Nen video ma nwang'ere

Nen lembe ma nwang'ere i ie

Jumulembe pa Yehova

Ng'ii Dhok Alur

 KWO MI JUKRISTU

Ayi ma cik ung’eyo ko pi tic mwa i Québec

Ayi ma cik ung’eyo ko pi tic mwa i Québec

Saa ma Paulo ubino i wang’ kesi, ekwayu nia jucidh jutit kesi pare i wang’ Kaisari. Kite m’etio ko ku twero pare mi bedo anyoli mi Roma, ubemio iwa ponji tin. Nen video m’unyutho kite m’umego mwa gitio ko ku twero ma cik umio igi pi nicero ba tic mi lembanyong’a i adhura mi Québec. Thiwi videone tie Ayi ma cik ung’eyo ko pi tic mwa i Québec. I ng’eye, dwok wang’ penji m’ulubo e:

  • Peko ma kani m’umego mwa ginwang’iri ko i Québec?

  • Gipoko trakt ma kani ma segi, man adwogine ubedo ang’o?

  • Umego Aimé Boucher unwang’ere ku lembang’o?

  • Ot pido ma malu mi Canada ung’olo kesi p’umego Boucher nenedi?

  • Umego gitio ku twero ma kani mi cik ma jubed jutio ko ngo akeca saa m’aeca, man ginwang’u adwogi ma kani?

  • Kinde ma jupadri gicung’o lembe uketho polisi ucidh ulalu coko m’umego gibetimo, lembang’o m’udok utimere i ng’eye?