በቀጥታ ወደ ዋናው ጉዳይ ግባ

በቀጥታ ወደ ንዑስ መምረጫው ሂድ

የይሖዋ ምሥክሮች

አማርኛ

ሚስጥር የመጠበቅ ፖሊሲ

ሚስጥር የመጠበቅ ፖሊሲ

የግል መረጃ

Watchtower Bible and Tract Society of New York, Inc. የተባለው ድርጅት ወይም ይህ ድርጅት የሚጠቀምባቸው ሕጋዊ ማኅበራት በዚህ ድረ ገጽ ላይ የምታስገባውን የግል መረጃ የሚጠቀሙበት መረጃውን በሰጠህበት ወቅት ለተስማማህበት ዓላማ ብቻ ነው። Watchtower Bible and Tract Society of New York, Inc. የግል መረጃህን ለማንም አይሰጥም፤ ይሁንና የግል መረጃህን ለሌላ ወገን መስጠት አስገዳጅ የሚሆንባቸው ጊዜያት ይኖራሉ። ለምሳሌ አንተ የጠየቅከውን አገልግሎት እንድታገኝ መረጃህን በአንተ ፈቃድ ለሌላ ወገን ልንሰጥ እንችላለን፤ በተጨማሪም ሕጎችንና ደንቦችን ለማክበር፣ የማጭበርበር ድርጊቶችን ለመመርመርና ለመከላከል እንዲሁም ከደህንነት ወይም ከቴክኒካዊ ጉዳዮች ጋር በተያያዘ የግል መረጃህን መስጠት የግድ አስፈላጊ እንደሆነ ድርጅቱ ሙሉ እምነት በሚኖረው ጊዜ የግል መረጃህን ለሌላ ወገን ሊሰጥ ይችላል። በድረ ገጹ ላይ የምታስገባው ማንኛውም የግል መረጃ በምንም ዓይነት መንገድ አይሸጥም፣ አይለወጥም ወይም አይከራይም።

የኢ-ሜይል አድራሻ

በዚህ ድረ ገጽ ላይ አካውንት ስትከፍት ያስገባኸውን የኢ-ሜይል አድራሻ የምንጠቀመው አካውንትህን በተመለከተ ልናነጋግርህ በምንፈልግበት ጊዜ ነው። ለምሳሌ ያህል፣ የተጠቃሚ ስምህን ወይም የይለፍ ቃልህን በመርሳትህ ምክንያት ወደ አካውንትህ መግባት አቅቶህ እርዳታ በምትጠይቅበት ጊዜ አንተን የምንረዳው መጀመሪያ ወዳስገባኸው የኢ-ሜይል አድራሻ መልእክት በመላክ ነው።

ኩኪዎች

ኩኪዎች የሚያገለግሉት ተጠቃሚው jw.orgን በሚጠቀምበት ወቅት የመረጣቸውን ነገሮች ለማስታወስ ነው። ለምሳሌ ያህል፣ ተጠቃሚው jw.orgን በሚቃኝበት ጊዜ የመረጠውን ቋንቋ መዝግቦ በመያዝ በሚቀጥለው ጊዜ በድጋሚ ወደ ድረ ገጹ ሲገባ በዚያ ቋንቋ እንዲከፍትለት የሚያደርገው ኩኪ ነው። ኩኪዎች ማንኛውንም የግል መረጃ አይሰበስቡም እንዲሁም አያስቀምጡም።

አክቲቭ ስክሪፕቲንግ ወይም ጃቫስክሪፕት

jw.org ስክሪፕቲንግ የሚጠቀመው ድረ ገጹ የሚሠራበትን ቅልጥፍና ከፍ ለማድረግ ነው። ይህ ቴክኖሎጂ jw.org መረጃዎችን በፍጥነት ለተጠቃሚው ለማሳየት እንዲችል ይረዳዋል። jw.org በተጠቃሚዎች ኮምፒውተር ላይ ፕሮግራሞችን ለመጫን ወይም ያልተፈቀደለትን መረጃ ከተጠቃሚው ለመሰብሰብ ፈጽሞ ስክሪፕቲንግ አይጠቀምም።

አንዳንድ የjw.org ክፍሎች በተገቢው መንገድ እንዲሠሩ አክቲቭ ስክሪፕቲንግ ወይም ጃቫስክሪፕት ማሰሻው (browser) ላይ መብራት ይኖርበታል። አብዛኞቹ የኢንተርኔት ማሰሻዎች ለተወሰኑ ድረ ገጾች አክቲቭ ስክሪፕቲንግ ወይም ጃቫስክሪፕትን ለማብራትና ለማጥፋት የሚያስችል አማራጭ ይሰጣሉ። ለአንዳንድ ድረ ገጾች አክቲቭ ስክሪፕቲንግን ወይም ጃቫስክሪፕትን እንዴት ማብራት እንደሚቻል ለማወቅ የኢንተርኔት ማሰሻውን የእገዛ ፋይሎች ተመልከት።

የግል ሚስጥር ፖሊሲያችንን መቀየር አስፈላጊ በሚሆንበት ጊዜ ለውጦቹን በዚህ ገጽ ላይ እናወጣለን፤ ይህም ምን ዓይነት መረጃዎችን እንደምንሰበስብና መረጃዎቹን ለምን ዓላማ እንደምንጠቀምባቸው ለማወቅ ይረዳሃል።