“ይሖዋ የሚወዳቸውን እንዳይንከባከብ የሚያግደው አንዳች ነገር የለም”

አጫውት

መስከረም 30, 2025 በክራስኖዳር ግዛት የሚገኘው የቭይሴልኮቭስኪ አውራጃ ፍርድ ቤት እህት ናታሊያ ኖቮሴሌትስካያን ጥፋተኛ በማለት የሁለት ዓመት የገደብ እስራት በይኖባታል። አሁን ላይ እስር ቤት አትገባም።

አጭር መግለጫ

ናታሊያ ኖቮሴሌትስካያ

ትውልድ፦ 1963 (ዶምባሮቭስኪ፣ ኦሬንበርግ ግዛት)

ጥምቀት፦ 2008

ግለ ታሪክ፦ ጡረታ ከመውጣቷ በፊት ሱቅ ውስጥ ሽያጭ ትሠራ ነበር። አንድ ወንድና አንዲት ሴት ልጅ አሏት

ክሱ፦ በይሖዋ ምሥክሮች ሃይማኖታዊ ስብሰባ ላይ መገኘት

ብይን፦ የሁለት ዓመት የገደብ እስራት

የሰጠችው ሐሳብ

ስለ ወደፊቱ ጊዜ ከልክ በላይ እንዳትጨነቂ የረዱሽ የመጽሐፍ ቅዱስ ጥቅሶች አሉ?

በጣም ከምወዳቸው ጥቅሶች አንዱ ማቴዎስ 6:34 ነው፤ ጥቅሱ እንዲህ ይላል፦ “ስለ ነገ ፈጽሞ አትጨነቁ፤ ምክንያቱም ነገ የራሱ የሆኑ የሚያስጨንቁ ነገሮች አሉት።” ‘ምን ይፈጠር ይሆን? እንዲህ ቢሆን ምን አደርጋለሁ?’ የሚለውን በመብሰልሰል ጉልበቴን አላሟጥጥም። ከዚህ ይልቅ እያንዳንዱን ቀን እንደ አመጣጡ ማስተናገድን ተምሬያለሁ። በሰቆቃወ ኤርምያስ 3:22, 23 ላይ ያለው አበረታች ሐሳብ ይህን ለማድረግ ረድቶኛል፤ ጥቅሱ እንዲህ ይላል፦ “ከይሖዋ ታማኝ ፍቅር የተነሳ ሙሉ በሙሉ አልጠፋንም፤ ምሕረቱ ፈጽሞ አያልቅምና። በየማለዳው አዲስ ነው።” ይሖዋ ብዙ ጊዜ በፍቅር ሲንከባከበኝ ተመልክቻለሁ፣ ወደፊትም ምንም ይምጣ ምን እንዲህ ማድረጉን እንደሚቀጥል ሙሉ እምነት አለኝ። አዎ፣ ይሖዋ የሚወዳቸውን እንዳይንከባከብ የሚያግደው አንዳች ነገር የለም።

በእነዚህ አስቸጋሪ የመጨረሻ ቀናት ይሖዋ ‘አስተማማኝ መጠጊያና ጋሻ’ በመሆን ታማኝ ፍቅሩን እያሳየን በመሆኑ አመስጋኝ ነን፤ እስከ መጨረሻው እንደምንታመንበት ማሳየታችንን እንቀጥል።—መዝሙር 144:2

አዳዲስ ዜናዎች