Nen video ma nwang'ere

Nen lembe ma nwang'ere i ie

Jumulembe pa Yehova

Ng'ii Dhok Alur

 KWO MI JUKRISTU

Wamed bodho mwa i tic mi rweyo lembanyong’a​—Nidok liewo ng’atini

Wamed bodho mwa i tic mi rweyo lembanyong’a​—Nidok liewo ng’atini

PIRANG’O PIRE TIE TEK: Dhanu dupa ma gijolo lemkwenda mi Ker pa Mungu gitie dhanu ma gibesayu ning’eyo lemandha iwi Mungu. (Is 55:6) Kara waponjgi nok nok, wacikara nidok ibang’gi kendo kendo. Dhanu gibenwang’iri ku kit peko matung’ tung’, pieno kite ma wabimio ko ava ikumgi bicikire nikoc. Wabinwang’u matoke maber tekene wayikara cuu mandha man wadok niliewogi ku lembakeca mi caku kugi ponji mi Biblia.

KITE MA JUROMO TIMO KO:

  • Tim kero nidok liewe nya pio pio, nyo ing’ei nindo moko kumeni.​—Mt 13:19

  • Nyuth nia imare man iwore. Pot kumi

  • Cak nimothe ku yaw yaw. Lwong’e ku nyinge. Nyuth ire thelembe m’uketho idwogo niliewe. Nyo pi nidwoko wang’ penji pare, nimio ire girasoma m’uwok ma nyen, ninyutho ire pi kusika mwa mir Internet, ninyutho ire video, kunoke ninyutho ire kite ma ponji mi Biblia kadhu ko. Wil wec peri nimakere ku yeny pare.​—Flp 2:4

  • Dok ikor ire paru m’uai i Lembagora kunoke niweko ire girasoma, pi nikwoyo pii iwi kodhi mi lemandha m’ipidho i adundene. (1Ko 3:6) Tim kero ceke kara edok jarimoni

  • Keth eng’ei pi gin ma wubiweco iwie nindo m’ubino