Nen video ma nwang'ere

Nen lembe ma nwang'ere i ie

Jumulembe pa Yehova

Ng'ii Dhok Alur

 KWO MI JUKRISTU

Thiwiwec manyen mi caku wec ku dhanu i lembanyong’a

Thiwiwec manyen mi caku wec ku dhanu i lembanyong’a

Niai i dwi mi 1, 2016, mbaya ma tokcen mi La Tour de Garde ma pi dhanu ceke, utie dong’ ku thiwiwec manyen mae: “Biblia ubeyero ang’o?” Thiwiwec maeno tie pi nikonyowa wacak wec mi Biblia ku dhanu i lembanyong’a. Kite ma jukiewo ko lembe m’i ie urombo ku kite ma jukiewo ko lembe mi trakt. I ie junwang’u penji ma copo cwalu ng’atini umii paru pare gire, ing’eye giragora utie, man lembe mange ma wacopo niweco i wigi.

Ka wacaku wec maber ku ng’atini iwi lembe mi Biblia, wang’ mapol, wecne terowa nicaku kude ponji mi Biblia. Tii ku thiwiwec maeno manyen pi nikonyo dhanu dupa kara kec mi tipo m’ubenegogi uthum.Mat 5:6.

KITE M’ICOPO TIO KO KU THIWIWECNE:

  1. Penj jawinj peri unyuth paru pare iwi penji ma jukiewo

  2. Winj dwokowang’ lembe pare, man foye

  3. Som giragora ma nwang’ere i the nyathi thiwiwec mae: “Lembe ma Biblia ubeyero.” Ing’eye, penje ekor paru pare iwi giragorane. Kan etie ku saa, mediri niweco kude; pieno, tii ku nyathi thiwiwec m’uyero kumae: “Lembang’o mange ma wacopo ponjo niai kud i Biblia?”

  4. Mii ire gazetine

  5. Wuwinjuru karacelo kude iwi nindo man saa m’ibidwogo i ie i bang’e pi niweco kude iwi penji mir ario