Nen video ma nwang'ere

Nen lembe ma nwang'ere i ie

Jumulembe pa Yehova

Ng'ii Dhok Alur

 KWO MI JUKRISTU

Wamed bodho mwa i tic mi rweyo lembanyong’a​—Ayi ma ber mi kiewo barua

Wamed bodho mwa i tic mi rweyo lembanyong’a​—Ayi ma ber mi kiewo barua

PIRANG’O PIRE TIE TEK: Buku mi 1 Jukorinto nwang’ere i kind barua 14 ma jakwenda Paulo ukiewo pi nitielo cwiny Jukristu. Wang’ mapol, kinde ma ng’atini ubekiewo barua, ebedo ku saa mi londo wec m’etio ko cuu, man ng’atu m’ebiore ire copo some wang’ dupa. Barua utie yo ma ber ma wacopo tio ko pi nimio lembatuca ni wedi mwa man ni jurimbwa. Etie bende yo ma ber mandha mi mio lembatuca ni dhanu ma wacopo weco ngo kugi dhok ku dhok. Ku lapor, ng’atu moko nyo ufoyo ku lembanyong’a, re ninwang’e i pacu tie yot ungo. Jumange ke niweco kugi utie tek pilembe gikwo i udi ma polisi re ma kuro kume, i gang’ ma jumondo swa ngo i ie, kunoke ginwang’iri i kabedo ma bor. Dong’ ang’o ma bikonyowa nikewo barua ma cuu, asagane kinde ma wabekiewe ni dhanu ma wang’eyara ngo kugi?

KITE MA JUROMO TIMO KO:

  • Kiew lembe m’icopo maru iyer ni ng’atini ka nwang’u itie kude karacelo. I acaki mi barua peri, nyuth nia itie ng’a, man kor ire terere nia pirang’o ikiewo ire barua. Icopo kiewo penji moko m’ecopo nyamu ie, man nyuth ire kusika mwa mir Internet. I ng’eye, nyuth ire pi program mi ponjo Biblia ku dhanu i pacu migi, kunoke kiew thiwiwec moko ma nwang’ere i girasoma ma waponjo ko Biblia ku dhanu. I avelop m’ibiketho ie baruane, icopo royo bende girasoma moko ma calu ve kart ma terojo i JW.ORG, karatasi mi lwong’o, kunoke trakt

  • Bed adundo. Kud ikiew lembe dupa ma copo ketho ng’atu ma bisome ular uol ma fodi edaru ngo nisome.​—Nen ayi ma waromo kiewo ko barua

  • Dok isome kendo pi nineno ka nyo kosa moko ukadhu i ie, nyo some tie yot, nyo wec m’i ie ubewinjere ma ber man ma mit, man ka nyo lembe m’i ie copo timo ngo ng’atini rac