መዝሙር 20:1-9
-
አምላክ የቀባውን ንጉሥ ያድናል
-
አንዳንዶች በሠረገሎችና በፈረሶች ይታመናሉ፤ ‘እኛ ግን የይሖዋን ስም እንጠራለን’ (7)
-
ለሙዚቀኞች ቡድን መሪ። የዳዊት ማህሌት።
20 በጭንቀት ቀን ይሖዋ ይስማህ።
የያዕቆብ አምላክ ስም ይጠብቅህ።+
2 ከቅዱሱ ስፍራ እርዳታ ይላክልህ፤+ከጽዮንም ደግፎ ይያዝህ።+
3 በስጦታ የምታቀርበውን መባ ሁሉ ያስብልህ፤የሚቃጠል መባህን በሞገስ ዓይን* ይቀበልህ። (ሴላ)
4 የልብህን ፍላጎት ያሟላልህ፤+ዕቅድህንም* ሁሉ ያሳካልህ።
5 በማዳን ሥራህ በደስታ እልል እንላለን፤+በአምላካችን ስም ዓርማችንን ወደ ላይ ከፍ እናደርጋለን።+
ይሖዋ የለመንከውን ሁሉ ይፈጽምልህ።
6 ይሖዋ የቀባውን እንደሚያድን አሁን አወቅኩ።+
በቀኝ እጁ በሚያከናውነው ታላቅ የማዳን ሥራ፣*+ቅዱስ ከሆኑት ሰማያቱ ይመልስለታል።
7 አንዳንዶች በሠረገሎች፣ ሌሎች ደግሞ በፈረሶች ይታመናሉ፤+እኛ ግን የአምላካችንን የይሖዋን ስም እንጠራለን።+
8 እነሱ ተዝለፍልፈው ወድቀዋል፤እኛ ግን ተነስተን ቀጥ ብለን ቆመናል።+
9 ይሖዋ ሆይ፣ ንጉሡን አድን!+
እርዳታ ለማግኘት በተጣራን ቀን ይመልስልናል።+
