በቀጥታ ወደ ዋናው ጉዳይ ግባ

ወንድም ዬቭጌኒ ዬጎሮቭ

ሚያዝያ 1, 2021
ሩሲያ

የሩሲያ ፍርድ ቤት የወንድም ዬቭጌኒ ዬጎሮቭን ሃይማኖታዊ ነፃነት ሊጋፋ ነው

የሩሲያ ፍርድ ቤት የወንድም ዬቭጌኒ ዬጎሮቭን ሃይማኖታዊ ነፃነት ሊጋፋ ነው

የፍርድ ውሳኔ የሚሰጥበት ቀን

በአይሁዳውያን ራስ ገዝ ክልል የሚገኘው የቢሮቢድዣን አውራጃ ፍርድ ቤት በወንድም ዬቭጌኒ ዬጎሮቭ ላይ የቀረበውን ክስ ተመልክቶ በቅርቡ ውሳኔውን ያሳውቃል። * አቃቤ ሕጉ በወንድም ዬቭጌኒ ዬጎሮቭ ላይ እንዲተላለፍ የሚፈልገውን ብይን ገና አላሳወቀም።

አጭር መግለጫ

ዬቭጌኒ ዬጎሮቭ

  • የትውልድ ዘመን፦ 1991 (ቢሮቢድዣን)

  • ግለ ታሪክ፦ ያሳደጉት እናቱ እና አያቱ ናቸው። የኤሌክትሪክ ምሕንድስና አጥንቷል። ቁልፍ በመሥራትና በጥገና ሥራ ይተዳደራል። ሥነ ጽሑፍ ይወዳል። አንድ ልብ ወለድ መጽሐፍ እንዲሁም የግጥም መድብል አሳትሟል። በ2005 ተጠምቆ የይሖዋ ምሥክር ሆነ። መስከረም 2019 ከክሴኒያ ጋር ትዳር መሠረተ። ነሐሴ 2020 ወንድ ልጅ ወለዱ

የክሱ ሂደት

ግንቦት 2018 የፌዴራል ደህንነት አባላት በቢሮቢድዣን ከተማ ሰፊ የፍተሻ ዘመቻ አካሄዱ። ዬቭጌኒ ከማግባቱ ከጥቂት ጊዜ በፊት፣ እምነቱን በማራመድና መጽሐፍ ቅዱስን በማንበብ “ወንጀል” ተከሰሰ። ከዚያም የጉዞ እገዳ ተጣለበት። የዬቭጌኒ እናት ላሪሳ አርታሞኖቫ የዬቭጌኒ ሠርግ እንዳለፈ ወዲያውኑ ክስ ተመሥርቶባታል። ታኅሣሥ 2019 በቢሮቢድዣን አውራጃ ፍርድ ቤት የፍርድ ሂደቱ ጀመረ።

ዬቭጌኒ ወደ ይሖዋ ይበልጥ እንደቀረበ እንደተሰማው ተናግሯል። “ሁኔታዎች በጣም ከባድ በሆኑበት ወቅት ይሖዋ አረጋግቶኛል፤ እንዲሁም ‘ከሰብዓዊ ኃይል በላይ የሆነ ኃይል’ ሰጥቶኛል” ብሏል።—2 ቆሮ. 4:7

ዬቭጌኒ የይሖዋ እርዳታ ባይለየውም እንኳ ከፊቱ ለሚጠብቀው ሁኔታ አእምሯዊ፣ ስሜታዊና መንፈሳዊ ዝግጅት ማድረግ እንዳለበት ያውቃል። እንዲህ ብሏል፦ “ትልቅ ቦታ የምሰጠው ነገር፣ በየትኛውም ሁኔታ ውስጥ ብሆን ከይሖዋ ጋር ያለኝን ዝምድና ማጠናከሬ ነው።”

ዬቭጌኒን እና ክሴኒያን ጨምሮ በሩሲያ የሚገኙ ወንድሞቻችን እና እህቶቻችን በሙሉ ስደት ቢደርስባቸውም በመዝሙር 10:17 ላይ የሰፈረው የሚከተለው ሐሳብ እንደሚያበረታታቸው እንተማመናለን፦ “ይሖዋ ሆይ፣ የዋሆች የሚያቀርቡትን ልመና ግን ትሰማለህ። ልባቸውን ታጸናለህ፤ ደግሞም ትኩረት ትሰጣቸዋለህ።”

^ አን.3 ፍርድ ቤቱ ብይን የሚያስተላልፍበትን ቀን አስቀድሞ የማያሳውቅበት ጊዜ አለ።