነገሮች እንዲበለጽጉ ያደረገችው ታላቂቱ ከተማ በአንድ ሰዓት ውስጥ ጠፍታለችና!’ 20  “ሰማይ ሆይ፣ በእሷ ላይ በደረሰው ነገር ደስ ይበልህ፤ ደግሞም እናንተ ቅዱሳን፣ እናንተ ሐዋርያትና እናንተ ነቢያት ደስ ይበላችሁ፤ ምክንያቱም አምላክ ለእናንተ ሲል በእሷ ላይ የቅጣት ፍርድ አስፈጽሟል!” 21  አንድ ብርቱ መልአክም ትልቅ የወፍጮ ድንጋይ የሚመስል ድንጋይ አንስቶ ወደ ባሕር በመወርወር እንዲህ አለ:- “ታላቂቱ ከተማ ባቢሎን እንዲህ በፍጥነት ቁልቁል ትወረወራለች፤ ዳግመኛም ፈጽሞ አትገኝም። 22  በተጨማሪም ራሳቸውን በበገና የሚያጅቡ ዘማሪዎች፣ የሙዚቀኞች፣ የዋሽንት ነፊዎችና የመለከት ነፊዎች ድምፅ ዳግመኛ በአንቺ ውስጥ ፈጽሞ አይሰማም፤ የማንኛውም ዓይነት የእጅ ጥበብ ባለሙያም ዳግመኛ በአንቺ ውስጥ ከቶ አይገኝም፤ እንዲሁም የወፍጮ ድምፅ ዳግመኛ በአንቺ ውስጥ ከቶ አይሰማም፤ 23  ደግሞም የመብራት ብርሃን ዳግመኛ በአንቺ ውስጥ ከቶ አይበራም፤ የሙሽራና የሙሽሪት ድምፅም ዳግመኛ በአንቺ ውስጥ ከቶ አይሰማም፤ ይህም የሚሆነው ተጓዥ ነጋዴዎችሽ የምድር ታላላቅ ሰዎች ስለነበሩና በመናፍስታዊ ድርጊትሽ ብሔራት ሁሉ ስለተሳሳቱ ነው። 24  አዎ፣ በእሷ ውስጥ የነቢያት፣ የቅዱሳንና በምድር ላይ የታረዱ ሰዎች ሁሉ ደም ተገኝቷል።”

የግርጌ ማስታወሻዎች