Nen video ma nwang'ere

Nen lembe ma nwang'ere i ie

Jumulembe pa Yehova

Ng'ii Dhok Alur

 KWO MI JUKRISTU

Wamed bodho mwa i tic mi rweyo lembanyong’a​—Watii ku JW.ORG

Wamed bodho mwa i tic mi rweyo lembanyong’a​—Watii ku JW.ORG

PIRANG’O PIRE TIE TEK NITIMO KUMENO: Jamtic ceke ma waponjo ko dhanu, betelo nen migi iwi jw.org. I andha, thelembe ma kwong’a m’uketho juwodho kart ma terojo i JW.ORG, man trakt ma thiwie tie Wacopo nwang’u dwokowang’ penji ma dongo dongo mi kwo mwa kani? utie pi nitelo nen mi dhanu iwi kusika mwa mir Internet. Icopo tio ku jw.org pi nioro jamtic moko ma waponjo ko dhanu ni ng’atini, nikadhu kud i e-mail, kunoke icopo oro ire yo (lien) m’eromo nwang’e ko i jw.org. Eno copo konyo, asagane kan iberweyo ni ng’atu ma weco dhok mange. M’umedo maeno, dhanu copo penjo penji ma dwokowang’e nwang’ere ngo i jamtic ma waponjo ko dhanu. Ka wang’eyo nitio ku kusika mwa mir Internet, wacopo nwang’u cegonying’ ma beco i tic mi lembanyong’a.

KITE MA JUROMO TIMO KO:

  • Tii ku thiwiwec “PONJI MI BIBLIA.” Wakemak nia iberweyo ni janyodo m’umaru eng’ei lembe dupa iwi kite mi tungo awiya. Mond i PONJI MI BIBLIA > GAMIRI & JURUOT.

  • Tii ku thiwiwec “JEMNI.” Wakemak nia iberweyo ni nyathin wedu mi somo man ibemito iwec kude iwi nyathibuku Dwokowang’ penji 10 m’aradu gipenjiri ko. Mond i JEMNI > BUKU & NYITHIBUKU.

  • Tii ku thiwiwec “LEMBE I WIWA.” Wakemak nia iberweyo ni jaratic wedu m’umaru esom lembe dupa iwi ponji mwa. Mond i LEMBE I WIWA > PENJI MA JUBED JUPENJO WANG’ MA POL.

NEN VIDEO MA THIWIE TIE WATII KU JW.ORG, MAN I NG’EYE NEN NIA ICOPO MONDO I THIWIWEC MA KANI I JW.ORG, PI NIKONYO:

  • ng’atu m’uyio nia Mungu mbe

  • ng’atu m’uai ukadhu kud i peko ma wok rek

  • umego kunoke nyamego m’ukwio i tipo

  • ng’atu m’ibed iliewo m’ubepenjere nia sente mi timo tic mwa beai kani

  • ng’atu m’uai i ng’om mange, m’ubemito edok ecidh i coko mwa i thugi