Nen video ma nwang'ere

Nen lembe ma nwang'ere i ie

Jumulembe pa Yehova

Ng'ii Dhok Alur

Nyo ibepoi?

Nyo ibepoi?

Nyo isomo kilili mandha Otkur ma Wiw m’uwok i kind nindo m’ukadhu ceng’ini eni de? Kenen nyo iromo dwoko wang’ penji m’ulubo e:

Lembe ang’wen ma kani ma copo konyowa kara watund niwer ma ber?

Pi niwer ma ber, ukwayu wacung atira man wamak buku mi wer ubed malu. Ukwayu bende watel yuyo cuu. Man ka wawer, ukwayu wayab dhogwa ma lac; eno biketho wabituc niwer ku dwandwa ma tek.​—w17.11, mba. 5.

Lembang’o ma copo wang’u ijo iwi kaka ma juketho i ie adhura mi karingo i Israel, man iwi yo m’ucidho i igi?

Adhura mi karingo ubino abusiel, man yo m’ucidho i igi ubedo ma leng’ saa ceke. Ebino yot ni janek nitundo kuca nya pio pio m’umbe macero.​—w17.11, mba. 14.

Pirang’o jamgony ma Mungu umio utie giramia ma ber m’usagu zoo?

Jamgony upong’o yeny mwa mi kwo nja ku nja, man egonyowa kud i ng’eca mi dubo man tho. Yehova umio Yesu utho piwa ma nwang’u wa judubo, pilembe emaruwa lee dit.​—wp17.6-F, mba. 6-7.

Wec ma nwang’ere i Zaburi 118:22 ular uweco nenedi iwi cer pa Yesu?

Jucayu Yesu man jukwere nia etie ngo Masiya, i ng’eye ke junege. Kara edok ‘kidi ma wi gul,’ ugam ukwayu nia ekecer agbele.​—w17.12, mba. 9-10.

Kara ng’atini ubed i thekwaru pa Masiya, nyo ugam ukwayere nia ebed kokoro wod ma kayu?

Saa moko, thekwaru pa Yesu ubed ukadhu kud i bang’ wod ma kayu, re kwa ngo. Ku lapor, Daudi ubino ngo wod Yese ma kayu, re Yesu unyolere i thekwaru pare.​—w17.12, mba. 14-15.

Cik mir ukungu ma kani ma romo konyowa i lembe m’uneno leng’kum?

I the Cik pa Musa, dhanu ma gibino ku kit twoyo moko jubed jukoyogi cen ku dhanu mange. Ng’atu m’umulo kum avu ucikere nijom cuu. Cik ugam ukwayu bende nia juyik ceth i ng’om. Bende, ka junyolo nyathin ma nico, jucikiri nitimo yaa i kume nindo mir abora i ng’ei nyoliri pare, kara rimbe kud ucwir akeca.​—wp18.1-F, mba. 7.

Pirang’o etie rac ungo ni Jakristu nimarere gire i kadiri moko?

Wacikara nimaru wedi mwa calu ma wamarara ko giwa. (Mk. 12:31) Bende, ubekwayu cogmon “gimar mondgi ma dhe calu kumgi gigi.” (Ef. 5:28) Re saa moko, mariri gijo copo doko ni awic.​—w18.01, mba. 23.

Waromo timo ang’o kara wateng’ini i thenge mi tipo?

Wacikara niponjo Lembe pa Mungu aketha cwinywa, ninyamu ie man nitio kude i kwo mwa. Wacikara bende niweko tipo maleng’ utel wi paru mwa man adunde mwa, man wacikara niyio kony ma jumange gibemio.​—w18.02, mba. 26.

Pirang’o nitio ku nyikaluku pi nineno lembe ma bibino man niewo lembe m’ung’eyere ngo, copo konyowa ngo ning’eyo lembe mi nindo m’ubino?

Thelembe tie dupa, ento ma pire tek utie nia Biblia ukwero kit timo ma kumeno.​—wp18.2-F, mba. 4-5.

Wacikara nitimo ang’o ka ng’atu moko ulwong’owa wacidh waliewe?

Ka wayio nia wabicidho, wacikara nicidho calu ma wang’olo. (Zab. 15:4) Wacikara ngo niranyu programne ka macero mbe. Saa moko nyo ng’atu m’ulwong’owa udaru yikere cuu pi tundo mwa.​—w18.03, mba. 18.

Umego ma gitie ku rwom gicopo nwang’u ponji ma kani niai kud i lapor pa Timoteo?

Timoteo udieng’ cuu pi dhanu mange man eketho tic mi lembanyong’a i kabedo ma kwong’a. Emiere lee pi nitimo tic ma leng’ man etio ku lembe m’eponjo. Emedere niponjere gire man ejengere iwi tipo maleng’ pa Yehova. Judong cokiri ku jumange bende gicopo lubo lapor pare.​—w18.04, mba. 13-14.