Nen video ma nwang'ere

Nen lembe ma nwang'ere i ie

Jumulembe pa Yehova

Ng'ii Dhok Alur

 LONYO MA NWANG’ERE I LEMBE PA MUNGU | MATAYO 18-19

Ur gin ceke ma copo ketho ikier kunoke ikiero jumange

Ur gin ceke ma copo ketho ikier kunoke ikiero jumange

Yesu utio ku lapor ma tung’ tung’ pi nimio ponji iwi ariti ma wacopo nwang’u ka wakier kunoke wabeketho jumange gikier.

18:6, 7

  • “Gin ma ketho jukier” ubenyutho timo kunoke lembe ma copo cwalu ng’atini umak yub ma rac, umond i timo ma rac, kunoke upodh i dubo

  • Ka ng’atu moko ubeketho wadi ukier, etie ber ma gwei nia jung’ab pom (kidi rego) i ng’ute ka jubole ko i nam

Pom (kidi rego)

18:8, 9

  • Yesu umio juk ni julub pare nia gikab cen kadok piny ma pire tek lee, calu ve wang’gi kunoke cinggi, tekene ebeketho gikier

  • Etie ber nimondo i Ker pa Mungu m’umbe piny maeno ma pigi tek, kakare nibedo kugi asu ma ke wabidonwang’ara ko i gehena, niwacu i nyoth mi nja

Lembang’o ma copo doko ni gin ma ketho jukier i kwo para, man acopo gwokara nenedi kara kud akier kunoke kud aketh dhanu mange gikier?