ኢሳይያስ 27:1-13

አጫውት

ይሖዋ ሌዋታንን ይገድለዋል (1)
በወይን እርሻ ለተመሰለችው እስራኤል የተዘመረ መዝሙር (2-13)

27 በዚያን ቀን ይሖዋ፣ በፍጥነት እየተሳበ የሚሄደውን እባብ ሌዋታንን፣*ደግሞም እየተጥመለመለ የሚጓዘውን እባብ ሌዋታንንትልቅ፣ ኃይለኛና ምሕረት የለሽ በሆነው ሰይፉ ይቀጣዋል፤+በባሕር ውስጥ ያለውንም ግዙፍ ፍጥረት ይገድለዋል። ² በዚያ ቀን ለእሷ* እንዲህ ብላችሁ ዘምሩ፦ “የሚፈላ የወይን ጠጅ የሚመረትባት የወይን እርሻ!+ ³ እኔ ይሖዋ እጠብቃታለሁ።+ በየጊዜው ውኃ አጠጣታለሁ።+ ማንም ጉዳት እንዳያደርስባትሌት ተቀን እጠብቃታለሁ።+ ⁴ ከእንግዲህ አልቆጣትም።+ በውጊያው ላይ ቁጥቋጦና አረም ይዞ የሚገጥመኝ ማን ነው? ሁሉንም በአንድ ላይ እረግጣቸዋለሁ፤ በእሳትም አቃጥላቸዋለሁ። ⁵ አለዚያ ምሽጌን የሙጥኝ ይበል። ከእኔ ጋር ሰላም ይፍጠር፤አዎ፣ ከእኔ ጋር ሰላም ይፍጠር።” ⁶ በመጪዎቹ ቀናት ያዕቆብ ሥር ይሰዳል፤እስራኤል ያብባል እንዲሁም ይለመልማል፤+ምድሩንም በምርት ይሞሉታል።+ ⁷ እሱ አሁን በተመታበት ሁኔታ መመታቱ ተገቢ ነው? ወይስ የተገደሉበት ሰዎች በተፈጁበት መንገድ መገደሉ አስፈላጊ ነው? ⁸ እሷን በምትልካት ጊዜ በአስደንጋጭ ጩኸት ትፋለማታለህ። የምሥራቅ ነፋስ በሚነፍስበት ቀን በኃይለኛ አውሎ ነፋሱ ያስወግዳታል።+ ⁹ በመሆኑም የያዕቆብ በደል በዚህ መንገድ ይሰረይለታል፤+ኃጢአቱ በሚወገድበት ጊዜ ፍሬው በሙሉ ይህ ይሆናል፦ የመሠዊያ ድንጋዮቹን ሁሉእንደደቀቀ የኖራ ድንጋይ ያደርጋል፤የማምለኪያ ግንዶቹም* ሆኑ የዕጣን ማጨሻዎቹ አይተርፉም።+ ¹⁰ የተመሸገችው ከተማ ትተዋለችና፤የግጦሽ መሬቱም ወና ይሆናል፤ እንደ ምድረ በዳም የተተወ ይሆናል።+ በዚያ ጥጃ ይግጣል፤ ይተኛልም፤ቅርንጫፎቿንም ይበላል።+ ¹¹ ቀንበጦቿ በሚደርቁበት ጊዜሴቶች መጥተው ይሰብሯቸዋል፤ከዚያም ማገዶ ያደርጓቸዋል። ይህ ሕዝብ ማስተዋል ይጎድለዋልና።+ በዚህም ምክንያት ፈጣሪያቸው ምንም ምሕረት አያደርግላቸውም፤ሠሪያቸውም ምንም ዓይነት ሞገስ አያሳያቸውም።+ ¹² በዚያም ቀን የእስራኤል ሕዝብ ሆይ፣ ሰው ዛፍ ላይ ያሉ ፍሬዎችን አርግፎ አንድ በአንድ እንደሚለቅም ሁሉ፣ ይሖዋም ከታላቁ ወንዝ* አንስቶ እስከ ግብፅ ደረቅ ወንዝ*+ ድረስ ባለው ቦታ ሁሉ የተበተናችሁትን ይሰበስባችኋል።+ ¹³ በዚያም ቀን ትልቅ ቀንደ መለከት ይነፋል፤+ በአሦር ምድር+ የጠፉትና በግብፅ ምድር+ የተበተኑት መጥተው በኢየሩሳሌም በሚገኘው ቅዱስ ተራራ ላይ ለይሖዋ ይሰግዳሉ።+