መዝሙር 129:1-8
-
አጠቁኝ፤ ሊያሸንፉኝ ግን አልቻሉም
-
ጽዮንን የሚጠሉ ሁሉ ኀፍረት ይከናነባሉ (5)
-
ወደ ላይ የመውጣት መዝሙር።
129 “ከወጣትነቴ ጀምሮ ሁልጊዜ ያጠቁኝ ነበር”፤+
እስራኤል እንዲህ ይበል፦
2 “ከወጣትነቴ ጀምሮ ሁልጊዜ ያጠቁኝ ነበር፤+ሆኖም ሊያሸንፉኝ አልቻሉም።+
3 አራሾች ጀርባዬን አረሱት፤+ትልማቸውንም አስረዘሙት።”*
4 ይሖዋ ግን ጻድቅ ነው፤+የክፉዎችን ገመድ በጣጥሷል።+
5 ጽዮንን የሚጠሉ ሁሉ፣ኀፍረት ይከናነባሉ፤ ተዋርደውም ወደኋላቸው ይመለሳሉ።+
6 ከመነቀሉ በፊት እንደሚጠወልግ፣በጣሪያ ላይ እንደበቀለ ሣር ይሆናሉ፤
7 እንዲህ ዓይነቱ ሣር የአጫጁን እጅ፣ነዶ የሚሰበስበውንም ሰው ክንዶች ሊሞላ አይችልም።
8 በዚያ የሚያልፉ ሰዎች
“የይሖዋ በረከት በእናንተ ላይ ይሁን፤በይሖዋ ስም እንባርካችኋለን” አይሉም።
የግርጌ ማስታወሻዎች
^ ይህ ጠላቶቻቸው የሚፈጽሙባቸውን የጭካኔ ድርጊት ያሳያል።
