በቀጥታ ወደ ዋናው ጉዳይ ግባ

ወንድም ሰርጌ ሜልኒኮቭ

መጋቢት 25, 2021
ሩሲያ

ወንድም ሰርጌ ሜልኒኮቭ በእምነቱ ምክንያት በቁጥጥር ሥር በቆየበት ወቅት ይሖዋ ‘ከሰብዓዊ ኃይል በላይ የሆነውን ኃይል’ እንደሰጠው ተናገረ

ወንድም ሰርጌ ሜልኒኮቭ በእምነቱ ምክንያት በቁጥጥር ሥር በቆየበት ወቅት ይሖዋ ‘ከሰብዓዊ ኃይል በላይ የሆነውን ኃይል’ እንደሰጠው ተናገረ

የፍርድ ውሳኔ የሚሰጥበት ቀን

በፕሪሞርይስ ክልል የሚገኘው የኡሱሪስኪ አውራጃ ፍርድ ቤት የወንድም ሰርጌ ሜልኒኮቭን ጉዳይ ተመልክቶ በቅርቡ ውሳኔ እንደሚያስተላልፍ ይጠበቃል። * አቃቤ ሕጉ በወንድም ሰርጌ ሜልኒኮቭ ላይ እንዲተላለፍ የሚፈልገውን ብይን ገና አላሳወቀም።

አጭር መግለጫ

ሰርጌ ሜልኒኮቭ

  • የትውልድ ዘመን፦ 1973 (ታዬርንዪ፣ ፕሪሞርይስ ክልል)

  • ግለ ታሪክ፦ አናጺ፣ የእሳት አደጋ ሠራተኛ፣ ዓሣ አጥማጅና የጽዳት ሠራተኛ ሆኖ ሠርቷል። ወጣት እያለ ሆኪ እና መረብ ኳስ መጫወት ይወድ ነበር። ከይሖዋ ምሥክሮች ጋር ማጥናት የጀመረው በ2000 መጀመሪያ አካባቢ ነው። በ2003 ወደ ኡሱሪስኪ ተዛወረ፤ በዚያው ዓመት መጨረሻ ላይ ተጠመቀ

የክሱ ሂደት

በወንድም ሰርጌ ሜልኒኮቭ ላይ የወንጀል ክስ የተመሠረተው ሰኔ 2019 ነው። ባለሥልጣናቱ ወንድም ሰርጌን የያዙት ለመጽሐፍ ቅዱስ ፍላጎት ካሳየ ሰው ጋር ሲወያይ ነው። ባለሥልጣናቱ ቤቱን የፈተሹ ከመሆኑም ሌላ ላፕቶፕ ኮምፒውተሩን እና ስልኩን ወርሰውበታል።

ሰርጌ አራት ወራት በማረፊያ ቤት እንዲሁም 144 ቀናት በቁም እስር አሳልፏል። ሰርጌ ሁኔታው ከአቅሙ በላይ እንደሆነ የተሰማው ጊዜ ነበር። በዚህ ጊዜ በ1 ቆሮንቶስ 10:13 ላይ ያሰላስል ነበር፤ ይህም ወዲያው እንዲረጋጋ አድርጎታል። እንዲህ ብሏል፦ “ይሖዋ ይህ መከራ እንዲደርስብኝ መፍቀዱ መከራውን ልቋቋመው እንደምችል እርግጠኛ እንድሆን አድርጎኛል። ይሖዋ ‘ከሰብዓዊ ኃይል በላይ የሆነ ኃይል’ ሰጥቶኛል።”—2 ቆሮንቶስ 4:7

የካቲት 25, 2020 ሰርጌ ከቁም እስር ተለቀቀ። ሆኖም የእንቅስቃሴ ገደብ ተጥሎበታል።

የፍርዱ ቤቱን ውሳኔ በምንጠባበቅበት በዚህ ጊዜ ይሖዋ ለሰርጌ እንዲሁም በሩሲያ ላሉ ወንድሞቻችን እና እህቶቻችን በሙሉ ‘ረዳትና ጋሻ’ እንደሚሆንላቸው እንተማመናለን።—መዝሙር 115:11

^ አን.3 ፍርድ ቤቱ ብይን የሚያስተላልፍበትን ቀን አስቀድሞ የማያሳውቅበት ጊዜ አለ።