Nen video ma nwang'ere

Nen lembe ma nwang'ere i ie

Jumulembe pa Yehova

Ng'ii Dhok Alur

 KWO MI JUKRISTU

Kusika mi weco ku dhanu i Internet: Kud icoriri swa!

Kusika mi weco ku dhanu i Internet: Kud icoriri swa!

PIRANG’O PIRE TEK: Kusika mi weco ku dhanu i Internet utie ve jamtic mange: ecopo nikonyowa kunoke nitimowa rac. Jukristu moko ginwang’u nia dong’ kud gitii atia zoo de ku kusikane. Jumange ke gitio ku kusikane pi niweco ku jurimbgi man wedi migi. Ento Wonabali ubemito ngo wabed ku wang’wa kinde ma wabetio ku kusika mi weco ku dhanu i Internet. Eng’eyo nia ka watio kude ku rieko ngo, nyingwa copo cidere man mer mwa ku Yehova copo nyothere. Re calu Yesu, wacopo tio ku cik mir ukungu mi Biblia pi ning’eyo ariti ma lembuno copo kelo, man niurogi.​—Lk 4:4, 8, 12.

ARITI M’UKWAYU NIURO:

  • Tio kud Internet nikadhu mukero. Niweco ku dhanu i Internet pi saa ma lee akeca, copo ketho wanyotho saa mwa ma nwang’u waromo timo ko lembe mi tipo

    Cik mir ukungu mi Biblia: Ef 5:15, 16; Flp 1:10

  • Neno piny ma reco. Nineno cal ma cewo ava mi tarwang’ copo cwalujo nimaru pornografi, kunoke copo royojo i lemsasa mi tarwang’. Bende, ka wabemondo i kusika mir Internet mi ju m’ujai i kum yioyic pi nisomo lembe i wigi, yioyic mwa copo kwio

    Cik mir ukungu mi Biblia: Mt 5:28; Flp 4:8

  • Ketho fotho kunoke kiewo lembe m’umaku piny ungo. Calu adunde tie jabombi, ecopo cwalu ng’atini ukiew wec ma cuu ngo kunoke uketh fotho ma reco i kusika mi weco ku dhanu i Internet. Ento lembe maeno copo cido nying’e man yioyic pare copo doko ng’ic

    Cik mir ukungu mi Biblia: Rm 14:13; Ef 4:29

WUNEN VIDEO MA THIWIE TIE TII KU RIEKO KU KUSIKA MI WECO KU DHANU I INTERNET, MAN I NG’EYE, WUDWOG IWI LEMBE MA E MA COPO WOK: