Nen video ma nwang'ere

Nen lembe ma nwang'ere i ie

Jumulembe pa Yehova

Ng'ii Dhok Alur

 KWO MI JUKRISTU

Cer bang’ cik mi kurajo pa Yehova

Cer bang’ cik mi kurajo pa Yehova

Yehova uketho cik mi kurajo ma dhanu ucikiri nilubo. Ku lapor, eng’olo nia gamiri ucikere nibedo kende kende ikind nico giku dhaku, ke pi nja. (Mt 19:4-6, 9) Cik pare ukwero lemb sasa ceke mi tarwang’. (1Ko 6:9, 10) Egam emio bende cik iwi lembe m’uneno kendi man rukiri kara dhanu pare ukoc ku dhanu mi thek mange.​—Pc 22:5; 1Tm 2:9, 10.

I ng’om ma tin, dhanu mapol gikwero nilubo cik pa Yehova. (Rm 1:18-32) Giweko ng’om re m’utel wigi i lembe m’uneno kendi, rukiri, man kura migi. Gitimo man gilulo lembe ma recone kamaleng’ kamaleng’, man gicayu dhanu ceke m’ulubo ngo timo migi eno.​—1Pe 4:3, 4.

Ento wan ma watie Jumulembe pa Yehova, wacikara nicero bang’ cik pa Mungu mi kurajo ku tegocwinywa. (Rm 12:9) Nenedi? Ku riekowang’, wacikara ninyutho ni dhanu gin ma nyayu anyong’a i Yehova. Wan bende, wacikara niworo cuu mandha cik mi kurajo pa Yehova i kwo mwa. Ku lapor, kinde ma wabeng’io ayi kendi moko kunoke ayi ruko moko, wacikara nipenjara kumae: ‘Nyo ng’iong’ic para ubenyutho nia abelubo cik pa Yehova kunoke abeweko ng’om re m’utel wiya? Nyo kendi para man ayi mi rukiri para uketho anen kamaleng’ nia abelworo Mungu?’ Kunoke kinde ma wabeng’io program moko mi televizio kunoke filme moko mir anena, wapenjara kumae: ‘Nyo Yehova bifoyo ku giranena maeni? Giranena ne ubecwalu dhanu gilub cik pa Mungu kunoke mi ng’omi? Nyo kit galuwang’ m’abed ang’io ubejwigo kero para mi ceriri ikum gin marac? (Zb 101:3) Nyo ebibedo ni cudho mi kier ni wedi para kunoke ni jumange?’​—1Ko 10:31-33.

Pirang’o pire tie tek akeca nia wacer bang’ cik mi kurajo pa Yehova? Pilembe ceng’ni eni Kristu Yesu binyotho dhanu ceke mareco ku timo mareco zoo. (Eze 9:4-7) Ento jum’ubetimo yeny pa Mungu re ma gibidong’. (1Yh 2:15-17) Dong’ wabed ku kura maber kara dhanu ceke m’ubenenowa ging’ei nia wabecero bang’ cik mi kurajo pa Yehova man kara gimii yung ire.​—1Pe 2:11, 12.

Kendi m’abeng’io man ayi ruko para ubenyutho nia aweko cik makani re m’ubetelo wiya?

NEN VIDEO MA THIWIE TIE DEVIENS L’AMI DE JÉHOVAH: UN HOMME, UNE FEMME, MAN ING’EYE, DWOK WANG’ PENJI M’ULUBO E:

  • Pirang’o etie lembe mi rieko niweko cik mi kurajo pa Yehova re m’utel wiwa?

  • Pirang’o junyodo gicikiri niponjo awiya migi ku cik mi kurajo pa Yehova niai ma fodi githindho?

  • Awiya ku judongo ceke gicopo konyo dhanu mange nenedi kara ginwang’ kony ikum bero pa Yehova?