በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

በቀጥታ ወደ ርዕስ ማውጫው ሂድ

የይሖዋ ምሥክሮች

አማርኛ

በዛሬው ጊዜ የይሖዋን ፈቃድ የሚያደርጉት እነማን ናቸው?

 ትምህርት 27

ከመንግሥት አዳራሹ ቤተ መጻሕፍት ጥቅም ማግኘት የምንችለው እንዴት ነው

ከመንግሥት አዳራሹ ቤተ መጻሕፍት ጥቅም ማግኘት የምንችለው እንዴት ነው

እስራኤል

ቼክ ሪፑብሊክ

ቤኒን

ኬይመን ደሴቶች

የመጽሐፍ ቅዱስ እውቀትህን ለማሳደግ የሚረዳህ ምርምር ማድረግ ትፈልጋለህ? ስለ አንድ ጥቅስ ወይም በመጽሐፍ ቅዱስ ውስጥ ስለተጠቀሰ አንድ ግለሰብ፣ ቦታ ወይም ሌላ ነገር ይበልጥ ለማወቅ ትፈልጋለህ? አሊያም በግል ባሳሰበህ አንድ ጉዳይ ረገድ ሊረዳህ የሚችል ሐሳብ በአምላክ ቃል ውስጥ ይገኝ እንደሆነ ምርምር ለማድረግ አስበሃል? ከሆነ ወደ መንግሥት አዳራሹ ቤተ መጻሕፍት ለምን ጎራ አትልም?

ጠቃሚ የሆኑ የምርምር መሣሪያዎች ይገኙበታል። የይሖዋ ምሥክሮች በቋንቋህ ያዘጋጇቸው በመጽሐፍ ቅዱስ ላይ የተመሠረቱ ጽሑፎች በሙሉ አይኖሩህ ይሆናል። በመንግሥት አዳራሹ ቤተ መጻሕፍት ውስጥ ግን በቅርብ የወጡት ብዙዎቹ ጽሑፎች ይገኛሉ። በተጨማሪም የተለያዩ የመጽሐፍ ቅዱስ ትርጉሞች፣ ጥሩ መዝገበ ቃላትና ሌሎች ጠቃሚ የማመሳከሪያ መጻሕፍት ሊኖሩ ይችላሉ። ከስብሰባ በፊትና በኋላ በቤተ መጻሕፍቱ ውስጥ ባሉት መሣሪያዎች መጠቀም ትችላለህ። ቤተ መጻሕፍቱ ውስጥ ኮምፒውተር ካለ ደግሞ ዎችታወር ላይብረሪ የተባለው ፕሮግራም ይኖረዋል። ይህ ፕሮግራም በርካታ ጽሑፎቻችንን የያዘ ሲሆን አንድን ቃል፣ ጥቅስ ወይም ርዕሰ ጉዳይ ፈልጎ በማውጣት በቀላሉ ምርምር ለማድረግ ያስችላል።

በክርስቲያናዊ ሕይወትና አገልግሎት ስብሰባ ለሚካፈሉ ተማሪዎች ጠቃሚ ነው። በዚህ ትምህርት ቤት የምትካፈል ከሆነ ክፍልህን በምትዘጋጅበት ጊዜ በመንግሥት አዳራሹ ቤተ መጻሕፍት ልትጠቀም ትችላለህ። የቤተ መጻሕፍቱን ሁኔታ የመከታተል ኃላፊነት ያለበት የክርስቲያናዊ ሕይወትና አገልግሎት ስብሰባ የበላይ ተመልካች ነው። በቅርብ የወጡ ጽሑፎች በሙሉ መግባታቸውንና በሚገባ ተስተካክለው መቀመጣቸውን መከታተል የእሱ ኃላፊነት ነው። የምትፈልገውን መረጃ እንዴት እንደምታገኝ የትምህርት ቤቱ የበላይ ተመልካች ወይም የመጽሐፍ ቅዱስ አስተማሪህ ሊያሳዩህ ይችላሉ። ይሁን እንጂ ማንኛውንም ጽሑፍ ከመንግሥት አዳራሹ ይዞ መውጣት አይቻልም። መጻሕፍቱን በአግባቡ መያዝ እንዳለብንና ጽሑፎቹ ላይ ምንም ዓይነት ምልክት ማድረግ እንደማይገባንም የታወቀ ነው።

‘ስለ አምላክ እውቀት መቅሰም’ ከፈለግን “እንደተሸሸገ ሀብት” አጥብቀን ልንሻው እንደሚገባ መጽሐፍ ቅዱስ ይገልጻል። (ምሳሌ 2:1-5) እንዲህ ያለውን እውቀት ለማግኘት በምታደርገው ፍለጋ በመንግሥት አዳራሹ ቤተ መጻሕፍት ውስጥ የሚገኙት መሣሪያዎች ሊረዱህ ይችላሉ።

  • በመንግሥት አዳራሹ ቤተ መጻሕፍት ውስጥ ምን ዓይነት የምርምር መሣሪያዎች ይገኛሉ?

  • በቤተ መጻሕፍቱ በሚገባ መጠቀም እንድትችል እነማን ሊረዱህ ይችላሉ?