በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

መጽሐፍ ቅዱስ በኢንተርኔት | መጽሐፍ ቅዱስ--አዲስ ዓለም ትርጉም በ2013 ተሻሽሎ የወጣውን ተመልከት

ማቴዎስ 1:1-25

1  የዳዊት ልጅ፣ የአብርሃም ልጅ የኢየሱስ ክርስቶስ ታሪክ መጽሐፍ:-   አብርሃም ይስሐቅን ወለደ፤ ይስሐቅ ያዕቆብን ወለደ፤ ያዕቆብ ይሁዳንና ወንድሞቹን ወለደ፤   ይሁዳ ከትዕማር ፋሬስንና ዛራን ወለደ፤ ፋሬስ ኤስሮንን ወለደ፤ ኤስሮን ራምን ወለደ፤   ራም አሚናዳብን ወለደ፤ አሚናዳብ ነአሶንን ወለደ፤ ነአሶን ሰልሞንን ወለደ፤   ሰልሞን ከረዓብ ቦዔዝን ወለደ፤ ቦዔዝ ከሩት ኢዮቤድን ወለደ፤ ኢዮቤድ እሴይን ወለደ፤   እሴይ ንጉሥ ዳዊትን ወለደ፤  ዳዊት ከኦርዮ ሚስት ሰለሞንን ወለደ፤   ሰለሞን ሮብዓምን ወለደ፤ ሮብዓም አቢያን ወለደ፤ አቢያ አሳን ወለደ፤   አሳ ኢዮሳፍጥን ወለደ፤ ኢዮሳፍጥ ኢዮራምን ወለደ፤ ኢዮራም ዖዝያንን ወለደ፤   ዖዝያን ኢዮአታምን ወለደ፤ ኢዮአታም አካዝን ወለደ፤ አካዝ ሕዝቅያስን ወለደ፤ 10  ሕዝቅያስ ምናሴን ወለደ፤ ምናሴ አሞንን ወለደ፤ አሞን ኢዮስያስን ወለደ፤ 11  ኢዮስያስ አይሁዳውያን ወደ ባቢሎን በተጋዙበት ዘመን ኢኮንያንንና ወንድሞቹን ወለደ። 12  ወደ ባቢሎን ከተጋዙ በኋላ ኢኮንያን ሰላትያልን ወለደ፤ ሰላትያል ዘሩባቤልን ወለደ፤ 13  ዘሩባቤል አብዩድን ወለደ፤ አብዩድ ኤልያቄምን ወለደ፤ ኤልያቄም አዞርን ወለደ፤ 14  አዞር ሳዶቅን ወለደ፤ ሳዶቅ አኪምን ወለደ፤ አኪም ኤልዩድን ወለደ፤ 15  ኤልዩድ አልዓዛርን ወለደ፤ አልዓዛር ማታንን ወለደ፤ ማታን ያዕቆብን ወለደ፤ 16  ያዕቆብ ዮሴፍን ወለደ፤ ዮሴፍም ክርስቶስ የተባለውን ኢየሱስን የወለደችው የማርያም ባል ነበር። 17  ስለዚህ ጠቅላላው ትውልድ፣ ከአብርሃም እስከ ዳዊት አሥራ አራት ትውልድ፣ ከዳዊት አንስቶ አይሁዳውያን ወደ ባቢሎን እስከተጋዙበት ጊዜ ድረስ አሥራ አራት ትውልድ እንዲሁም ወደ ባቢሎን ከተጋዙበት ዘመን እስከ ክርስቶስ ድረስ አሥራ አራት ትውልድ ነው። 18  የኢየሱስ ክርስቶስ ልደት ግን እንደሚከተለው ነው:- እናቱ ማርያም ለዮሴፍ ታጭታ በነበረበት ጊዜ፣ አብረው መኖር ከመጀመራቸው በፊት በመንፈስ ቅዱስ ፀንሳ ተገኘች። 19  ይሁን እንጂ ባሏ ዮሴፍ ጻድቅ ስለሆነና በይፋ ሊያጋልጣት ስላልፈለገ በስውር ሊፈታት አሰበ። 20  ሆኖም ይህን ለማድረግ አስቦ ሳለ የይሖዋ* መልአክ በሕልም ተገልጦለት እንዲህ አለው:- “የዳዊት ልጅ ዮሴፍ ሆይ፣ ሚስትህ ማርያም የፀነሰችው በመንፈስ ቅዱስ ስለሆነ እሷን ወደ ቤት ለመውሰድ አትፍራ። 21  ወንድ ልጅ ትወልዳለች፣ ስሙንም ኢየሱስ ብለህ ትጠራዋለህ፤ እሱም ሕዝቡን ከኃጢአታቸው ያድናቸዋል።” 22  ይህ ሁሉ የሆነው ይሖዋ በነቢዩ በኩል እንዲህ ሲል የተናገረው ይፈጸም ዘንድ ነው:- 23  “እነሆ! ድንግል ትፀንሳለች፣ ወንድ ልጅም ትወልዳለች፤ ስሙንም አማኑኤል ይሉታል፤” ትርጉሙም “አምላክ ከእኛ ጋር ነው” ማለት ነው። 24  ከዚያም ዮሴፍ ከእንቅልፉ ነቃ፤ የይሖዋ መልአክ ባዘዘውም መሠረት ሚስቱን ወደ ቤቱ ወሰዳት። 25  ሆኖም ልጁን እስክትወልድ ድረስ አልተገናኛትም፤ ልጁንም ኢየሱስ ብሎ ጠራው።

የግርጌ ማስታወሻዎች

ማቴ 1:20 * በዚህ ትርጉም ውስጥ “ይሖዋ” የሚለው መለኮታዊ ስም ከሚገኝባቸው 237 ቦታዎች ውስጥ ይህ የመጀመሪያው ነው። ከተጨማሪው መረጃ ላይ 2ኛውን ርዕስ ተመልከት።